എമിഗ്രേഷൻ ഉദ്യോഗസ്​ഥൻ യുവതിയുടെ പാസ്​പോർട്ട്​ രണ്ട്​ കഷ്​ണമാക്കിയെന്ന്​ പരാതി

ജുബൈൽ: യുവതിയുടെ പാസ്​പോർട്ട്​ തിരുവനന്തപുരം വിമാനത്താവളത്തിൽ എമിഗ്രേഷൻ ഉദ്യോഗസ്ഥൻ രണ്ട്​ കഷ്​ണമാക്കി. ദമ ്മാമിലേക്ക് പോകാൻ മക്കളോടൊപ്പം എത്തിയ കിളിമാനൂർ തട്ടത്തുമല വിലങ്ങറ ഇർഷാദ് മൻസിലിൽ ഇർഷാദി​​​​​​െൻറ ഭാര്യ ഷനു ജക്കാണ് ദുരനുഭവം. മാർച്ച് 23ന്​ രാവിലെ എട്ട്​ മണിക്കാണ്​ സംഭവം.​​ നേരത്തെ മംഗലാപുരം എയർപോർട്ടിൽ പ്രവാസികൾക്ക് ​ ഇത്തരം പീഡനങ്ങൾ ഏൽക്കേണ്ടി വന്നതായി പരാതി
ഉയർന്നിരുന്നു.

സമാന അനുഭവമാണിവിടെയും ഉണ്ടായത്​. സൗദയിലുള്ള ഭർത്താവാ​​​​​​െൻറ അടുത്തേക്ക് പോകാൻ മക്കളായ ഫാദിൽ, ഫാഹിം എന്നിവരോടൊപ്പമാണ്​ യുവതി തിരുവനന്തപുരം വിമാനത്താവളത്തിലെത്തിയത്​. ഗൾഫ് എയർ വിമാനയാത്രക്ക്​ ബോർഡിങ് പാസ്​ വാങ്ങി എമിഗ്രേഷൻ നടപടികൾക്കായി ഉദ്യോഗസ്​ഥന് പാസ്​പോർട്ട് കൈമാറിയതോടെ പ്രശ്നം തുടങ്ങി. പാസ്​പോർട്ട് വാങ്ങി നോക്കിയ ശേഷം ‘എങ്ങോട്ടു പോകുന്നു, എന്തിനു പോകുന്നു തുടങ്ങിയ ചോദ്യങ്ങൾ പരുഷമായി ചോദിച്ച ശേഷം പാസ്​പോർട്ട് ഉയർത്തിക്കാട്ടി നിങ്ങൾക്ക് യാത്ര ചെയ്യാനാവില്ലെന്നും പാസ്​പോർട്ട് കീറിയിരിക്കുകയാണെന്നും അറിയിച്ചു. യുവതി നോക്കുമ്പോൾ പാസ്​പോർട്ട് അൽപം ഇളകിയ നിലയിലായിരുന്നു.

തുടർന്ന് ഉദ്യോഗസ്ഥൻ അടുത്തിരുന്ന സഹപ്രവർത്തകനോട് എന്തുവേണമെന്ന് തിരക്കി. അതു പ്രശ്​നമാക്കെണ്ടന്ന് അദ്ദേഹം​ പറഞ്ഞുവെങ്കിലും കുറച്ചകലെയുള്ള മറ്റൊരു ജീവനക്കാരനോട് എന്തോ സംസാരിച്ചു മടങ്ങി വന്നു. പൂർണമായും ഇളകി രണ്ടാക്കി മാറ്റിയ പാസ്പ്പോർട്ട് കാണിച്ചു. ഇതുപയോഗിച്ച് യാത്രാനുമതി നൽകാനാവില്ലെന്ന് ഉറപ്പിച്ചു പറഞ്ഞു. വിമാനത്താവളത്തിൽ പ്രവേശിച്ചപ്പോൾ സെക്യൂരിറ്റി ഉദ്യോഗസ്ഥർ പരിശോധിച്ച് തിരിച്ചു നൽകിയ പാസ്​പോർട്ടിന് തകരാറൊന്നും ഉണ്ടായിരുന്നില്ലെന്ന് ഷനുജ അറിയിച്ചു. പിന്നീട് മുതിർന്ന ഉദ്യോഗസ്ഥരെത്തി ചർച്ച ചെയ്ത ശേഷം യുവതിയെയും കുട്ടികളെയും യാത്രക്ക്​ അനുവദിച്ചു.

സംഭവത്തിൽ ഇർഷാദ് കേന്ദ്രമന്ത്രി സുഷമ സ്വരാജിനും, മുഖ്യമന്ത്രി പിണറായി വിജയനും പരാതി അയച്ചു. ഡി.ജി.പിക്ക് പരാതി കൈമാറിയതായി മുഖ്യമന്ത്രിയുടെ മറുപടി ലഭിച്ചിട്ടുണ്ട്. ഉദ്യോഗസ്ഥ​​​​​​െൻറ പേരുവിവരങ്ങൾ ലഭിക്കാൻ ഇർഷാദ് തിരുവനന്തപുരം വിമാനത്താവളവുമായി ബന്ധപ്പെട്ടെങ്കിലും ഫലമുണ്ടായില്ല. അവിടുന്ന് അറിയിച്ചതനുസരിച്ച് എഫ്.എഫ്.ആർ.ഒ നരേന്ദ്രന് പരാതി അയച്ചിട്ടുണ്ട്​. നേരത്തെ പലതവണ തിരുവനന്തപുരം വഴി ദമ്മാമിലേക്ക് യാത്ര ചെയ്ത ഷനുജക്ക് ആദ്യമായാണ് ദുരനുഭവം. സൗദി ടെലികോം കമ്പനിയിൽ ജോലി ചെയ്യുന്ന ഇർഷാദ് ജുബൈലിൽ ആണ് താമസം.