സൗദിയിൽ കോവിഡ്​ ബാധിച്ച്​ രണ്ട്​ മരണം കൂടി

റിയാദ്: സൗദി അറേബ്യയിൽ കോവിഡ്​ ബാധിച്ച്​ രണ്ടുപേർ കൂടി മരിച്ചു. 49 പേർക്ക്​ കോവിഡ് സ്ഥിരീകരിച്ചു. 35 പേർ സുഖം പ്രാപിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,48,666 ഉം രോഗമുക്തരുടെ എണ്ണം 5,37,605 ഉം ആയി. ആകെ മരണസംഖ്യ 8,796 ആയി ഉയർന്നു. ​

ബാധിതരായി ചികിത്സയിൽ കഴിയുന്നവരിൽ 61 പേരുടെ നില ഗുരുതരമാണ്​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിൽ ചികിത്സയിലാണ്​. ബാക്കിയുള്ളവരുടെ നില തൃപ്​തികരമാണ്​.

രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 14, ജിദ്ദ 11, മക്ക 5, മദീന 2, ജീസാൻ 2, ഖോബാർ 2, യാംബു 2, മറ്റ്​ 11 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 4,57,54,360 ഡോസ് കോവിഡ്​ വാക്​സിൻ വിതരണം ചെയ്​തു.