Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightഇ​ന്ത്യ​ൻ...

ഇ​ന്ത്യ​ൻ സ്‌​കൂ​ളു​ക​ളും തു​റ​ക്കാ​ൻ ഒ​രു​ങ്ങു​ന്നു

text_fields
bookmark_border
ഇ​ന്ത്യ​ൻ സ്‌​കൂ​ളു​ക​ളും തു​റ​ക്കാ​ൻ ഒ​രു​ങ്ങു​ന്നു
cancel

യാം​ബു: സൗ​ദി​യി​ലെ ഇ​ന്ത്യ​ൻ എം​ബ​സി​ക്ക് കീ​ഴി​ലെ ഇ​ൻ​റ​ർ​നാ​ഷ​ന​ൽ ഇ​ന്ത്യ​ൻ സ്‌​കൂ​ളു​ക​ളും സ്വ​കാ​ര്യ ഇ​ൻ​റ​ർ നാ​ഷ​ന​ൽ സ്‌​കൂ​ളു​ക​ളും 18 മാ​സം അ​ട​ച്ചി​ട്ട​ശേ​ഷം വീ​ണ്ടും തു​റ​ക്കാ​ൻ ഒ​രു​ങ്ങു​ന്നു.

ഏ​ഴു മു​ത​ലു​ള്ള ക്ലാ​സു​ക​ളാ​ണ് ആ​ദ്യ​ഘ​ട്ട​ത്തി​ൽ തു​റ​ക്കു​ന്ന​ത്. ര​ണ്ടു ഡോ​സ് വാ​ക്സി​ൻ എ​ടു​ത്ത് ഇ​മ്യൂ​ൺ സ്​​റ്റാ​റ്റ​സ് നേ​ടി​യ​വ​ർ​ക്ക് മാ​ത്ര​മാ​ണ് സ്‌​കൂ​ളി​ൽ വ​രാ​ൻ വി​ദ്യാ​ഭ്യാ​സ മ​ന്ത്രാ​ല​യം അ​നു​വാ​ദം ന​ൽ​കി​യി​ട്ടു​ള്ള​ത്. അ​തേ​സ​മ​യം ന​ല്ല ശ​ത​മാ​നം അ​ധ്യാ​പ​ക​രും വി​ദ്യാ​ർ​ഥി​ക​ളും ഇ​പ്പോ​ഴും സൗ​ദി​യി​ലേ​ക്ക് മ​ട​ങ്ങാ​ൻ ക​ഴി​യാ​തെ നാ​ടു​ക​ളി​ലാ​യ​ത് ഏ​റെ പ്ര​തി​സ​ന്ധി ഉ​ണ്ടാ​ക്കു​ന്നു​ണ്ട്. അ​ധ്യാ​പ​ക​രു​ടെ​യും വി​ദ്യാ​ർ​ഥി​ക​ളു​ടെ​യും അ​സാ​ന്നി​ധ്യ​ത്തി​ൽ സ്‌​കൂ​ളി​ലെ ന​ട​പ​ടി​ക്ര​മ​ങ്ങ​ൾ എ​ങ്ങ​നെ പൂ​ർ​ത്തി​യാ​ക്കാ​ൻ ക​ഴി​യു​മെ​ന്ന അ​നി​ശ്ചി​ത​ത്വ​ത്തി​ലാ​ണ് സ്‌​കൂ​ൾ അ​ധി​കൃ​ത​ർ.

സ്‌​കൂ​ൾ തു​റ​ക്കു​മ്പോ​ഴും വ​രാ​ത്ത കു​ട്ടി​ക​ൾ​ക്കു​വേ​ണ്ടി ഓ​ൺ​ലൈ​ൻ ക്ലാ​സ് തു​ട​ര​ണ​മെ​ന്നും മ​ന്ത്രാ​ല​യം നി​ർ​ദേ​ശി​ച്ചി​ട്ടു​ണ്ട്.

അ​തു​പോ​ലെ സൗ​ദി​യി​ൽ എ​ത്താ​ൻ ക​ഴി​യാ​ത്ത അ​ധ്യാ​പ​ക​ർ​ക്ക് ഓ​ൺ​ലൈ​ൻ ക്ലാ​സു​ക​ൾ നാ​ട്ടി​ൽ​നി​ന്ന് എ​ടു​ക്കാ​നും മ​ന്ത്രാ​ല​യം അ​നു​വാ​ദം ന​ൽ​കി​യി​ട്ടു​ണ്ട്. ഒ​രേ​സ​മ​യം ഓ​ഫ്​​ലൈ​ൻ ക്ലാ​സും ഓ​ൺ​ലൈ​ൻ പ​ഠ​ന​വും സ്‌​കൂ​ളി​ൽ നി​ല നി​ർ​ത്തു​ന്ന​തി​ൽ സാ​ങ്കേ​തി​ക​മാ​യും ഏ​റെ പ്ര​യാ​സം ഉ​ണ്ടാ​ക്കു​ന്നു​ണ്ട് എ​ന്നും വി​ല​യി​രു​ത്തു​ന്നു​ണ്ട്.

