തിരുവനന്തപുരം സ്വദേശി ജിദ്ദയിൽ മരിച്ചു

ജിദ്ദ: ഹൃദയാഘാതത്തെ തുടർന്ന് തിരുവനന്തപുരം സ്വദേശി ജിദ്ദയിൽ മരിച്ചു. വിഴിഞ്ഞത്തിനടുത്ത് പൂവാർ സ്വദേശി സലാഹുദ്ദീൻ (61) ആണ് മരിച്ചത്.

വെള്ളിയാഴ്ച രാത്രി ഒമ്പത് മണിക്ക് താമസസ്ഥലത്ത് വെച്ച് ഹൃദയാഘാതം ഉണ്ടാവുകയും മരിക്കുകയുമായിരുന്നു.

ജിദ്ദ അൽ മർവയിൽ ഹൗസ് ഡ്രൈവറായി ജോലി ചെയ്യുകയായിരുന്നു. പിതാവ്: സൈനുൽ ആബിദീൻ, മാതാവ്: റുഹിയാ ബീവി, ഭാര്യ: ഫാത്തിമാ ബീവി, മക്കൾ: സമീർ, ആഷിഖ്, അഷിന. നടപടി ക്രമങ്ങൾക്ക് ശേഷം മയ്യിത്ത് ജിദ്ദയിൽ ഖബറടക്കും.