താ​മ​സ​രേ​ഖ​യി​ല്ലാ​ത്ത​തി​നാ​ൽ യാ​ത്രാ​ത​ട​സ്സം: വ​ര​ൻ നാ​ട്ടി​ലെ​ത്തി​യ​ത്​ മ​ന​സ്സ​മ്മ​ത​ത്തി​ന്‍റെ നേ​ര​ത്ത്​

ദ​മ്മാം: താ​മ​സ​രേ​ഖ​യി​ല്ലാ​തെ (ഇ​ഖാ​മ) സൗ​ദി​യി​ൽ നി​യ​മ​ക്കു​രു​ക്കി​ലാ​യ പ്ര​തി​ശ്രു​ത വ​ര​ന്​ പ്ര​തി​ബ​ന്ധ​ങ്ങ​ൾ മ​റി​ക​ട​ന്ന്​ നാ​ട്ടി​ലെ​ത്താ​നാ​യ​ത്​ മ​ന​സ​മ്മ​ത​ച്ച​ട​ങ്ങി​ന്​​ ഏ​താ​നും സ​മ​യം മു​മ്പ്​ മാ​ത്രം. കോ​ഴി​ക്കോ​ട് കൂ​രാ​ച്ചു​ണ്ട് സ്വ​ദേ​ശി ലി​ബി​ൻ ജോ​ൺ​സ​നാ​ണ് പ്ര​തി​ശ്രു​ത വ​ധു പ്ര​ജി​ന​യു​​ടെ​യും ബ​ന്ധു​ക്ക​ളു​ടെ​യും പ്രാ​ർ​ഥ​ന​ക​ൾ ക്കൊ​ടു​വി​ൽ സാ​മൂ​ഹി​ക പ്ര​വ​ർ​ത്ത​ക​രു​ടെ സ​ഹാ​യ​ത്താ​ൽ നാ​ട്ടി​ലെ​ത്തിയത്.

ലി​ബി​ൻ നാ​ട്ടി​ലെ​ത്തു​മെ​ന്ന് പ്ര​തീ​ക്ഷി​ച്ച് മ​ന​സ്സ​മ്മ​തം തീ​രു​മാ​നി​ക്കു​ക​യും ബ​ന്ധു​ക്ക​ൾ ഉ​ൾ​പ്പ​ടെ​യു​ള്ള​വ​രെ ക്ഷ​ണി​ക്കു​ക​യും ചെ​യ്തി​രു​ന്നു. എ​ന്നാ​ൽ, ര​ണ്ടു വ​ർ​ഷ​മാ​യി ഇ​ഖാ​മ​പോ​ലു​മി​ല്ലാ​തി​രു​ന്ന ലി​ബി​ന്‍റെ യാ​ത്ര നി​യ​മ​ക്കു​രു​ക്കി​ൽ കു​ടു​ങ്ങി ത​ട​സ്സ​പ്പെ​ടു​ക​യാ​യി​രു​ന്നു. 2019ൽ ​കോ​വി​ഡ് പ്ര​തി​സ​ന്ധി​ക്ക്​​ ര​ണ്ടു മാ​സം മു​മ്പാ​ണ് റി​യാ​ദി​ലെ സൗ​ദി പൗ​ര​ന്‍റെ പേ​രി​ലു​ള്ള വി​സ​യി​ൽ ഇ​ല​ക്ട്രീ​ഷ്യ​നാ​യി എ​ത്തി​യ​ത്. കോ​വി​ഡ് കാ​ര​ണം ലി​ബി​ന്‍റെ ഇ​ഖാ​മ എ​ടു​ക്കാ​നോ രേ​ഖ​ക​ൾ നി​യ​മ​വി​ധേ​യ​മാ​ക്കാ​നോ സ്ഥാ​പ​ന ഉ​ട​മ​ക്ക് ക​ഴി​ഞ്ഞി​ല്ല. ര​ണ്ടു വ​ർ​ഷം പൂ​ർ​ത്തി​യാ​കു​ന്ന​തോ​ടെ നാ​ട്ടി​ൽ വി​ടാ​മെ​ന്ന സ്ഥാ​പ​ന ഉ​ട​മ​യു​ടെ വാ​ക്ക് വി​ശ്വ​സി​ച്ച ലി​ബി​ൻ നാ​ട്ടി​ലെ വി​വാ​ഹാ​ലോ​ച​ന​ക്ക് സ​മ്മ​തം മൂ​ളി. എ​ന്നാ​ൽ, സ​മ​യ​മാ​യ​പ്പോ​ൾ സ്ഥാ​പ​ന ഉ​ട​മ കൈ​മ​ല​ർ​ത്തി.

