കുരങ്ങുശല്യം: ദേശീയ വന്യജീവി സംരക്ഷണ കേന്ദ്രം നടപടിക്കൊരുങ്ങുന്നു

യാം​ബു: സൗ​ദി​യി​ലെ വി​വി​ധ മേ​ഖ​ല​ക​ളി​ൽ കു​ര​ങ്ങു​ശ​ല്യം രൂ​ക്ഷ​മാ​യ​താ​യി റി​പ്പോ​ർ​ട്ട്. മ​ല​മു​ക​ളി​ൽ​നി​ന്ന് റോ​ഡു​ക​ളി​ലേ​ക്കും ജ​ന​വാ​സ കേ​ന്ദ്ര​ങ്ങ​ളി​ലേ​ക്കും കൃ​ഷി​യി​ട​ങ്ങ​ളി​ലേ​ക്കു​മെ​ല്ലാം കൂ​ട്ട​മാ​യി എ​ത്തു​ന്ന വാ​ന​ര​സം​ഘ​ങ്ങ​ൾ വ​ലി​യ നാ​ശ​വും ഭീ​തി​യും ഉ​ണ്ടാ​ക്കു​ന്ന​താ​യി പ​രാ​തി ല​ഭി​ച്ച​തി​ന്റെ അ​ടി​സ്ഥാ​ന​ത്തി​ൽ ദേ​ശീ​യ വ​ന്യ​ജീ​വി സം​ര​ക്ഷ​ണ കേ​ന്ദ്രം (എ​ൻ.​സി.​ഡ​ബ്ല്യു) പ​രി​ഹാ​ര ന​ട​പ​ടി​ക​ൾ ആ​സൂ​ത്ര​ണം ചെ​യ്യാ​നൊ​രു​ങ്ങു​ന്നു.

വി​നോ​ദ​സ​ഞ്ചാ​ര മേ​ഖ​ല​ക​ളി​ലും ജ​ന​വാ​സ കേ​ന്ദ്ര​ങ്ങ​ളി​ലും ഹൈ​വേ റോ​ഡു​ക​ളി​ലെ ചി​ല ഭാ​ഗ​ങ്ങ​ളി​ലു​മാ​ണ്​ കു​ര​ങ്ങു​ശ​ല്യം രൂ​ക്ഷ​മാ​യ​ത്. സൗ​ദി​യി​ൽ പൊ​തു​വേ കാ​ണ​പ്പെ​ടു​ന്ന 'ബാ​ബൂ​ൺ' എ​ന്ന​റി​യ​പ്പെ​ടു​ന്ന ആ​ഫ്രി​ക്ക​ൻ വാ​ന​ര വി​ഭാ​ഗ​ത്തി​ൽ​പെ​ടു​ന്ന കു​ര​ങ്ങു​ക​ളു​ടെ വ​ർ​ധ​ന​മൂ​ലം ഹൈ​വേ യാ​ത്ര​ക്കാ​ർ​ക്കും ടൂ​റി​സ്റ്റ് കേ​ന്ദ്ര​ങ്ങ​ളി​ലും താ​മ​സ സ്ഥ​ല​ങ്ങ​ളി​ലു​മു​ള്ള ആ​ളു​ക​ൾ​ക്കും ഏ​റെ നാ​ശ​ന​ഷ്ട​ങ്ങ​ൾ ഉ​ണ്ടാ​കു​ന്നു​ണ്ട്. ഇ​തി​ന്റെ അ​ടി​സ്ഥാ​ന​ത്തി​ലാ​ണ് ഉ​ചി​ത​മാ​യ പ​രി​ഹാ​ര ന​ട​പ​ടി​ക​ൾ ക​ണ്ടെ​ത്താ​ൻ അ​ധി​കൃ​ത​ർ രം​ഗ​ത്തു വ​ന്ന​ത്.

ബാ​ബൂ​ണു​ക​ളു​ടെ ആ​വാ​സ​വ്യ​വ​സ്ഥ​യെ അ​വ​താ​ള​ത്തി​ലാ​ക്കു​ന്ന തെ​റ്റാ​യ ചി​ല ന​ട​പ​ടി​ക​ളാ​ണ് ഇ​പ്പോ​ൾ രൂ​ക്ഷ​മാ​യ പാ​രി​സ്ഥി​തി​ക പ്ര​ശ്ന​മാ​യി വാ​ന​ര​ശ​ല്യം മാ​റാ​ൻ കാ​ര​ണ​മെ​ന്ന് എ​ൻ.​സി.​ഡ​ബ്ല്യു വി​ല​യി​രു​ത്തു​ന്നു. കു​ര​ങ്ങു​ക​ളു​ടെ ആ​വാ​സ​വ്യ​വ​സ്ഥ​ക്ക് പ്ര​കൃ​തി​ദ​ത്ത​മാ​യ സ​ന്തു​ലി​താ​വ​സ്ഥ സൃ​ഷ്​​ടി​ക്കു​ക എ​ന്ന​താ​ണ് അ​ധി​കൃ​ത​ർ ഇ​പ്പോ​ൾ ല​ക്ഷ്യം​വെ​ക്കു​ന്ന​ത്. വ​ഴി​യാ​ത്ര​ക്കാ​ർ കു​ര​ങ്ങു​ക​ൾ​ക്ക് ഭ​ക്ഷ​ണം ന​ൽ​കു​ന്ന​തും കു​മി​ഞ്ഞു​കൂ​ടു​ന്ന ഭ​ക്ഷ​ണ അ​വ​ശി​ഷ്ട​ങ്ങ​ൾ മാ​ലി​ന്യ​ക്കൊ​ട്ട​യി​ൽ​നി​ന്നും മ​റ്റും അ​വ​ക്ക് ല​ഭി​ക്കു​ന്ന​തു​മാ​ണ് ഇ​വ​യു​ടെ എ​ണ്ണം മ​നു​ഷ്യ​വാ​സ കേ​ന്ദ്ര​ങ്ങ​ളി​ൽ ക്ര​മാ​തീ​ത​മാ​യി കൂ​ടാ​ൻ കാ​ര​ണ​മാ​യ​തെ​ന്ന് ചി​ല പ​ഠ​ന​ങ്ങ​ൾ വ്യ​ക്ത​മാ​ക്കു​ന്നു.

