സൗദിയിൽ ട്രെയിൻ സർവിസ്​ ഞായറാഴ്​ച പുനരാരംഭിക്കും

ജിദ്ദ: റിയാദിനും ദമ്മാമിനുമിടയിൽ പാസഞ്ചർ ​ട്രെയിൻ സർവിസുകൾ മെയ്​ 31ന്​ (ഞായറാഴ്​ച) പുനരാരംഭിക്കുമെന്ന്​ സൗദി റെയിൽവേ ഒാർഗനൈസേഷൻ അറിയിച്ചു. അബ്​​ഖൈഖ്​, ഹുഫൂഫ്​ സ്​റ്റേഷനുകൾ വഴി കടന്നുപോകുന്ന സർവിസിന്​ ബുക്കിങ്ങും ടിക്കറ്റ്​ വിൽപനയും ആരംഭിച്ചു. 

www.sro.org.sa എന്ന വെബ്​സൈറ്റ്​ വഴിയും SRO എന്ന ആപ്ലിക്കേഷൻ വഴിയും ടിക്കറ്റ്​ ബുക്ക്​ ചെയ്യാം. കർഫ്യുവിന്​ ഇളവ്​ നൽകിയിരിക്കുന്ന രാവിലെ ആറ്​ മുതൽ രാത്രി എട്ട്​ വരെയുള്ള സമയത്തായിരിക്കും സർവിസ്​. ഇത്​  ശവ്വാൽ 28 വരെ (ജൂൺ 21) ആണ്​. 

ആ​േരാഗ്യമന്ത്രാലയം നിശ്ചയിച്ച എല്ലാ മാനദണ്ഡങ്ങളും പാലിച്ചുകൊണ്ടായിരിക്കും സർവിസും സ്​റ്റേഷനുകളിലെ  ക്രമീകരണവും. യാത്രക്കാർ ഇൗ ആരോഗ്യ മുൻകരുതൽ നടപടി പൂർണമായും പാലിക്കണമെന്നും സൗദി റെയിൽവേ ഒാർഗനൈസേഷൻ ആവശ്യപ്പെട്ടു.