ട്രംപി​െൻറ സന്ദർശനം: മുസ്​ലീം ലോകം ഉറ്റുനോക്കുന്ന ഉച്ചകോടികൾക്ക്​ സൗദി അറേബ്യ ഒരുങ്ങി

ജിദ്ദ: മുസ്​ലീം ലോകം ഉറ്റുനോക്കുന്ന ഉച്ചകോടികൾക്ക്​ സൗദി അറേബ്യ ഒരുങ്ങി. അമേരിക്കൻ പ്രസിഡൻറ്​ ഡൊണാൾഡ്​ ട്രംപ്​ പ​െങ്കടുക്കുന്ന സൗദി^യു.എസ്​ ഉച്ചകോടിക്കും ജി.സി.സി അറബ്​ ഇസ്​ലാമിക രാജ്യങ്ങളുടെ ഉച്ചകോടിക്കും ജി.സി.സി കൂടയാലോചനായോഗത്തിനുമാണ്​  റിയാദ്​ വേദിയാകുന്നത്​. മെയ്​ 20^ന്​ ശനിയാഴ്​ചയാണ്​ സൗദി അമേരിക്കൻ ഉച്ചകോടി. 21-ന്​ മറ്റ്​ രണ്ട്​ സമ്മിറ്റുകളും നടക്കും. ട്രംപി​​െൻറ സൗദി സന്ദർശനവും അതോടനുബന്ധിച്ച്​ നടക്കുന്ന ഉച്ചകോടികളും മേഖലയുടെ സുസ്​ഥിരതക്കും തീവ്രവാദ^ഭീകരവാദത്തിനെതിരായ നീക്കങ്ങളെ ശക്​തിപ്പെടുത്തുന്നതിനും വലിയ പങ്കുവഹിക്കുമെന്നാണ്​ അറബ്​ലോകം പ്രതീക്ഷിക്കുന്നത്​.

സൗദി ഭരണാധികാരി സൽമാൻ രാജാവ്​ നേരിട്ടാണ്​ ഉച്ചകോടിക്ക്​ രാഷ്​​ട്രനേതാക്കളെ ക്ഷണിച്ചത്​. വലിയ സ്വീകാര്യതയാണ്​ സൗദിയുടെ ഉദ്യമത്തിന്​ ക്ഷണിക്കപ്പെട്ട രാജ്യങ്ങളിൽ നിന്ന്​ ലഭിച്ചിരിക്കുന്നത്​. സൗദി അമേരിൻ ബന്ധം ഉൗഷ്​മളമാവുന്നതോടൊപ്പം ജി.സി.സി കൂട്ടായ്​മയുടെ ശക്​തി വർധിപ്പിക്കാനും അറബ്​ ഇസ്​ലാമിക രാജ്യങ്ങളുട ശാക്​തികചേരിയുടെ ഉണർവിനും സൗദിയുടെ നേതൃത്വത്തിൽ നടക്കുന്ന വലിയ ശ്രമമായാണ്​ ഇതരരാജ്യങ്ങൾ സമ്മിറ്റുകളെ നോക്കിക്കാണുന്നത്​. മേഖലയിൽ ഭീഷണി സൃഷ്​ടിക്കുന്ന ഇറാനെതിരായ ശക്​തമായ അഭിപ്രായപ്രകടനങ്ങളുടെ വേദിയാവും ഉച്ചകോടികൾ എന്നാണ്​ നിരീക്ഷകർ പ്രതീക്ഷിക്കുന്നത്​.
ജോർഡൻ പ്രസിഡൻറ്​ കിങ്​ അബ്​ദുല്ല, തുർക്കിഷ്​ പ്രസിഡൻറ്​ ഉർദുഗൻ, പാകിസ്​ഥാൻ പ്രധാനമന്ത്രി നവാസ്​ ശരീഫ്​, ഇറാഖി പ്രസിഡൻറ്​ ഫുആദ്​ മഅ്​സും, അൽജീരിയൻ പ്രസിഡൻറ്​ അബ്​ദുൽ അസീസ്​ ബൗടെഫ്​ളിക്ക, നൈജിരിയൻ പ്രസിഡൻറ്​ മുഹമ്മദ്​ ഇസൗഫ്​, യമൻ പ്രസിഡൻറ്​ അബ്​ദുറബ്ബ്​ മൻസൂർ ഹാദി, യു.എ.ഇ പ്രസിഡൻറ്​ ശൈഖ്​ ഖലീഫ ബിൻസയിദ്​ അൽ-നഹ്​യാൻ, ബഹ്​റൈൻ രാജാവ്​ ഹമദ്​ ബിൻ ഇൗസ അൽ- ഖലീഫ, മൊറോക്കോ പ്രസിഡൻ്​ കിങ്​ മുഹമ്മദ്​ ആറാമൻ, തുണീഷ്യൻ പ്രസിഡൻറ്​ ബെജി സൈദ്​ ഇസ്സബ്​സി എന്നിവർക്കാണ്​ സൽമാൻ രാജാവ്​ നേരിട്ട്​ ക്ഷണക്കത്ത്​ അയച്ചത്​.

ഉച്ചകോടിക്കെത്തുന്ന രാജ്യങ്ങളെ കഴിഞ്ഞ ദിവസം സൽമാൻ രാജാവി​​െൻറ അധ്യക്ഷതയിൽ നടന്ന മന്ത്രിസഭായോഗം സ്വാഗതം ചെയ്​തു. ലോക സമാധാനത്തിനും സ്​ഥിരതക്കും ശക്​തി പകരുന്നതാണ്​ ട്രംപി​​െൻറ സന്ദർശനവും ഉച്ചകോടികളുമെന്ന്​ സൽമാൻ രാജാവ്​ പറഞ്ഞു. ഇത്​ ചരിത്രപരമാവുമെന്നാണ്​ അദ്ദേഹം വിശേഷിപ്പിച്ചത്​. തീ​വ്രവാദത്തിനും ഭീകരവാദത്തിനുമെതിരായ പുതിയ കൂട്ടായ്​മയാണ്​ രൂപപ്പെടാൻ പോകുന്നതെന്ന്​  മന്ത്രിസഭായോഗത്തെ അഭിസംബോധന ചെയ്​ത്​ സൽമാൻരാജാവ്​​ പറഞ്ഞു.
അതേ സമയം അമേരിക്കൻ പ്രസിഡൻറായി അധികാരമേറ്റ ശേഷമുള്ള ഡൊണാൾട്രംപി​​െൻറ   ആദ്യവിദേശസന്ദർശനം സൗദിയിലേക്കാണ്​ എന്നത്​ വലിയ പ്രാധാന്യത്തോടെയാണ്​ ലോകം ഉറ്റുനോക്കുന്നത്​. ട്രംപ്​ തന്നെയാണ്​ രണ്ടാഴ്​ച മുമ്പ്​ സന്ദർശനവിവരം പ്രഖ്യാപിച്ചത്​. ഇറാനെതിരായ സൗദി അറേബ്യയുടെ ശക്​തമായ നിലപാടാണ്​  ട്രംപിനെ സൗദിയുമായി അടുപ്പിക്കുന്ന പ്രധാനഘടകമെന്ന്​ നിരീക്ഷിക്കപ്പെടുന്നു. അതിനിടെ വൻകിട ആയുധകരാറുകൾക്ക്​ സൗദിയും അമേരിക്കയും തയാറെടുക്കുന്നുണ്ട്​.