അ​തി​നാ​ൽ കു​ര​ങ്ങു​ക​ൾ​ക്ക് തെ​രു​വി​ൽ​നി​ന്ന് ഭ​ക്ഷ​ണം ന​ൽ​കു​ന്ന​ത് പൂ​ർ​ണ​മാ​യും ഒ​ഴി​വാ​ക്കേ​ണ്ട​താ​ണ്. വ​നാ​ന്ത​ര​ങ്ങ​ളി​ൽ അ​വ​രു​ടെ ആ​വാ​സ​വ്യ​വ​സ്ഥ​യും ഭ​ക്ഷ​ണ ല​ഭ്യ​ത​യും പ്ര​കൃ​തി​യൊ​രു​ക്കി​യി​ട്ടു​ണ്ട്. അ​വ​യെ കാ​ടു​ക​ളി​ലേ​ക്കു​ത​ന്നെ തി​രി​ച്ചെ​ത്തി​ക്കേ​ണ്ട​ത് അ​നി​വാ​ര്യ​മാ​ണ്. എ​ൻ.​സി.​ഡ​ബ്ല്യു ഈ ​പ്ര​ശ്ന​ത്തി​ൽ ന​ട​ത്തു​ന്ന ബോ​ധ​വ​ത്‌​ക​ര​ണ കാ​മ്പ​യി​നു​മാ​യി പൊ​തു​ജ​ന​ങ്ങ​ൾ സ​ഹ​ക​രി​ക്ക​ണ​മെ​ന്നും ബ​ന്ധ​പ്പെ​ട്ട​വ​ർ അ​റി​യി​ച്ചു. ജ​ന​വാ​സ കേ​ന്ദ്ര​ങ്ങ​ളി​ലേ​ക്ക് വ​രെ ക​ട​ന്നെ​ത്തു​ന്ന ബാ​ബൂ​ണു​ക​ൾ കൃ​ഷി​ക്കും വി​ള​ക​ൾ​ക്കും വ​മ്പി​ച്ച നാ​ശ​മു​ണ്ടാ​ക്കു​ന്ന​ത് ഗൗ​ര​വ​മാ​യ പ്ര​തി​സ​ന്ധി​യാ​ണ്. രാ​ജ്യ​ത്ത് നാ​ലു ല​ക്ഷ​ത്തി​ല​ധി​കം ബാ​ബൂ​ണു​ക​ൾ ഉ​ണ്ടെ​ന്നാ​ണ് ക​ണ​ക്കാ​ക്ക​പ്പെ​ടു​ന്ന​ത്. ഇ​വ​യി​ൽ 35 ശ​ത​മാ​നം മാ​ത്ര​മാ​ണ് മ​നു​ഷ്യ​ർ ന​ൽ​കു​ന്ന ഭ​ക്ഷ​ണ​ത്തെ ആ​ശ്ര​യി​ച്ച് ജീ​വി​ക്കു​ന്ന​ത്. മ​നു​ഷ്യ​രു​ടെ ഇ​ട​പെ​ട​ൽ മൂ​ല​മാ​ണ് ജ​ന​വാ​സ കേ​ന്ദ്ര​ങ്ങ​ളി​ലെ കൃ​ഷി​യി​ട​ങ്ങ​ളി​ലേ​ക്കും ഫാ​മു​ക​ളി​ലേ​ക്കും കു​ര​ങ്ങു​ക​ൾ എ​ത്തു​ന്ന​ത്. കു​ര​ങ്ങു​ക​ൾ​ക്ക് ഭ​ക്ഷ​ണം ന​ൽ​കു​ന്ന​വ​രി​ൽ​നി​ന്ന് പി​ഴ ഈ​ടാ​ക്കേ​ണ്ടി വ​രു​ന്ന സാ​ഹ​ച​ര്യ​മാ​ണ് നി​ല​വി​ലു​ള്ള​തെ​ന്നും അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.