പ​ശ്ചി​മേ​ഷ്യ​ൻ സ്ഥി​ര​ത​ക്ക്​ യു.​എ​സ്​ സ​ഹ​ക​ര​ണം തു​ട​രാ​ൻ ആ​ഗ്ര​ഹി​ക്കു​ന്നു -സൗ​ദി കി​രീ​ടാ​വ​കാ​ശി

റി​യാ​ദ്​: പ​ശ്ചി​മേ​ഷ്യ മേ​ഖ​ല​യു​ടെ സ്ഥി​ര​ത​ക്ക്​ അ​മേ​രി​ക്ക​യു​മാ​യി സ​ഹ​ക​ര​ണ​വും ഏ​കോ​പ​ന​വും തു​ട​രാ​ൻ ഞ​ങ്ങ​ൾ ആ​ഗ്ര​ഹി​ക്കു​ന്നു​വെ​ന്ന് സൗ​ദി​ കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ. റി​യാ​ദി​ൽ യു.​എ​സ് പ്ര​സി​ഡ​ന്റ്​ ഡോ​ണ​ൾ​ഡ് ട്രം​പി​നൊ​പ്പം ന​ട​ന്ന ഗ​ൾ​ഫ്-​യു.​എ​സ് ഉ​ച്ച​കോ​ടി​യു​ടെ ഉ​ദ്ഘാ​ട​ന പ്ര​സം​ഗ​ത്തി​ലാ​ണ്​ നി​ല​പാ​ട്​ വ്യ​ക്ത​മാ​ക്കി​യ​ത്. ഗ​ൾ​ഫ് രാ​ജ്യ​ങ്ങ​ളും അ​മേ​രി​ക്ക​യും ത​മ്മി​ലു​ള്ള ച​രി​ത്ര​പ​ര​മാ​യ ബ​ന്ധ​ത്തി​െ​ന്റ​യും ഉ​റ​ച്ച ത​ന്ത്ര​പ​ര​മാ​യ പ​ങ്കാ​ളി​ത്ത​ത്തി​െ​ന്റ​യും ഒ​രു വി​പു​ലീ​ക​ര​ണ​മാ​ണ് ഇൗ ​ഉ​ച്ച​കോ​ടി.

അ​മേ​രി​ക്ക​യു​മാ​യു​ള്ള ബ​ന്ധം ഒ​രു ത​ന്ത്ര​പ​ര​മാ​യ പ​ങ്കാ​ളി​ത്ത​മാ​ണ്. ഗ​ൾ​ഫ്​ രാ​ജ്യ​ങ്ങ​ൾ അ​മേ​രി​ക്ക​യു​മാ​യു​ള്ള സാ​മ്പ​ത്തി​ക പ​ങ്കാ​ളി​ത്തം ​​​ആ​ഗ്ര​ഹി​ക്കു​ന്നു​ണ്ട്. രാ​ജ്യ​ങ്ങ​ളു​ടെ​യും ജ​ന​ങ്ങ​ളു​ടെ​യും അ​ഭി​ലാ​ഷ​ങ്ങ​ൾ നി​റ​വേ​റ്റു​ന്ന​തി​നാ​യി ബ​ന്ധ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​നും ത​ന്ത്ര​പ​ര​മാ​യ പ​ങ്കാ​ളി​ത്തം വി​ക​സി​പ്പി​ക്കു​ന്ന​തി​നു​മു​ള്ള കൂ​ട്ടാ​യ്​​മ​യു​ടെ പ്ര​തി​ബ​ദ്ധ​ത​യാ​ണ് ഈ ​ഉ​ച്ച​കോ​ടി പ്ര​തി​ഫ​ലി​പ്പി​ക്കു​ന്ന​തെ​ന്നും കി​രീ​ടാ​വ​കാ​ശി പ​റ​ഞ്ഞു.

