യു.എഫ്.സി ഫുട്ബാള്: സെമി ഫൈനല് മത്സരങ്ങള് വെള്ളിയാഴ്ച
text_fields
അല്കോബാര് യുനൈറ്റഡ് എഫ്.സി ഫുട്ബാള് മേളയിലെ ക്വാര്ട്ടര് ഫൈനല് മത്സരത്തില് മാന് ഓഫ് ദ മാച്ചായി തെരഞ്ഞെടുക്കപ്പെട്ട സഹീറിന് ബദര് സാലിം ബഗ്ഷാന് ഉപഹാരം സമ്മാനിക്കുന്നു
ദമ്മാം: അല്കോബാര് യുനൈറ്റഡ് എഫ്.സി ഗാലപ് ചാമ്പ്യന്സ് കപ്പ് ഫുട്ബാള് മേളയുടെ സെമി ഫൈനല് മത്സരങ്ങള് ജൂണ് ഒമ്പതിന് നടക്കും. ഖോബാര് റാക്കയിലെ ഖാദിസിയ സ്റ്റേഡിയത്തില് വൈകീട്ട് നടക്കുന്ന ആദ്യ മത്സരത്തില് മാഡ്രിഡ് എഫ്.സി ഖാലിദിയ എഫ്.സിയുമായും രണ്ടാമത്തെ മത്സരത്തില് കോര്ണിഷ് സോക്കര് ജുബൈല് എഫ്.സിയുമായും മാറ്റുരക്കും. കേരളത്തില്നിന്നുള്ള സന്തോഷ് ട്രോഫി താരങ്ങളുൾപ്പെടെ പ്രമുഖ താരങ്ങള് സെമി മത്സരത്തില് വിവിധ ടീമുകള്ക്കുവേണ്ടി ബൂട്ടണിയും.
കഴിഞ്ഞയാഴ്ച നടന്ന ആദ്യ ക്വാര്ട്ടര് ഫൈനല് മത്സരത്തില് മാഡ്രിഡ് എഫ്.സി ഇ.എം.എഫ് റാക്കയെയും ഖാലിദിയ എഫ്.സി യൂത്ത് ക്ലബ് അല്കോബാറിനെയും പരാജയപ്പെടുത്തി സെമിയില് പ്രവേശിച്ചു. അവസാന ക്വാര്ട്ടര് ഫൈനല് മത്സരത്തില് ജുബൈല് എഫ്.സി ബദര് എഫ്.സിയെയും കോര്ണിഷ് സോക്കര് യുനൈറ്റഡ് എഫ്.സിയെയും പരാജയപ്പെടുത്തിയാണ് സെമി ഫൈനലില് പ്രവേശിച്ചത്.
സഹീര് (മാഡ്രിഡ്), റിന്ഷിഫ് (ഖാലിദിയ), മുസ്തഫ ഒലു (ബദര്), റിസ്വാന് (കോര്ണിഷ്) എന്നിവരെ കളികളിലെ കേമന്മാരായി തിരഞ്ഞെടുത്തു. സ്വദേശി പ്രമുഖരായ ബദര് സാലിം ബഗ്ഷാന്, അലി ഹസ്സന് സുവൈഹ്, മുഹമ്മദ് അലി സുവൈഹ്, അമര് ശരീഫ്, സുബൈര് കണ്ണൂര്, സി.വി. നാരായണന് (ബഹ്റൈന്) മുഹമ്മദ് റിയാസ് (ദുബായ്) അസീസ് കൊടുവള്ളി, അരവിന്ദ് ക്രിഷ്ണ, റാസി അബ്ദുല്, അബ്ദുല് ഹകീം, താരിക് ഇസ്തന്ബൂളി, കെ.പി. ഹുസൈന്, കെ.പി. അബ്ദുല് സമദ്, മുഹമ്മദ് നജാത്തി, ശിഹാബ് കൊയിലാണ്ടി, സുബൈര് ഉദിനൂര്, നജീബ് അരഞ്ഞിക്കല്, ലിയാക്കത്ത് കരങ്ങാടന്, അഷ്റഫ് നാണി വാണിയമ്പലം എന്നിവര് മേളയിലെ അതിഥികളായി പങ്കെടുത്തു.
ജൂണ് 16നാണ് ടൂര്ണമെന്റിന്റെ കലാശപ്പോരാട്ടം. വിജയികള്ക്ക് ട്രോഫിയും പ്രൈസ് മണിയും സമ്മാനിക്കും. ഹാരിസ് മേലാറ്റൂര്, ഷമീര് എടത്തനാട്ടുകര, ഫിഗോ വയനാട്, നിസാര് എടത്തനാട്ടുകര, റിംഷാദ് എടത്തനാട്ടുകര, അഫ്നാന് വാണിയമ്പലം എന്നിവര് ടൂര്ണമെന്റിന്റെ സംഘാടനത്തിന് നേതൃത്വം നല്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.