ടോക്യോ ഒളിമ്പിക്​സ്​: ഹലാല്‍ ഭക്ഷണം ‘റാബിത്ത’ ഉറപ്പാക്കും 

റിയാദ്: ടോക്യോ ഒളിമ്പിക്​സിൽ ഹലാല്‍ ഭക്ഷണം ഉറപ്പുവരുത്തുന്നതിനുള്ള മേല്‍നോട്ടം മക്ക ആസ്​ഥാനമായ മുസ്​ലിം വേള്‍ഡ് ലീഗ്​ (റാബിത്ത) വഹിക്കും. ഇതുസംബന്ധിച്ച കരാറിൽ റാബിത്ത സെക്രട്ടറി ജനറല്‍ ഡോ. മുഹമ്മദ് ബിന്‍ അബ്​ദുല്‍ കരീം അല്‍ഈസയും ജാപ്പനീസ്​ അധികൃതരും ശനിയാഴ്​ച ഒപ്പുവെച്ചു. ജപ്പാൻ തലസ്​ഥാനമായ ടോക്യോയിൽ 2020ല്‍ നടക്കുന്ന ഒളിമ്പിക്​സിൽ പ​െങ്കടുക്കാനെത്തുന്ന താരങ്ങൾക്കും അധികൃതർക്കും ഹലാൽ ഭക്ഷണം നൽകുന്നതിനുള്ള ഉത്തരവാദിത്തമാണ്​ റാബിത്ത ഏറ്റെടുക്കുന്നത്​. 

റാബിത്ത നിര്‍ദേശിക്കുന്ന നിബന്ധനകള്‍ക്ക് വിധേയമായി ഹലാല്‍ ഭക്ഷണം ഉറപ്പാക്കുമെന്ന് ജപ്പാൻ അധികൃതര്‍ വ്യക്​തമാക്കി. അന്താരാഷ്​ട്ര മുസ്​ലിം സമൂഹത്തിന് റാബിത്ത നല്‍കുന്ന പിന്തുണയുടെയും സാമൂഹിക സേവനത്തി​​​െൻറയും ഭാഗമായാണ് ഈ ഉത്തരവാദിത്തം ഏറ്റെടുക്കുന്നതെന്ന് ഒപ്പുവെക്കല്‍ ചടങ്ങിന് ശേഷം സെക്രട്ടറി ജനറല്‍ പറഞ്ഞു. മുസ്​ലിങ്ങള്‍ക്കും അല്ലാത്തവര്‍ക്കും ആരോഗ്യകരമായ ഭക്ഷണം ഉറപ്പുവരുത്തുക എന്നതും പദ്ധതിയുടെ ലക്ഷ്യമാണ്