വി​നോ​ദ സ​ഞ്ചാ​രി​ക​ളെ മാ​ടി​വി​ളി​ച്ച് അ​ൽ​ഹ​സ​യി​ലെ 'മ​ഞ്ഞ​ത്ത​ടാ​കം'

ജു​ബൈ​ൽ: അ​ൽ​ഹ​സ​യി​ലെ ഒ​മ്രാ​ൻ ന​ഗ​ര​ത്തി​ന് കി​ഴ​ക്കാ​യി സ്ഥി​തി​ചെ​യ്യു​ന്ന 'മ​ഞ്ഞ​ത്ത​ടാ​കം' സ​ഞ്ചാ​രി​ക​ളെ മാ​ടി​വി​ളി​ക്കു​ന്നു. 'യെ​ലോ ലേ​ക്​', 'അ​സ്ഫ​ർ ലേ​ക്' എ​ന്നി​ങ്ങ​നെ ഇം​ഗ്ലീ​ഷി​ലും അ​റ​ബി​യി​ലും അ​റി​യ​പ്പെ​ടു​ന്ന, മ​ല​യാ​ളി​ക​ൾ 'മ​ഞ്ഞ​ത്ത​ടാ​കം' എ​ന്നും വി​ളി​ക്കു​ന്ന ഈ ​ജ​ലാ​ശ​യം മ​രു​ഭൂ​മി​ക്ക് ന​ടു​വി​ലാ​ണ്. അ​ൽ​ഹ​സ​യി​ൽ​നി​ന്നും 30 മൈ​ൽ അ​ക​ലെ പ്ര​ധാ​ന റോ​ഡി​ൽ​നി​ന്നും അ​ഞ്ചു കി​ലോ​മീ​റ്റ​ർ മ​രു​ഭൂ​മി​യി​ലൂ​ടെ സ​ഞ്ച​രി​ച്ചാ​ൽ ഈ ​ത​ടാ​ക തീ​ര​ത്ത് എ​ത്തും. റോ​ഡി​ൽ​നി​ന്നും ഉ​ള്ളി​ലേ​ക്ക് പോ​കു​ന്ന ചെ​മ്മ​ൺ​പാ​ത ഭൂ​രി​ഭാ​ഗ​വും ന​ല്ല ഉ​റ​പ്പു​ള്ള​താ​ണ്. സാ​ധാ​ര​ണ കാ​റി​ലും ഫോ​ർ വീ​ൽ ഡ്രൈ​വി​ലും ഇ​വി​ടെ എ​ത്തി​ച്ചേ​രാ​ൻ ക​ഴി​യും.

സ​മ​ത​ല പ്ര​ദേ​ശ​മാ​യ വ​ഴി​യി​ട​ങ്ങ​ളി​ൽ ചി​ല ഭാ​ഗ​ത്ത് പു​ല്ലു​ക​ൾ നി​റ​ഞ്ഞും മ​റ്റു ചി​ല​ഭാ​ഗ​ങ്ങ​ളി​ൽ മ​ണ​ലു​മാ​ണ്. ജ​ലാ​ശ​യ​ത്തോ​ടു അ​ടു​ക്കു​മ്പോ​ൾ ദൂ​രെ​നി​ന്നു ത​ന്നെ വ​ലി​യൊ​രു മ​ണ​ൽ​ക്കൂ​ന കാ​ണാ​ൻ സാ​ധി​ക്കും. അ​ത് ല​ക്ഷ്യം​വെ​ച്ച് മു​ന്നോ​ട്ടു പോ​യാ​ൽ ത​ടാ​ക തീ​ര​ത്ത് എ​ത്താം. മ​ണ​ൽ​കു​ന്നി​‍െൻറ താ​ഴ്വ​ര​യി​ലാ​ണ് 'മ​ഞ്ഞ​ത്ത​ടാ​കം' സ്ഥി​തി ചെ​യ്യു​ന്ന​ത്.