ഓ​ഫ്​​ലൈ​ൻ ക്ലാ​സ്‌ മ​ര​വി​പ്പി​ച്ചു​കൊ​ണ്ട് ഓ​ൺ​ലൈ​ൻ ക്ലാ​സു​ക​ൾ മാ​ത്രം ന​ട​ത്താ​നും വി​ദ്യാ​ഭ്യാ​സ മ​ന്ത്രാ​ല​യം അ​നു​മ​തി ന​ൽ​കു​മോ എ​ന്ന കാ​ര്യ​ത്തി​ലും സ്‌​കൂ​ൾ അ​ധി​കൃ​ത​ർ​ക്ക്‌ നി​ശ്ച​യ​മി​ല്ലാ​ത്ത​തി​നാ​ൽ കൃ​ത്യ​മാ​യ രീ​തി​യി​ൽ ഒ​രു തീ​രു​മാ​നം എ​ടു​ക്കാ​നും ആ​വു​ന്നി​ല്ല.

കാ​ര്യ​ങ്ങ​ൾ വ്യ​ക്ത​മാ​യി വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും അ​റി​യി​ക്കേ​ണ്ട​തു​മു​ണ്ട്. വി​ദ്യാ​ർ​ഥി​ക​ളെ ര​ക്ഷി​താ​ക്ക​ൾ ത​ന്നെ സ്‌​കൂ​ളു​ക​ളി​ൽ എ​ത്തി​ക്കാ​നു​ള്ള സം​വി​ധാ​നം ഒ​രു​ക്കാ​നാ​ണ് മി​ക്ക സ്‌​കൂ​ളു​ക​ളും ഇ​തി​ന​കം അ​റി​യി​ച്ച​ത്. ഇ​ത് പ​ല ര​ക്ഷി​താ​ക്ക​ൾ​ക്കും അ​ധി​ക​ഭാ​രം വ​രു​ത്തു​മെ​ന്നും പ്ര​തി​സ​ന്ധി ഉ​ണ്ടാ​ക്കു​മെ​ന്നും അ​ഭി​പ്രാ​യ​മു​ണ്ട്.

ര​ണ്ട് ഡോ​സ് വാ​ക്‌​സി​ൻ സൗ​ദി​യി​ൽ​നി​ന്നെ​ടു​ത്ത​വ​ർ​ക്ക് നേ​രി​ട്ട് രാ​ജ്യ​ത്തേ​ക്ക് വ​രാ​ൻ അ​നു​മ​തി ന​ൽ​കി​യെ​ങ്കി​ലും ര​ണ്ടു​മാ​സം മു​മ്പ് അ​വ​ധി​യി​ൽ നാ​ട്ടി​ലേ​ക്ക് പോ​യ ഏ​റെ​യും​പേ​ർ ര​ണ്ടാം ഡോ​സ് വാ​ക്​​സി​ൻ എ​ടു​ത്ത​ത് നാ​ട്ടി​ൽ​നി​ന്നാ​ണ്. ഇ​ങ്ങ​നെ​യു​ള്ള കു​ട്ടി​ക​ളെ​യും കൂ​ട്ടി കു​ടും​ബ​ങ്ങ​ൾ​ക്ക് ഇ​പ്പോ​ഴ​ത്തെ അ​വ​സ്ഥ​യി​ൽ സൗ​ദി​യി​ലെ​ത്താ​ൻ ഭീ​മ​മാ​യ തു​ക ചെ​ല​വ​ഴി​ക്കേ​ണ്ടി​വ​രു​ന്ന അ​വ​സ്ഥ​യാ​ണു​ള്ള​ത്. ഇ​ക്കാ​ര​ണ​ത്താ​ൽ പ​ല​രും സൗ​ദി​യി​ലേ​ക്ക് മ​ട​ങ്ങാ​ൻ ത​യാ​റാ​കു​ന്നു​മി​ല്ല. നാ​ട്ടി​ൽ​നി​ന്ന്​ ഒ​രു ഡോ​സ് കൂ​ടി എ​ടു​ത്ത് 'ത​വ​ക്ക​ൽ​ന'​യി​ൽ ഇ​മ്യൂ​ൺ സ്​​റ്റാ​റ്റ​സ് പൂ​ർ​ത്തി​യാ​ക്കി​യ​വ​ർ​ക്കു​കൂ​ടി സൗ​ദി അ​ധി​കൃ​ത​ർ നേ​രി​ട്ട് യാ​ത്രാ​നു​മ​തി ന​ൽ​കു​ന്ന​തും കാ​ത്തി​രി​ക്കു​ക​യാ​ണ് നൂ​റ് ക​ണ​ക്കി​ന് വി​ദ്യാ​ർ​ഥി​ക​ളും അ​ധ്യാ​പ​ക​രും മ​റ്റു സ്‌​കൂ​ൾ ജീ​വ​ന​ക്കാ​രും. ഓ​ൺ​ലൈ​ൻ ക്ലാ​സ് സ്‌​കൂ​ളു​ക​ളി​ൽ തു​ട​രാ​ൻ അ​നു​വാ​ദം ന​ൽ​കി​യ​തി​ൽ ഇ​ത്ത​രം വി​ദ്യാ​ർ​ഥി​ക​ൾ​ക്കും നാ​ട്ടി​ലു​ള്ള അ​ധ്യാ​പ​ക​ർ​ക്കും വ​ലി​യ ആ​ശ്വാ​സ​മാ​ണ് ന​ൽ​കു​ന്ന​ത്.

Show Full Article
TAGS:mosque yambu 
News Summary - The world's first green mosque opens in Hatta
Next Story