തായ്ലൻഡ് പ്രധാനമന്ത്രി റിയാദിലെത്തി
text_fieldsറിയാദിലെത്തിയ തായ്ലൻഡ് പ്രധാനമന്ത്രി ജനറൽ പ്രയുത് ചാൻ ഓച്ചയെ റിയാദ് ഡെപ്യൂട്ടി ഗവർണർ അമീർ മുഹമ്മദ് ബിൻ അബ്ദുറഹ്മാൻ സ്വീകരിച്ച ശേഷം
ജിദ്ദ: ഔദ്യോഗിക സന്ദർശനത്തിനായി തായ്ലൻഡ് പ്രധാനമന്ത്രിയും പ്രതിരോധ മന്ത്രിയുമായ ജനറൽ പ്രയുത് ചാൻ ഓച്ച റിയാദിലെത്തി. കിരീടാവകാശി അമീർ മുഹമ്മദ് ബിൻ സൽമാന്റെ ക്ഷണപ്രകാരമാണ് തായ്ലൻഡ് പ്രധാനമന്ത്രി എത്തിയത്. കിങ് ഖാലിദ് അന്താരാഷ്ട്ര വിമാനത്താവളത്തിലെത്തിയ അദ്ദേഹത്തെ റിയാദ് ഡെപ്യൂട്ടി ഗവർണർ അമീർ മുഹമ്മദ് ബിൻ അബ്ദുറഹ്മാൻ ബിൻ അബ്ദുൽ അസീസ്, വാണിജ്യമന്ത്രി ഡോ. മാജിദ് ബിൻ അബ്ദുല്ല അൽഖസബി, റിയാദ് മേയർ അമീർ ഫൈസൽ ബിൻ അബ്ദുൽ അസീസ് ബിൻ അയ്യാഫ്, തായ്ലൻഡിലെ സൗദി എംബസി ചാർജ് ഡി അഫയേഴ്സ് ഇസ്സാം ബിൻ സാലിഹ് അൽജുതൈലി, റിയാദ് മേഖല പൊലീസ് ഡയറക്ടർ മേജർ ജനറൽ ഫഹദ് ബിൻ സെയ്ദ് അൽ മുതൈരി, സൗദിയിലെ തായ് എംബസിയുടെ ചാർജ് ഡി അഫയേഴ്സ് സാറ്റാന കാസിം സാന്ത എന്നിവർ ചേർന്ന് സ്വീകരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