കു​ന്നി​നു​മു​ക​ളി​ൽ ക​യ​റി​നോ​ക്കി​യാ​ൽ ചു​റ്റി​നും വി​ശാ​ല​മാ​യ ജ​ലാ​ശ​യ​ത്തി​‍െൻറ ഭം​ഗി ആ​സ്വ​ദി​ക്കു​ക​യും ട്ര​ക്കി​ങ്ങി​ൽ താ​ൽ​പ​ര്യ​മു​ള്ള​വ​ർ​ക്ക് മ​ണ​ലി​ലൂ​ടെ വാ​ഹ​ന​മോ​ടി​ച്ച് ര​സി​ക്കു​ക​യും ചെ​യ്യാം. ട്ര​ക്കി​ങ് ആ​ഗ്ര​ഹ​മു​ള്ള​വ​ർ ഫോ​ർ വീ​ൽ ഡ്രൈ​വ് വാ​ഹ​ന​വും മ​റ്റു അ​നു​ബ​ന്ധ​കാ​ര്യ​ങ്ങ​ളും ഒ​രു​ക്ക​ണം എ​ന്നു​മാ​ത്രം.

പൊ​ന്ത​ക്കാ​ടു​ക​ളാ​ൽ വേ​ലി തീ​ർ​ത്തി​രി​ക്കു​ന്ന നീ​ല ജ​ലാ​ശ​യം ക​ണ്ണി​നു കു​ളി​ർ​മ​യേ​കു​ന്ന കാ​ഴ്ച​യാ​ണ്. മ​ണ​ൽ​ക്കൂ​ന​ക്ക് ചു​റ്റും മൂ​ന്നി​ൽ ര​ണ്ടു ഭാ​ഗ​വും ത​ടാ​ക​ത്താ​ൽ ചു​റ്റ​​പ്പെ​ട്ടു​നി​ൽ​കു​ന്നു. മ​ത്സ്യ​ബ​ന്ധ​ന​മോ നീ​ന്ത​ലോ ഇ​വി​ടെ അ​നു​വ​ദ​നീ​യ​മ​ല്ല. ഉ​ദ​യാ​സ്ത​മ​യ സ​മ​യ​ങ്ങ​ളി​ലാ​ണ് ഇ​വി​ടം ഏ​റ്റ​വും മ​നോ​ഹ​ര​മാ​കു​ന്ന​ത്. കൊ​ടും​വേ​ന​ലി​ൽ ഒ​ഴി​കെ ബാ​ക്കി പ​ക​ൽ സ​മ​യ​ത്ത് ഈ ​ജ​ലാ​ശ​യ​ത്തി​‍െൻറ ദൃ​ശ്യ​ത സ​ന്ദ​ർ​ശ​ക​രു​ടെ മ​നം കു​ളി​ർ​പ്പി​ക്കും. മ​രു​ഭൂ​മി​ക്ക് ന​ടു​വി​ൽ വ​റ്റാ​ത്ത ജ​ലാ​ശ​യം എ​ങ്ങ​നെ രൂ​പ​പ്പെ​ട്ടു എ​ന്ന​ത് അ​തി​ശ​യ​മാ​ണ്. പ്ര​കൃ​തി​ദ​ത്ത​മാ​യ ഉ​റ​വ കൂ​ടാ​തെ കാ​ർ​ഷി​ക പ്ര​ദേ​ശ​മാ​യ അ​ൽ​ഹ​സ​യി​ലെ കൃ​ഷി​യാ​വ​ശ്യ​ങ്ങ​ൾ​ക്ക് ഉ​പ​യോ​ഗി​ച്ച​ശേ​ഷം ഡ്രെ​യി​നേ​ജ് വ​ഴി​തി​രി​ച്ചു വി​ടു​ന്ന ജ​ല​വും സ​മീ​പ​ത്തു​ള്ള വാ​ട്ട​ർ ട്രീ​റ്റ്‌​മെൻറ്​ പ്ലാ​ൻ​റി​ൽ​നി​ന്നു​ള്ള ജ​ല​വു​മാ​ണ് പ്ര​ധാ​ന സ്രോ​ത​സ്സു​ക​ൾ. ത​ടാ​ക​ത്തി​ന് ചു​റ്റും വി​വി​ധ മ​രു​ഭൂ​മി​യി​ലെ സ​സ്യ​ങ്ങ​ൾ ധാ​രാ​ള​മാ​യി വ​ള​രു​ന്നു. പ്ര​ത്യേ​കി​ച്ച് 'ഫേ​ൺ' എ​ന്ന ചെ​ടി ത​ടാ​ക​ത്തി​‍െൻറ അ​രി​കു​ക​ളി​ൽ വ്യാ​പ​ക​മാ​യി കാ​ണാം.

