ട്രൈലര്‍ ഡ്രൈവേഴ്സ് അസോസിയേഷന്‍ ഫെസ്​റ്റ്​

റിയാദ്​: ട്രൈലര്‍ ​ൈ​ഡ്രവർമാരായ മലയാളികളുടെ സംഘടനയായ സൗദി അറേബ്യൻ മലയാളി ട്രൈലര്‍ അസോസിയേഷന്‍ (സാംറ്റ) ഫെസ്​റ്റ്​ റിയാദ് സുലൈയിലെ  കാനൂ ഇസ്​തിറാഹയില്‍ അരങ്ങേറി. മൂന്ന് മാസം മുമ്പ്​ രൂപവത്​കരിച്ച സംഘടനയില്‍ ഇരുന്നൂറിലേറെ അംഗങ്ങളുണ്ട്​. സാംസ്കാരിക സമ്മേളനം ജയന്‍ കൊടുങ്ങല്ലൂര്‍ ഉദ്ഘാടനം ചെയ്തു. പ്രസിഡൻറ്​ റാഫി അബാളി അധ്യക്ഷത വഹിച്ചു. ഷാജഹാന്‍ കല്ലമ്പലം, ഉമര്‍ മുക്കം, ആനി സാമുവല്‍, അയൂബ് കരൂപടന്ന, തജ്​വീര്‍ സദ്‌വ, ഇല്യാസ്‌, കുഞ്ഞാപ്പ എന്നിവര്‍ സംസാരിച്ചു. 

സെക്രട്ടറി കമാല്‍ കോട്ടക്കല്‍ സ്വാഗതവും ട്രഷര്‍ സിദ്ദീഖ്‌ ഷൗക്കത്ത് നന്ദിയും പറഞ്ഞു. പ്രതിനിധിസമ്മേളനം, കലാസാംസ്കാരിക പരിപാടികള്‍, വടംവലി മത്സരം, തീറ്റ മത്സരം എന്നിവയും സംഘടിപ്പിച്ചു. വിജയികള്‍ക്ക്‌ നജുമുന്നിസ ഷാജഹാന്‍, കെ.കെ സാമുവല്‍, തജ്​വീര്‍ എന്നിവർ ട്രോഫികള്‍ വിതരണം ചെയ്​തു. വടംവലി മത്സരത്തിലെ വിജയികള്‍ സമ്മാനമായി ലഭിച്ച ആയിരം റിയാല്‍ പ്രളയ ദുരിതാശ്വാസ നിധിയിലേക്ക് കൈമാറി. 
തുടര്‍ന്ന് സത്താര്‍  മാവൂരി​​​െൻറ നേതൃത്വത്തില്‍ ഗാനസന്ധ്യ അരങ്ങേറി. പ്രളയക്കെടുതിയില്‍ വലയുന്ന ജനങ്ങളെ സഹായിക്കാൻ ധനസമാഹരണം നടത്തി. റഷീദ്‌ കോഴിക്കോട്, ശിവദാസന്‍, ഭദ്രന്‍, കുഞ്ഞു, സക്കീര്‍, സുനില്‍, സജികുമാര്‍, ബിജീഷ്, ഷിബു, നൗഷാദ് ബാബു, ശരീഫ്‌ എന്നിവര്‍ നേതൃത്വം വഹിച്ചു.