വാഹനം ഒട്ടകത്തെയിടിച്ച് രണ്ടു മരണം

ബീഷ: ഒട്ടകവുമായി ഇടിച്ചുണ്ടായ വാഹനാപകടത്തിൽ രണ്ടു പേർ മരിച്ചു. മൂന്നുപേർക്ക് പരിക്കേറ്റു. തെക്കൻ പ്രവിശ്യയിലെ ബീഷ-അൽജഅ്ബ റോഡിലാണ് സംഭവം. ജി.എം.സി വാനിൽ സഞ്ചരിച്ചവരാണ് അപകടത്തിൽപ്പെട്ടത്.

ഒട്ടകവുമായി കൂട്ടിയിടിച്ച ശേഷം വാഹനം ദിശമാറി മറ്റൊരു ട്രാക്കിൽ വന്ന ട്രക്കുമായി ഇടിക്കുകയായിരുന്നു. സ്ഥലത്തെത്തിയ സിവിൽ ഡിഫൻസ്, പൊലീസ്, റെഡ്ക്രസൻറ്, ട്രാഫിക് ഉദ്യോഗസ്ഥരാണ് മൃതദേഹങ്ങൾ പുറത്തെടുത്തത്.പരിക്കേറ്റവരെ ബീഷ കിങ് അബ്ദുല്ല ആശുപത്രിയിൽ പ്രവേശിപ്പിച്ചു.