കിരീടാവകാശി ​‘ൈടം’ കവറിൽ: വിദേശികൾക്കും സൗദിയിൽ തൊഴിൽ അവസരം വർധിക്കും -അമീർ മുഹമ്മദ്​

ജിദ്ദ: സൗദിയിൽ വിദേശികൾക്കും സ്വദേശികൾക്കും തൊഴിൽ സാധ്യതകൾ വർധിക്കുമെന്ന്​ കിരീടാവകാശി അമീർ മുഹമ്മദ്​ ബിൻ സൽമാൻ. 10 ദശലക്ഷം വിദേശികളാണ്​ സൗദിയിലുള്ളത്​. ​ജോലിക്കാരും അവരുടെ കുടുംബാംഗങ്ങളും ചേർന്നതാണിത്​. ഇൗ എണ്ണം കുറയില്ല എന്നു തന്നെയാണ്​ ഞങ്ങൾ വിശ്വസിക്കുന്നത്​. എണ്ണം കൂടുക തന്നെ ചെയ്യും. രാജ്യം വിഭാവനം ചെയ്യുന്ന വളർച്ചക്ക്​ ഏറെ മാനവവിഭവ ശേഷി വേണ്ടിവരും. അതുകൊണ്ട്​ തന്നെ സ്വദേശികൾക്കും വിദേശികൾക്കുമായി വലിയ തോതിൽ തൊഴിൽ അവസരങ്ങൾ സൃഷ്​ടിക്കപ്പെടും. ^ അമേരിക്ക സന്ദർശിക്കുന്ന കിരീടാവകാശി ടൈം മാഗസിന്​ നൽകിയ അഭിമുഖത്തിൽ പറഞ്ഞു. ​മാഗസി​​​െൻറ അടുത്തയാഴ്​ചയിലെ മുഖചിത്രവും മുഖലേഖനവും കിരീടാവകാശിയുടേതാണ്​. 

സമ്പദ്​ഘടനയുടെ കാര്യത്തിൽ ആദ്യ 20 രാജ്യങ്ങളിലൊന്നാണ്​ സൗദി. ആകെ ശേഷിയുടെ 10 ശതമാനം മാത്രമേ സൗദി ഇതുവരെ ഉപയോഗിച്ചിട്ടുള്ളു. 90 ശതമാനവും ബാക്കി കിടക്കുകയാണ്​. പ്രതിവർഷം 230 ശതകോടി ഡോളറാണ്​ രാജ്യത്തിന്​ പുറത്ത്​ ചെലവഴിക്കുന്നത്​. ഇപ്പോൾ ഒന്നും ചെയ്യാതിരുന്നാൽ 2030 ആകു​േമ്പാഴേക്ക്​ ഇത്​ 300^400 ശതകോടി ഡോളറായി മാറും. വിഷൻ 2030 ​​​െൻറ അടിസ്​ഥാനം തന്നെ മൊത്തം ചെലവഴിക്കുന്നതി​​​െൻറ പകുതിയും രാജ്യത്തിനുള്ളിൽ ആയിരിക്കുക എന്നതാണ്​. ഇതിനായി നിരവധി പദ്ധതികൾ ഞങ്ങൾ തയാറാക്കി കഴിഞ്ഞു. സ്വകാര്യവത്​കരണവും സൗദി അരാകോയുടെ ഒാഹരി വിൽപന​യുമൊക്കെ ഇതി​​​െൻറ ഭാഗമാണ്​. ^ കിരീടാവകാശി പറഞ്ഞു.പശ്​ചിമേഷ്യൻ പ്രശ്​നം പരിഹരിക്കപ്പെടാതെ ഇസ്രയേലുമായി ഒരുബന്ധവും സാധ്യമല്ല. ഇരുപക്ഷത്തിനും അവിടെ ജീവിക്കാനും സഹവർത്തിക്കാനും അവകാശമുണ്ട്​. 

പരിഹാരത്തിന്​ വേണ്ടിയാണ്​ ഞങ്ങൾ ശ്രമിക്കുന്നത്​. അങ്ങനെ ഒരുദിവസം വന്നാൽ അപ്പോൾ ഞങ്ങൾ പരി​േശാധിക്കും.  അമേരിക്കൻ പ്രസിഡൻറ്​ ഡോണൾഡ്​ ട്രംപുമായും അദ്ദേഹത്തി​​​െൻറ ടീമുമായും കുടുംബവുമായും നല്ല ബന്ധമാണുള്ളത്​. കോൺഗ്രസിലെ ഇരുപക്ഷത്തെ അംഗങ്ങളുമായും ബന്ധമുണ്ട്​.  അമേരിക്കൻ ഗവൺമ​​െൻറുമായാണ്​ ഞങ്ങൾ ഇടപെടുന്നത്​. അമേരിക്കയുടെയും സൗദിയുടെയും താൽപര്യങ്ങൾ പരസ്​പര പൂരകമാണ്​. ഭീകരവാദികൾ ഉയർത്തിക്കാട്ടാൻ ശ്രമിക്കുന്ന ഇസ്​ലാം അല്ല യഥാർഥ ഇസ്​ലാം. വനിതകൾ കായികരംഗത്ത്​ പാടില്ല എന്ന്​ ആരെങ്കിലും പറഞ്ഞാൽ പ്രവാചകൻ ഭാര്യക്കൊപ്പം ഒാടിയ കാര്യം ഞങ്ങൾ പറയും. വനിതകൾ കച്ചവടം ചെയ്യരുതെന്ന്​ പറഞ്ഞാൽ, പ്രവാചക പത്​നി വ്യാപാരി ആയിരുന്ന കാര്യം ഞങ്ങൾ പറയും. വഹാബിസം എന്നൊന്നില്ല. സൗദിയിൽ സുന്നികളും ശിയാക്കളുമുണ്ട്​. സുന്നികൾക്ക്​ നാലു ചിന്താധാരകളുണ്ട്​. ശിയാക്കൾക്കുമുണ്ട്​ ചിന്താപദ്ധതികൾ. ഞങ്ങളുടെ നിയമങ്ങൾ ഖുർആനിലും പ്രവാചകചര്യയിലും അധിഷ്​ഠിതമാണ്​. ^ അമീർ മുഹമ്മദ്​ ചൂണ്ടിക്കാട്ടി.