'യെ​ലോ ത​ടാ​കം' സൗ​ദി അ​റേ​ബ്യ​യി​ലെ പ്ര​ധാ​ന വി​നോ​ദ സ​ഞ്ചാ​ര പ്ര​ദേ​ശ​മാ​യി വി​ക​സി​പ്പി​ക്കു​ന്ന​തി​ന് സ​ർ​ക്കാ​ർ പ​രി​പാ​ടി ആ​രം​ഭി​ച്ചി​ട്ടു​ണ്ട്. പ​തി​റ്റാ​ണ്ടു​ക​ൾ​ക്കു​മു​മ്പ് യാ​ത്ര​ക്കാ​ർ ജ​ല​സം​ഭ​ര​ണ​ത്തി​നാ​യി ഈ ​ത​ടാ​ക​ത്തെ ആ​ശ്ര​യി​ച്ചി​രു​ന്നു​വെ​ന്ന് ച​രി​ത്ര രേ​ഖ​ക​ൾ വ്യ​ക്ത​മാ​ക്കു​ന്നു. ത​ടാ​ക​ത്തി​നു ചു​റ്റും താ​മ​സി​ച്ചി​രു​ന്ന ഗോ​ത്ര​ക്കാ​ർ ജ​ല​നി​ര​പ്പ് മാ​റി​യ​പ്പോ​ൾ ഇ​തി​‍െൻറ തെ​ക്ക് ഭാ​ഗ​ത്ത് വെ​ള്ള​ത്തി​നാ​യി കി​ണ​റു​ക​ൾ കു​ഴി​ക്കാ​ൻ ശ്ര​മി​ക്കു​ക​യു​ണ്ടാ​യി.

കി​ണ​റു​ക​ളെ​ച്ചൊ​ല്ലി ത​ർ​ക്ക​ങ്ങ​ൾ ഉ​ണ്ടാ​യ​പ്പോ​ൾ സം​ഘ​ർ​ഷ​ങ്ങ​ൾ പ​രി​ഹ​രി​ക്കാ​ൻ സ​ഹാ​യി​ക്കു​ന്ന​തി​നാ​യി 'ഖു​യി​ഞ്ച് പാ​ല​സ്' സ്ഥാ​പി​ക്ക​പ്പെ​ട്ട​താ​യും അ​ൽ​ഹ​സ​യി​ലെ സൗ​ദി ക​മീ​ഷ​ൻ ഫോ​ർ ടൂ​റി​സം ആ​ൻ​ഡ്​​ നാ​ഷ​ന​ൽ ഹെ​റി​റ്റേ​ജ് (എ​സ്‌.​സി.​ടി.​എ​ൻ.​എ​ച്ച്) ഡ​യ​റ​ക്ട​ർ ജ​ന​റ​ൽ ഖാ​ലി​ദ് അ​ൽ ഫ​രീ​ദ പ​റ​ഞ്ഞു. വി​നോ​ദ സ​ഞ്ചാ​രി​ക​ളെ കൂ​ടാ​തെ ടൂ​ർ ഓ​പ​റേ​റ്റ​ർ​മാ​ർ, ഡെ​സേ​ർ​ട്ട് ടൂ​റി​സം പ്രേ​മി​ക​ൾ, ഫോ​ട്ടോ​ഗ്ര​ഫി​യി​ൽ താ​ൽ​പ​ര്യ​മു​ള്ള​വ​ർ തു​ട​ങ്ങി​യ​വ​രു​ടെ പ്ര​ധാ​ന ല​ക്ഷ്യ​സ്ഥാ​ന​ങ്ങ​ളി​ലൊ​ന്നാ​ണ് 'മ​ഞ്ഞ​ത്ത​ടാ​കം'.