യു.എഫ്.സി അർജന്‍റീനയുടെ വിജയം ആഘോഷിച്ചു

റിയാദ്: റിയാദ് ഇന്ത്യൻ ഫുട്ബാൾ അസോസിയേഷന് കീഴിലുള്ള യുനൈറ്റഡ് ഫുട്ബാൾ ക്ലബ് (യു.എഫ്.സി) റിയാദ് ലോകകപ്പ് ഫുട്ബാളിലെ അർജന്‍റീന ടീമിന്‍റെ വിജയം ആഘോഷിച്ചു. റിയാദ് ദാറുൽ ബൈദയിലെ ഗ്രൗണ്ടിൽ കേക്ക് മുറിച്ചാണ് വിജയാഘോഷം സംഘടിപ്പിച്ചത്.

ക്ലബിലെ ബ്രസീൽ ഫാൻസിൽ പെട്ട അസ്ഹർ വള്ളുവമ്പ്രം, ആദിൽ ഉദരംപൊയിൽ എന്നിവർ ചേർന്നാണ് കേക്ക് മുറിച്ചത്. ശേഷം ക്ലബിലേക്ക് പുതുതായി വന്ന കണ്ണൂർ യൂനിവേഴ്‌സിറ്റി താരങ്ങളായ ശ്രീരാഗ്, ധനൂഷ് എന്നിവരെ പരിചയപ്പെടുത്തി ക്ലബ് സെക്രട്ടറി കുട്ടി വല്ലപ്പുഴ ക്ലബിലേക്ക് സ്വാഗതം ചെയ്‌തു.