അവാമിയയിൽ സാംസ്​കാരിക -വിനോദ സഞ്ചാര പദ്ധതികൾക്ക്​  ഗവർണർ ശിലയിട്ടു 

ദമ്മാം: കിഴക്കൻ  പ്രവിശ്യയിലെ അവാമിയയിൽ  സാംസ്​കാരിക^ വിനോദ സഞ്ചാര വികസന  പദ്ധതികൾക്ക്​ ഗവർണർ അമീർ സൗദ്​ ബിൻ നായിഫ്​ ശിലാസ്​ഥാപനം നിർവഹിച്ചു. 1 80 000 ചതുരശ്രമീറ്ററിൽ കെട്ടിട സമുച്ചയം, സൂഖ്​, കൾച്ചറൽ  സ​​െൻറർ തുടങ്ങിയവയാണ്​ നിർമിക്കുന്നത്​. രാജ്യത്തെ എല്ലാ മേഖലയിലും വികസനം എത്തിക്കാനുള്ള സൽമാൻ രാജാവി​​​െൻറ താത്​പര്യമാണ്​ അവാമിയയിലെ പദ്ധതികളിലൂടെ വ്യക്​തമാകുന്നതെന്ന്​  ഗവർണർ പറഞ്ഞു. 
സാംസ്​കാരിക^വിനോദ സഞ്ചാര വികസനപദ്ധതികളാണ്​ നടപ്പിലാക്കുന്നതെന്നും മേഖലയിലെ ജനങ്ങൾക്കും സന്ദർശകർക്കും ഏറെ ഗുണം ചെയ്യുന്നതാണ്​ പദ്ധതികളെന്നും കിഴക്കൻ പ്രവിശ്യ ​മേയർ ഫഹദ്​ അൽ ജുബൈർ പറഞ്ഞു. വ്യത്യസ്​ത വലിപ്പത്തിലുള്ള ഏഴ്​ കെട്ടിടങ്ങളിൽ മൂന്നെണ്ണം സാംസ്​കാരിക കേന്ദ്രങ്ങളാണ്​. എക്​സിബിഷൻ സ​​െൻററും കോൺഫറൻസ്​ ഹാളും ലൈബ്രറിയും ഇതിൽ പെടും. ഉല്ലാസ കേന്ദ്രം, കുട്ടികളുടെ പാർക്ക്​, നടപ്പാതകൾ, കൃത്രിമ ജലധാരകൾ എന്നിവയുമുണ്ട്​. ഒരു വർഷം കൊണ്ട്​ പൂർത്തിയാവുന്നതാണ്​ പദ്ധതികൾ.