തൃശൂര്‍ സ്വദേശി റിയാദിൽ നിര്യാതനായി

റിയാദ്: പക്ഷാഘാതം ബാധിച്ചതിനെ തുടര്‍ന്ന് ചികിത്സയിലായിരുന്ന തൃശൂര്‍ സ്വദേശി റിയാദിൽ മരിച്ചു. വരന്തരപ്പിള്ളി കാരികുളം സ്വദേശി തോട്ടുവേലിപ്പറമ്പില്‍ റഫീഖ് (43) ആണ് മരിച്ചത്. കഴിഞ്ഞ നവംബര്‍ 17ന് പക്ഷാഘാതം ബാധിച്ചതിനെ തുടര്‍ന്ന് റിയാദിലെ പ്രിന്‍സ് മുഹമ്മദ് ആശുപത്രിയില്‍ പ്രവേശിപ്പിച്ച്‌ ചികിത്സയിലായിരുന്നു.

തുടർചികിത്സക്കായി ഈ മാസം 17ന് നാട്ടിലേക്ക് കൊണ്ടുപോകാനിരിക്കെയാണ് മരണം.

പിതാവ്: അബ്ദുൾ റസാഖ്. മാതാവ്: ജമീല. ഭാര്യ: നസീമ. മക്കള്‍: റഹന, ആദില്‍. നടപടിക്രമങ്ങൾ പൂർത്തിയാക്കി മയ്യിത്ത് റിയാദില്‍ ഖബറടക്കും.