പി​ന്നീ​ടാ​ണ് ബ​ന്ധു​കൂ​ടി​യാ​യ ​ടൈ​റ്റ​സി​ന്‍റെ സ​ഹാ​യ​ത്താ​ൽ സാ​മൂ​ഹി​ക പ്ര​വ​ർ​ത്ത​ക​ൻ നാ​സ് വ​ക്ക​ത്തി​നെ സ​മീ​പി​ക്കു​ന്ന​ത്.

പു​തി​യ നി​യ​മ​പ്ര​കാ​രം ഇ​ന്ത്യ​ൻ എം​ബ​സി​യി​ൽ ര​ജി​സ്റ്റ​ർ ചെ​യ്യു​ക​യും എം​ബ​സി പ്ര​തി​നി​ധി ആ​ഷി​ഖി​ന്‍റെ സ​ഹാ​യ​ത്താ​ൽ എ​ക്സി​റ്റ് നേ​ടു​ക​യു​മാ​യി​രു​ന്നു. ഡി​സം​ബ​ർ 27നാ​ണ് ലി​ബി​ന്‍റെ​യും പ്ര​ജി​ന​യു​ടെ​യും വി​വാ​ഹം നി​ശ്ച​യി​ച്ചി​രു​ന്ന​ത്. ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി​ ഡി​സം​ബ​ർ 26ന്​ ​ഉ​ച്ച​ക്ക് ഒ​ന്നോ​ടെ​യാ​ണ് ലി​ബി​ന്‍റെ എ​ക്സി​റ്റ് വി​സ ല​ഭി​ച്ച​ത്. ഉ​ട​ൻ​ത​ന്നെ ല​ഭ്യ​മാ​യ ഫ്ലൈ ​ദു​ബൈ വി​മാ​ന​ത്തി​ൽ കൊ​ച്ചി​യി​ലേ​ക്ക് യാ​ത്ര അയ​ക്കു​ക​യാ​യി​രു​ന്നു.

പു​ല​ർ​ച്ചെ നാ​ലി​ന്​ കൊ​ച്ചി​യി​ലെ​ത്തി​യ ലി​ബി​നെ ബ​ന്ധു​ക്ക​ൾ രാ​വി​ലെ 10ഓ​ടെ കോ​ഴി​ക്കോ​ടു​ള്ള വീ​ട്ടി​ലെ​ത്തി​ച്ചു. രാ​വി​ലെ 11നാ​ണ്​ മ​ന​സ്സ​മ്മ​തം തീ​രു​മാ​നി​ച്ചി​രു​ന്ന​ത്.

ലി​ബി​ൻ വീ​ട്ടി​ലെ​ത്തു​ന്ന​തു​വ​രെ ആ​ശ​ങ്ക​യു​ടെ മു​ൾ​മു​ന​യി​ലാ​യി​രു​ന്നു ബ​ന്ധു​ക്ക​ൾ. ക​ട​ന്ന് നാ​ട്ടി​ലെ​ത്താ​ൻ സാ​ധി​ച്ച​തി​ന്‍റെ ആ​ശ്വാ​സ​ത്തി​ലും ആ​ഹ്ലാ​ദ​ത്തി​ലു​മാ​ണ്​ ലി​ബി​ൻ. ത​ന്നെ സ​ഹാ​യി​ച്ച നാ​സ് വ​ക്കം, എം​ബ​സി പ്ര​തി​നി​ധി ആ​ഷി​ഖ്, ഒ​പ്പം നി​ന്ന സു​ഹൃ​ത്തു​ക്ക​ൾ എ​ന്നി​വ​രോ​ടു​ള്ള ന​ന്ദി പ​റ​യു​ക​യാ​ണ് ലി​ബി​ൻ.