'തുവൈഖ് ശിൽപം' റിയാദിൽ ജനുവരി എട്ടു മുതൽ

ജി​ദ്ദ: റി​യാ​ദ്​ ആ​ർ​ട്ട്​ പ​ദ്ധ​തി​യോ​ട​നു​ബ​ന്ധി​ച്ച്​ സം​ഘ​ടി​പ്പി​ക്കു​ന്ന 'തു​വൈ​ഖ്​ ശി​ൽ​പം' പ​രി​പാ​ടി​യി​ൽ പ​​​ങ്കെ​ടു​ക്കാ​ൻ 650 ക​ലാ​കാ​ര​ന്മാ​ർ. സൗ​ദി​ക്കു​ പു​റ​മെ 61 രാ​ജ്യ​ങ്ങ​ളി​ൽ​നി​ന്നാ​ണ്​ ഇ​ത്ര​യും ക​ലാ​കാ​ര​ന്മാ​രു​ടെ അ​പേ​ക്ഷ​ക​ൾ ല​ഭി​ച്ചി​രി​ക്കു​ന്ന​ത്. ക​ലാ-​ശി​ൽ​പ മേ​ഖ​ല​ക​ളി​ലെ വി​ദ​ഗ്ധ​രു​ടെ സ്വ​ത​ന്ത്ര സ​മി​തി ക​ലാ​കാ​ര​ന്മാ​രു​ടെ​യും ശി​ൽ​പി​ക​ളു​ടെ​യും അ​പേ​ക്ഷ​ക​ൾ പ​രി​ശോ​ധി​ക്കും.

അ​തി​നു​ശേ​ഷ​മാ​യി​രി​ക്കും അ​ന്തി​മ പ​ട്ടി​ക ത​യാ​റാ​ക്കു​ക. 'സൗ​ഹാ​ർ​ദ​ത്തി​​ന്റെ വ്യാ​പ്തി' എ​ന്ന ത​ല​ക്കെ​ട്ടി​ൽ റി​യാ​ദ് ആ​ർ​ട്ട് പ​ദ്ധ​തി​യു​ടെ ഭാ​ഗ​മാ​യി ജ​നു​വ​രി എ​ട്ടു​ മു​ത​ൽ ഫെ​ബ്രു​വ​രി 10 വ​രെ​യാ​ണ്​ 'തു​വൈ​ഖ്​ ശി​ൽ​പം' പ​രി​പാ​ടി സം​ഘ​ടി​പ്പി​ക്കു​ന്ന​ത്. പ​രി​പാ​ടി​യി​ൽ പ​ങ്കെ​ടു​ക്കു​ന്ന ക​ലാ​കാ​ര​ന്മാ​ർ ജ​നു​വ​രി എ​ട്ടു മു​ത​ൽ ദു​റ​ത്ത് അ​ൽ​റി​യാ​ദി​ൽ പൊ​തു​ജ​ന​ങ്ങ​ൾ​ക്കു മു​ന്നി​ൽ അ​വ​രു​ടെ ശി​ൽ​പ​ങ്ങ​ൾ രൂ​പ​പ്പെ​ടു​ത്തും. ഫെ​ബ്രു​വ​രി അ​ഞ്ചു​ മു​ത​ൽ 10 വ​രെ എ​ല്ലാ ശി​ൽ​പ​ങ്ങ​ളും അ​നു​ബ​ന്ധ​മാ​യി ഒ​രു​ക്കു​ന്ന പ്ര​ദ​ർ​ശ​ന​ത്തി​ൽ പ്ര​ദ​ർ​ശി​പ്പി​ക്കും.

പി​ന്നീ​ട്​ റി​യാ​ദ് ന​ഗ​ര​ത്തി​ലു​ട​നീ​ള​മു​ള്ള ച​ത്വ​ര​ങ്ങ​ളി​ലും പൊ​തു​വി​ട​ങ്ങ​ളി​ലും ഇ​ത് സ്ഥി​ര​മാ​യി സ്ഥാ​പി​ക്കും. 65ല​ധി​കം വി​വി​ധ പ​രി​പാ​ടി​ക​ളും ന​ട​ക്കും. സം​വേ​ദ​നാ​ത്മ​ക ശി​ൽ​പ​ശാ​ല​ക​ൾ, വാ​സ്തു​വി​ദ്യ, ശി​ൽ​പം, ക​ല, രൂ​പ​ക​ൽ​പ​ന എ​ന്നി​വ​യു​മാ​യി ബ​ന്ധ​പ്പെ​ട്ട പാ​ന​ൽ ച​ർ​ച്ച​ക​ൾ, സ്കൂ​ൾ സ​ന്ദ​ർ​ശ​ന​ങ്ങ​ൾ എ​ന്നി​വ സം​ഘ​ടി​പ്പി​ക്കു​ന്ന​തി​ലു​ൾ​പ്പെ​ടും. റി​യാ​ദ് ന​ഗ​ര​ത്തി​ൽ ആ​യി​ര​ത്തി​ല​ധി​കം പൊ​തു​ക​ലാ​സൃ​ഷ്ടി​ക​ൾ സ്ഥാ​പി​ക്കാ​നാ​ണ്​ റി​യാ​ദ് ആ​ർ​ട്ട് ല​ക്ഷ്യ​മി​ടു​ന്ന​ത്. ന​ഗ​ര​ത്തി​ലെ സാം​സ്കാ​രി​ക​വും ക​ലാ​പ​ര​വു​മാ​യ രം​ഗം സ​മ്പ​ന്ന​മാ​ക്കു​ന്ന​തി​നു​ള്ള ഒ​രു മാ​ർ​ഗ​മെ​ന്ന നി​ല​യി​ലാ​ണി​ത്. തു​വൈ​ഖ് ശി​ൽ​പം 2023 പ​ദ്ധ​തി അ​തി​നാ​യു​ള്ള പ​രി​പാ​ടി​ക​ളി​ൽ ഒ​ന്നാ​ണ്. സ​ൽ​മാ​ൻ രാ​ജാ​വ്​ 2019 മാ​ർ​ച്ച് 19ന് ​പ്ര​ഖ്യാ​പി​ച്ച റി​യാ​ദി​ലെ പ്ര​ധാ​ന പ​ദ്ധ​തി​ക​ളി​ൽ​പെ​ട്ട​താ​ണ്.