2017ൽ ​പ്ര​സി​ഡ​ന്റ്​ ട്രം​പി​നൊ​പ്പം പ​​ങ്കെ​ടു​ത്ത ഗ​ൾ​ഫ്-​യു.​എ​സ് ഉ​ച്ച​കോ​ടി​യെ​ക്കു​റി​ച്ച് കി​രീ​ടാ​വ​കാ​ശി അ​നു​സ്​​മ​രി​ച്ചു. ഭീ​ക​ര​വാ​ദ സം​ഘ​ട​ന​ക​ളെ ഇ​ല്ലാ​യ്​​മ ചെ​യ്യ​ലി​നും ഭീ​ക​ര​ത​യെ ചെ​റു​ക്ക​ലി​നും ഗ​ൾ​ഫ്​ രാ​ജ്യ​ങ്ങ​ളു​ടെ സൈ​നി​ക, സു​ര​ക്ഷ, പ്ര​തി​രോ​ധ ശേ​ഷി​ക​ൾ ശ​ക്തി​പ്പെ​ടു​ത്ത​ലി​നും വ​ലി​യ പ്രാ​ധാ​ന്യ​മു​ണ്ട്. ജി.​സി.​സി രാ​ജ്യ​ങ്ങ​ളും അ​മേ​രി​ക്ക​യും സാ​മ്പ​ത്തി​ക പ​ങ്കാ​ളി​ത്ത​ത്തി​െ​ന്റ​യും വ്യാ​പാ​ര സ​ഹ​ക​ര​ണ​ത്തി​െ​ന്റ​യും പ്രാ​ധാ​ന്യ​ത്തി​ൽ വി​ശ്വ​സി​ക്കു​ന്നു. ജി.​സി.​സി രാ​ജ്യ​ങ്ങ​ളു​ടെ പ്ര​ധാ​ന വ്യാ​പാ​ര, നി​ക്ഷേ​പ പ​ങ്കാ​ളി​യാ​ണ് അ​മേ​രി​ക്ക. 2024ൽ ​സൗ​ദി​യും യു.​എ​സും ത​മ്മി​ലു​ള്ള വ്യാ​പാ​ര വി​നി​മ​യ​ത്തി​െ​ന്റ തോ​ത്​ ഏ​ക​ദേ​ശം 120 ശ​ത​കോ​ടി ഡോ​ള​റാ​യി ഉ​യ​ർ​ന്നു.

വി​ക​സ​ന ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് സു​സ്ഥി​ര​വും സു​ര​ക്ഷി​ത​വു​മാ​യ അ​ന്ത​രീ​ക്ഷം ആ​വ​ശ്യ​മാ​ണ്.​ പ​ശ്ചി​മേ​ഷ്യ നേ​രി​ടു​ന്ന വെ​ല്ലു​വി​ളി​ക​ളു​ടെ വ്യാ​പ്തി​യെ​ക്കു​റി​ച്ച്​ സൗ​ദി അ​റേ​ബ്യ​ക്ക്​ ന​ല്ല ബോ​ധ്യ​മു​ണ്ട്. മേ​ഖ​ല​യി​ലെ സ്ഥി​തി​ഗ​തി​ക​ൾ ല​ഘൂ​ക​രി​ക്കാ​നും ഗ​സ്സ​യി​ലെ യു​ദ്ധം അ​വ​സാ​നി​പ്പി​ക്കാ​നും അ​റ​ബ് സ​മാ​ധാ​ന സം​രം​ഭ​ത്തി​നും പ്ര​സ​ക്ത​മാ​യ അ​ന്താ​രാ​ഷ്​​ട്ര പ്ര​മേ​യ​ങ്ങ​ൾ​ക്കും അ​നു​സൃ​ത​മാ​യി ഫ​ല​സ്തീ​ൻ പ്ര​ശ്ന​ത്തി​ന് ശാ​ശ്വ​ത​വും സ​മ​ഗ്ര​വു​മാ​യ ഒ​രു പ​രി​ഹാ​രം ക​ണ്ടെ​ത്താ​നും അ​ങ്ങ​നെ മേ​ഖ​ല​യി​ലെ ജ​ന​ങ്ങ​ൾ​ക്ക് സു​ര​ക്ഷ​യും സ​മാ​ധാ​ന​വും കൈ​വ​രി​ക്കാ​നും ഞ​ങ്ങ​ൾ ശ്ര​മി​ക്കു​ന്നു.

