സന്ദർശന വിസയിലെത്തിയ തിരുവനന്തപുരം സ്വദേശിനി നിര്യാതയായി

റിയാദ്​: സന്ദർശന വിസയിലെത്തിയ മലയാളി വയോധിക സൗദിയിൽ നിര്യാതയായി. തിരുവനന്തപുരം വട്ടിയൂർക്കാവ് നെട്ടയം സ്വദേശിനി പപ്പാട് ഭാരത് നഗർ റഹ്‌മാൻ വീട്ടിൽ സൈനബ (71) റിയാദിൽനിന്ന്​ 200 കിലോമീറ്ററകലെ അൽഖുവയ്യയിലാണ്​ ഹൃദയാഘാതം മൂലം മരിച്ചത്​.

അൽഖുവയ്യയിലുള്ള മകൻ ഷഫീഖി​െൻറ അടുത്ത്​ സന്ദർശനവിസയിലെത്തിയ അവർ അസുഖബാധിതയായി അൽ ഖുവയ്യ ജനറൽ ആശുപത്രിയിൽ രണ്ടാഴ്​ചയായി ചികിത്സയിൽ ആയിരുന്നു. പിതാവ്: പീർമുഹമ്മദ്‌, മാതാവ്: നൂഹ് പാത്തുമ്മ.

മൃതദേഹം അൽ ഖുവയ്യയിൽ ഖബറടക്കും. മരണാനന്തര നടപടിക്രമങ്ങൾ പൂർത്തീകരിക്കാൻ മകൻ ഷഫീക്കിനെ സഹായിക്കാൻ അൽ ഖുവയ്യ കെ.എം.സി.സി ഭാരവാഹികളും റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ചെയർമാൻ റഫീഖ് പുല്ലൂർ, ജുനൈദ് താനൂർ എന്നിവരും രംഗത്തുണ്ട്.