​േടാൾ പാതകൾക്ക്​ ആലോചന;  തദ്ദേശീയ ബസ്​ നിർമാണവും പരിഗണനയിൽ

ജിദ്ദ: അത്യാധുനിക നിലവാരത്തിലുള്ള ബസുകൾ തദ്ദേശീയമായി നിർമിക്കുന്നതിന്​ വിദേശ കമ്പനികളുമായി സൗദി അറേബ്യ ചർച്ചകൾ തുടങ്ങി. ഗതാഗത സംവിധാനം കൂടുതൽ കാര്യക്ഷമമാക്കുന്നതി​​​െൻറ ഭാഗമായി രാജ്യത്തെ ചില റോഡുകൾ ടോൾ പാതകൾ ആ​ക്കാനും ആലോചിക്കുന്നതായി ഗതാഗത മന്ത്രി നബീൽ അൽ അമുദി പറഞ്ഞു. 

നിരവധി ബസുകൾ ഇറക്കി പൊതുഗതാഗത സംവിധാനം ​െമച്ചപ്പെടുത്തിക്കൊണ്ടിരിക്കുകയാണ്​. തദ്ദേശ വ്യവസായ രംഗത്തെ ഇതിൽ എങ്ങനെ ഉപയോഗപ്പെടുത്താമെന്നാണ്​ ഇപ്പോ​ഴത്തെ ആലോചനയെന്നും അദ്ദേഹം കൂട്ടിച്ചേർത്തു. പക്ഷേ, ഏതൊക്കെ കമ്പനികളുമായാണ്​ ചർച്ച നടത്തുന്നതെന്ന്​ പറയാൻ അദ്ദേഹം വിസമ്മതിച്ചു. 

കാര്യമായ വാഹനനിർമാണ വ്യവസായ മേഖല രാജ്യത്തില്ലാത്തതിനാൽ വിവിധ നഗരങ്ങളിലെ പൊതുഗതാഗത സംവിധാനം മെച്ചപ്പെടുത്തുന്നതിനായി ദശലക്ഷക്കണക്കിന്​ ഡോളർ മുടക്കിയാണ്​ വിദേശങ്ങളിൽ നിന്ന്​ ഇപ്പോൾ ബസുകൾ ഇറക്കുമതി ചെയ്യുന്നത്​. ഏതാനും വർഷങ്ങൾക്കിടയിൽ ആയിരക്കണക്കിന്​ ബസുകൾ ഇങ്ങനെ വാങ്ങിക്കഴിഞ്ഞു. റിയാദ്​, ജിദ്ദ നഗരങ്ങളിൽ പഴയ നിയമവിരുദ്ധ മിനിബസുക​ൾ നിരോധിച്ചശേഷം നിരവധി വലിയ ബസുകൾ പുതുതായി കഴിഞ്ഞമാസങ്ങളിൽ നിരത്തിലിറക്കിയിട്ടുമുണ്ട്​. 600 മെഴ്​സിഡസ്​ ബെൻസ്​ സിറ്റാറോ ബസുകൾക്കായി ജർമൻ വാഹനനിർമാതാക്കളായ ​െഡെംലർക്ക്​ കഴിഞ്ഞ മേയിൽ കരാർ നൽകിയിരുന്നു.

ഡൈംലറി​​​െൻറ ബസ്​ വിഭാഗത്തിന്​ അവരുടെ ചരിത്രത്തിൽ ലഭിച്ച ഏറ്റവും വലിയ ഒാർഡർ ആയിരുന്നു ഇത്​. അതിന്​ പിന്നാലെ ചൈനയിലെ യുചായ്​ കമ്പനി സൗദി അറേബ്യക്ക്​ 800 ബസുകൾ കൈമാറുകയാണെന്ന്​ കഴിഞ്ഞമാസം പ്രഖ്യാപിച്ചിരുന്നു. ഇറക്കുമതി ചെലവ്​ ലാഭിക്കുക, തൊഴിൽ അവസരങ്ങൾ സൃഷ്​ടിക്കുക എന്നിവയാണ്​ ത​േദ്ദശീയ ബസ്​ നിർമാണ മേഖല ​െകട്ടിപ്പടുക്കുക വഴി സൗദി ഗതാഗത മന്ത്രാലയം ലക്ഷ്യം വെക്കുന്നത്​. കഴിഞ്ഞവർഷം മാർച്ചിൽ ടൊയോട്ടയുമായി ഒപ്പുവെച്ച ധാരണാപത്രത്തിന്​ പുറമേയാണ്​ പുതിയ ചർച്ചകളെന്ന്​ മന്ത്രി അമൂദി സൂചിപ്പിച്ചു. സൗദി അറേബ്യയിൽ വാഹനനിർമാണത്തിനുള്ള സാധ്യതകൾ പഠിക്കാനാണ്​ ടൊയോട്ടയുമായുള്ള കരാർ. 

രാജ്യത്തെ നാലിനും ആറിനുമിടക്ക്​ റോഡുകളിലാണ്​ ​േടാൾ ഏർപ്പെടുത്തുന്നതിനുള്ള ആലോചന നടക്കുന്നത്​. ഇൗ പാതകളുടെ നടത്തിപ്പും നവീകരണവും സ്വകാര്യ കമ്പനികളെ ഏൽപ്പിക്കും. ഇത്തരം പാതകൾ ആവശ്യമില്ലാത്ത യാത്രക്കാർക്ക്​ ടോൾ ഇല്ലാത്ത സമാന്തര പാതകൾ ഒരുക്കേണ്ടതിനാൽ ശ്രമകരമായ ദൗത്യമാണ്​ ഇതെന്നും അമൂദി കൂട്ടിച്ചേർത്തു. ഇതി​​​െൻറ കരട്​ രൂപം ആറുമാസത്തിനകം തയാറാകും.