ട്രോഫി ലോഞ്ചിങ്ങും ഫിക്ചർ പ്രകാശനവും

യാംബു: രണ്ടാമത് മീഡിയവൺ സൂപ്പർ കപ്പ്​ ഫുട്ബാൾ ടൂർണമെൻറ്​ ട്രോഫി ലോഞ്ചിങ്ങും ഫിക്ചർ പ്രകാശനവും യാംബുവിൽ നടന്നു. കെൻസ് ഇൻറർനാഷനൽ സ്‌കൂൾ ഓഡിറ്റോറിയത്തിൽ നടന്ന പരിപാടിയിൽ അബ്​ദുൽ കരീം പുഴക്കാട്ടിരി (വൈ.ഐ.എഫ്.എ), അബ്​ദുൽ കരീം താമരശ്ശേരി, അലിയാർ ചെറുകോട് (കെ.എം.സി.സി), എബ്രഹാം തോമസ് (നവോദയ), സിദ്ദീഖുൽ അക്ബർ (ഒ.ഐ.സി.സി), നസീഫ് മാറഞ്ചേരി (പ്രവാസി വെൽഫെയർ), ജാബിർ വാണിയമ്പലം (തനിമ), അസ്‌ക്കർ വണ്ടൂർ (വൈ.എം.എ), അനീസുദ്ദീൻ ചെറുകുളമ്പ് (ഗൾഫ് മാധ്യമം), ബിന്ദു സന്തോഷ്, സബാഹ് ബിൻ മുഹമ്മദ് (കെൻസ് സ്‌കൂൾ), മുഹമ്മദ് ഇമ്രാൻ ഖാൻ (റദ്​വ സ്‌കൂൾ), അംജദ് ഖാൻ മുഹമ്മദ് (അൽ മനാർ സ്‌കൂൾ) എന്നിവർ സംസാരിച്ചു.

യാംബുവിലെ വിവിധ സ്ഥാപന പ്രതിനിധികളും 10 ഫുട്ബാൾ ക്ലബ്​ പ്രതിനിധികളും ചേർന്ന് ഫിക്സർ പ്രകാശനവും മീഡിയ സൊലൂഷൻ സീനിയർ ഓഫീസർ മിസ്ഹബ്, മീഡിയവൺ യാംബു റിപ്പോർട്ടർ നിയാസ് യൂസുഫ്, ടൂർണമെൻറ്​ പ്രായോജകരായ എച്ച്.എം.ആർ കമ്പനി ഓപറേഷൻ മാനേജർ ശ്രീജിത് എന്നിവർ ചേർന്ന് ട്രോഫി ലോഞ്ചിങ്ങും നിർവഹിച്ചു.

വൈ.ഐ.എഫ്.എ പ്രതിനിധികളായ ഷാനവാസ് മഞ്ചേരി, ലല്ലു സുഹൈൽ മമ്പാട് എന്നിവർ ഫിക്സർ വിശദീകരിച്ചു. ആസിഫ് പെരിന്തൽമണ്ണ, നജീബ് ഖാൻ തിരുവനന്തപുരം, അനസ്, സാദിഖ്, ആരിഫ് ചാലിയം, ഫിറോസ് മുണ്ടയിൽ, വിവിധ ക്ലബ് പ്രതിനിധികളായ ഷാഹിദ്, ബിഹാസ് കരുവാരക്കുണ്ട്, അജ്മൽ മണ്ണാർക്കാട്, അനസ്, സൈനുൽ ആബിദ് മഞ്ചേരി, വിപിൻ, ഷൗക്കത്ത്, സമീർ ബാബു, ശിഹാബ്, ഫർഹാൻ മോങ്ങം, ഷൗഫർ വണ്ടൂർ, വൈ.ഐ.എഫ്.എ ജനറൽ സെക്രട്ടറി ഇബ്രാഹീം പുലത്ത് എന്നിവർ സംബന്ധിച്ചു.

പ്രോഗ്രാം കൺവീനർ നൗഷാദ് വി. മൂസ, ജനറൽ കൺവീനർ ഇൽയാസ് വേങ്ങൂർ എന്നിവർ അവതാരകരായിരുന്നു. കൊച്ചു ബാലികമാർ നടത്തിയ ഗ്രൂപ്പ് ഡാൻസ് പരിപാടിക്ക് പൊലിമ നൽകി. ഷംസുദ്ദീൻ ഹുസൈൻ സാങ്കേതിക സഹായം നൽകി. നിയാസ് യൂസുഫ് സ്വാഗതം പറഞ്ഞു. ഫുട്ബാൾ കമ്മിറ്റി അംഗങ്ങളായ സുനിൽ ബാബു ശാന്തപുരം, ഫൈസൽ കോയമ്പത്തൂർ, അബ്​ദുനാസർ തൊടുപുഴ, ഷൗക്കത്ത് എടക്കര, അബ്ബാസ് എടക്കര, അബ്​ദുൽ വഹാബ് തങ്ങൾ തുടങ്ങിയവർ നേതൃത്വം നൽകി.

മെയ് 22, 23 തീയതികളിൽ യാംബു മലയാളികൾക്ക് സുപരിചിതമായ റദ്‌വ ഫ്ലഡ് ലിറ്റ് സ്​റ്റേഡിയത്തിലാണ് യാംബു ഇന്ത്യൻ ഫുട്ബാൾ അസോസിയേഷ​​ന്റെ സഹകരണത്തോടെ രണ്ടാമത് മീഡിയവൺ സൂപ്പർ കപ്പ് മത്സരത്തിന് കളമൊരുങ്ങുന്നത്. പ്രമുഖരായ 10 ടീമുകൾ മത്സരത്തിൽ മാറ്റുരക്കും. ഫുട്ബാൾ മാമാങ്കം വൻ ആവേശത്തോടെ വരവേൽക്കാനൊരുങ്ങുകയാണ് യാംബു മലയാളി സമൂഹം. പ്രദേശത്തെ ഇൻറർനാഷനൽ സ്‌കൂളുകളിൽനിന്ന് ഇത്തവണത്തെ സി.ബി.എസ്.ഇ പ്ലസ്‌ ടു, 10 ക്ലാസുകളിലെ പരീക്ഷകളിൽ ഉന്നത വിജയം നേടിയ വിദ്യാർഥികളെ മത്സരവേദിയിൽ ആദരിക്കുമെന്ന് സംഘാടകർ അറിയിച്ചു.