പ്ര​തി​സ​ന്ധി​ക​ൾ അ​വ​സാ​നി​പ്പി​ക്കു​ന്ന​തി​നും സ​മാ​ധാ​ന​പ​ര​മാ​യ മാ​ർ​ഗ​ങ്ങ​ളി​ലൂ​ടെ സം​ഘ​ർ​ഷ​ങ്ങ​ൾ അ​വ​സാ​നി​പ്പി​ക്കു​ന്ന​തി​നും സൗ​ദി​യു​ടെ പി​ന്തു​ണ കി​രീ​ടാ​വ​കാ​ശി ആ​വ​ർ​ത്തി​ച്ചു. സി​റി​യ​ക്കു​മേ​ലു​ള്ള ഉ​പ​രോ​ധ​ങ്ങ​ൾ നീ​ക്കാ​നു​ള്ള അ​മേ​രി​ക്ക​ൻ പ്ര​സി​ഡ​ന്റി​െ​ന്റ തീ​രു​മാ​ന​ത്തെ ഞ​ങ്ങ​ൾ അ​ഭി​ന​ന്ദി​ക്കു​ന്നു. സി​റി​യ​യു​ടെ പ​ര​മാ​ധി​കാ​ര​ത്തെ​യും പ്രാ​ദേ​ശി​ക സ​മ​ഗ്ര​ത​യെ​യും ബ​ഹു​മാ​നി​ക്കേ​ണ്ട​തി​ന്​ വ​ലി​യ പ്രാ​ധാ​ന്യം ക​ൽ​പി​ക്കു​ന്നു. സു​ര​ക്ഷ​യും സ്ഥി​ര​ത​യും കൈ​വ​രി​ക്കു​ന്ന​തി​നാ​യി സി​റി​യ​ൻ സ​ർ​ക്കാ​ർ ന​ട​ത്തു​ന്ന ശ്ര​മ​ങ്ങ​ളെ പി​ന്തു​ണ​ക്കേ​ണ്ട​ത്​ ഏ​റ്റ​വും ആ​വ​ശ്യ​മാ​യ ഘ​ട​ക​മാ​ണ്.

രാ​ജ്യ​ത്തി​െ​ന്റ പ​ര​മാ​ധി​കാ​ര​വും അ​ഖ​ണ്ഡ​ത​യും സം​ര​ക്ഷി​ക്കു​ന്ന​തി​നു​ള്ള ല​ബ​നാ​ൻ പ്ര​സി​ഡ​ന്റി​െ​ന്റ ശ്ര​മ​ങ്ങ​ൾ​ക്ക് കി​രീ​ടാ​വ​കാ​ശി പി​ന്തു​ണ ആ​വ​ർ​ത്തി​ച്ചു. ഇ​ന്ത്യ​യും പാ​കി​സ്​​താ​നും ത​മ്മി​ലു​ള്ള വെ​ടി​നി​ർ​ത്ത​ൽ ക​രാ​റി​നെ സ്വാ​ഗ​തം ചെ​യ്യു​ന്നു. സം​ഘ​ർ​ഷം നി​യ​ന്ത്രി​ക്കു​ന്ന​തി​നും ശാ​ന്ത​ത പു​നഃ​സ്ഥാ​പി​ക്കു​ന്ന​തി​നും ഇ​ത് സ​ഹാ​യി​ക്കു​മെ​ന്ന് കി​രീ​ടാ​വ​കാ​ശി പ്ര​ത്യാ​ശ പ്ര​ക​ടി​പ്പി​ച്ചു.