തുർക്കിയ കന്നുകാലികളെ ഇറക്കുമതി ചെയ്യുന്നതിനുള്ള താൽക്കാലിക വിലക്ക് പിൻവലിച്ചു

ജി​ദ്ദ: തു​ർ​ക്കി​യ​യി​ൽ നി​ന്ന് ക​ന്നു​കാ​ലി​ക​ളെ ഇ​റ​ക്കു​മ​തി ചെ​യ്യു​ന്ന​തി​നു​ള്ള താ​ൽ​ക്കാ​ലി​ക വി​ല​ക്ക് സൗ​ദി പി​ൻ​വ​ലി​ക്കു​ന്ന​താ​യി പ​രി​സ്ഥി​തി, ജ​ല, കൃ​ഷി മ​ന്ത്രാ​ല​യം അ​റി​യി​ച്ചു. തു​ർ​ക്കി​യ​യി​ലെ സോ​ങ്കു​ൽ​ഡാ​ക് ജി​ല്ല​യി​ലെ ചി​ല ഗ്രാ​മ​പ്ര​ദേ​ശ​ങ്ങ​ളി​ൽ ചെ​മ്മ​രി​യാ​ടു​ക​ൾ​ക്കും മ​റ്റും നേ​ര​ത്തേ രോ​ഗം ക​ണ്ടെ​ത്തി​യ​തി​ന്റെ അ​ടി​സ്ഥാ​ന​ത്തി​ൽ ഈ ​വ​ർ​ഷം മാ​ർ​ച്ച് മു​ത​ലാ​യി​രു​ന്നു സൗ​ദി തു​ർ​ക്കി​യ​യി​ൽ​നി​ന്ന് ക​ന്നു​കാ​ലി​ക​ളെ ഇ​റ​ക്കു​മ​തി ചെ​യ്യു​ന്ന​തി​ന് വി​ല​ക്ക് ഏ​ർ​പ്പെ​ടു​ത്തി​യി​രു​ന്ന​ത്.

കാ​ലി​ക​ളി​ൽ കു​ള​മ്പു​രോ​ഗം ക​ണ്ടെ​ത്തു​ക​യും തു​ർ​ക്കി​യ അ​ധി​കൃ​ത​ർ രോ​ഗം ക​ണ്ടെ​ത്തി​യ രാ​ജ്യ​ത്തി​ന്റെ വ​ട​ക്കു പ​ടി​ഞ്ഞാ​റു​ള്ള 215 ഗ്രാ​മ​ങ്ങ​ളെ പ്ര​ത്യേ​കം നി​രീ​ക്ഷി​ച്ച് വേ​ണ്ട ചി​കി​ത്സ​യും പ​രി​ഹാ​ര മാ​ർ​ഗ​ങ്ങ​ളും ഫ​ല​പ്ര​ദ​മാ​യി ആ​സൂ​ത്ര​ണം ചെ​യ്ത് ന​ട​പ​ടി സ്വീ​ക​രി​ക്കു​ക​യും ചെ​യ്തി​രു​ന്നു.

ഇ​പ്പോ​ൾ തു​ർ​ക്കി​യ​യി​ലെ കാ​ലി​സ​മ്പ​ത്ത് കു​റ്റ​മ​റ്റ രീ​തി​യി​ലാ​ണ് എ​ന്ന വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് സൗ​ദി അ​ധി​കൃ​ത​ർ വീ​ണ്ടും തു​ർ​ക്കി​യ​യി​ൽ നി​ന്നു​ള്ള കാ​ലി​ക​ളു​ടെ ഇ​റ​ക്കു​മ​തി​ക്ക് അ​നു​വാ​ദം ന​ൽ​കി​യ​തെ​ന്ന​റി​യു​ന്നു.

തു​ർ​ക്കി​യ​യി​ൽ​നി​ന്ന് സൗ​ദി​യി​ലേ​ക്കു​ള്ള ഇ​റ​ക്കു​മ​തി ഈ​യി​ടെ വ​ർ​ധി​ച്ചു​വ​രു​ന്ന​താ​യാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. നേ​ര​ത്തേ തു​ർ​ക്കി​യ​യും സൗ​ദി​യും ത​മ്മി​ൽ ഉ​ണ്ടാ​യി​രു​ന്ന നി​ല​പാ​ടു​ക​ളി​ലെ പ്ര​ശ്ന​ത്തി​ൽ തു​ർ​ക്കി​യ ഉ​ൽ​പ​ന്ന​ങ്ങ​ൾ സൗ​ദി ബ​ഹി​ഷ്‌​ക​രി​ച്ചി​രു​ന്നു​വെ​ങ്കി​ലും പി​ന്നീ​ട് അ​തൊ​ഴി​വാ​ക്കി രാ​ജ്യ​ങ്ങ​ൾ ത​മ്മി​ൽ ന​ല്ല ബ​ന്ധം നി​ല​നി​ർ​ത്തു​ക​യും ചെ​യ്തി​രു​ന്നു.

വ​ഷ​ളാ​യി​രു​ന്ന പ​ര​സ്പ​ര​ബ​ന്ധം വീ​ണ്ടും സ​ജീ​വ​മാ​യ​തോ​ടെ തു​ർ​ക്കി​യ​യി​ൽ നി​ന്നു​ള്ള ഇ​റ​ക്കു​മ​തി​യും കു​ത്ത​നെ കൂ​ടി​യ​താ​യി ജ​ന​റ​ൽ അ​തോ​റി​റ്റി ഫോ​ർ സ്റ്റാ​റ്റി​സ്റ്റി​ക്സ് ക​ണ​ക്കു​ക​ൾ വ്യ​ക്ത​മാ​ക്കു​ന്നു. സൗ​ദി അ​റേ​ബ്യ​ക്കെ​തി​രെ തു​ർ​ക്കി​യ​യു​ടെ ചി​ല ന​യ​നി​ല​പാ​ടു​ക​ളി​ൽ പ്ര​തി​ഷേ​ധി​ച്ച് ജ​ന​കീ​യ ത​ല​ത്തി​ൽ തു​ർ​ക്കി​യ ഉ​ൽ​പ​ന്ന​ങ്ങ​ൾ ബ​ഹി​ഷ്‌​ക​രി​ക്കാ​ൻ കാ​മ്പ​യി​ൻ വ​രെ ന​ട​ന്നി​രു​ന്നു.

അ​ന്ന് തു​ർ​ക്കി​യ ഉ​ൽ​പ​ന്ന​ങ്ങ​ൾ മാ​ത്ര​മ​ല്ല ആ​ഗോ​ള ക​മ്പ​നി​ക​ൾ തു​ർ​ക്കി​യ​യി​ൽ ഉ​ൽ​പാ​ദി​പ്പി​ച്ച് ക​യ​റ്റി അ​യ​ച്ചി​രു​ന്ന ഉ​ൽ​പ​ന്ന​ങ്ങ​ൾ വ​രെ സൗ​ദി​ക​ൾ ബ​ഹി​ഷ്ക​രി​ച്ചി​രു​ന്നു. പി​ന്നീ​ട് സൗ​ദി​യും തു​ർ​ക്കി​യ​യും ഉ​ഭ​യ​ക​ക്ഷി വ്യാ​പാ​ര​ത്തി​ൽ ഊ​ഷ്മ​ള​മാ​യ ബ​ന്ധം വീ​ണ്ടും ക​രു​പ്പി​ടി​പ്പി​ക്കാ​ൻ ക​ഴി​ഞ്ഞ​താ​ണ് വ​മ്പി​ച്ച നേ​ട്ട​മു​ണ്ടാ​ക്കി​യ​ത്.