റിയാദിൽ ട്രക്ക് മറിഞ്ഞ് കൊല്ലം സ്വദേശി മരിച്ചു
text_fields
റിയാദ്: തിങ്കളാഴ്ച രാവിലെ റിയാദ് -അൽഖർജ് റോഡിലുണ്ടായ വാഹനാപകടത്തിൽ മലയാളി യുവാവ് മരിച്ചു. കൊല്ലം വാളത്തുംഗൽ സമസ്തനഗർ പള്ളിപ്പടി സ്വദേശി മുതിരഴികത്തുവീട്ടിൽ അജിംഷാദാണ് (35) അപകടത്തിൽ തൽക്ഷണം മരിച്ചത്.
ഇയാൾ ഒാടിച്ച ട്രക്കിന് (ഡൈന) പിന്നിൽ മറ്റൊരു വാഹനം ഇടിച്ചതിനെ തുടർന്ന് നിയന്ത്രണം വിട്ട് റോഡ് സൈഡിലെ കോൺക്രീറ്റ് ബാരിക്കേഡിലേക്ക് ഒാടിക്കയറി മറിയുകയായിരുന്നു. കൂടെയുണ്ടായിരുന്ന കൊല്ലം സ്വദേശി നവാസിന് പരിക്കേറ്റു. അൽഇൗമാൻ ആശുപത്രിയിൽ പ്രവേശിപ്പിച്ച നവാസ് വൈകുന്നേരത്തോടെ ആശുപത്രി വിട്ടു. അജിംഷാദിെൻറ മൃതദേഹം റിയാദ് ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
റിയാദ് ദീറയിലെ ‘ഷൂസൂൺ’ ഫുഡ്സ്റ്റഫ് കമ്പനിയിലെ ഡ്രൈവറാണ് മരിച്ച അജിംഷാദ്. പരിക്കേറ്റ നവാസ് ഇതേ കമ്പനിയിലെ സെയിൽസ്മാനാണ്. അജിംഷാദ് അഞ്ചു വർഷമായി റിയാദിലുണ്ട്. എട്ട് മാസം മുമ്പാണ് നാട്ടിൽ പോയി മടങ്ങിയത്. അബ്ദുൽ വഹാബാണ് പിതാവ്. മാജിദ മാതാവും. ഭാര്യ: ഷിംല.