ലൈംഗിക കുറ്റവാളികളുടെ പേര്​ പരസ്യപ്പെടുത്തും

റി​യാ​ദ്​: സൗ​ദി​യി​ൽ ലൈം​ഗി​ക കു​റ്റ​കൃ​ത്യ​ങ്ങ​ളി​ല്‍ ഏ​ര്‍പ്പെ​ടു​ന്ന കു​റ്റ​വാ​ളി​ക​ളു​ടെ പേ​ര് പ​ര​സ്യ​പ്പെ​ടു​ത്താ​നും പൊ​തു​സ്ഥ​ല​ത്ത് നാ​ണം കെ​ടു​ത്താ​നും തീ​രു​മാ​നം. ഇ​തി​നാ​യി ലൈം​ഗി​ക പീ​ഡ​ന​വി​രു​ദ്ധ നി​യ​മം പ്രാ​ബ​ല്യ​ത്തി​ലാ​യേ​ക്കും. കു​റ്റ​വാ​ളി​ക​ളു​ടെ വി​ശ​ദാം​ശ​ങ്ങ​ൾ മാ​ധ്യ​മ​ങ്ങ​ളി​ൽ പ്ര​സി​ദ്ധീ​ക​രി​ക്കാ​നും നി​യ​മം അ​നു​വ​ദി​ക്കു​ന്നു. സാ​ധാ​ര​ണ സൗ​ദി​യി​ലെ കു​റ്റ​കൃ​ത്യ​ങ്ങ​ളി​ൽ പി​ടി​യി​ലാ​കു​ന്ന​വ​രു​ടെ പേ​രു​വി​വ​ര​മോ ചി​ത്ര​ങ്ങ​ളോ പു​റ​ത്തു വി​ടാ​റി​ല്ല. ലൈം​ഗി​ക കു​റ്റ​കൃ​ത്യ​ങ്ങ​ളി​ല്‍ ശി​ക്ഷി​ക്ക​പ്പെ​ട്ട​വ​ര്‍ക്കെ​തി​രെ ജ​യി​ല്‍ ശി​ക്ഷ​യും ക​ന​ത്ത പി​ഴ​യു​മാ​ണ് ശി​ക്ഷ.

ഇ​തു​ള്‍പ്പെ​ടെ​യു​ള്ള പീ​ഡ​ന​വി​രു​ദ്ധ സം​വി​ധാ​നം 2018 മു​ത​ലാ​ണ് സൗ​ദി അ​റേ​ബ്യ ന​ട​പ്പാ​ക്കാ​ന്‍ തു​ട​ങ്ങി​യ​ത്. ക​ഴി​ഞ്ഞ ഒ​ക്ടോ​ബ​റി​ല്‍ സൗ​ദി ശൂ​റ കൗ​ണ്‍സി​ലും ലൈം​ഗി​ക പീ​ഡ​ക​രു​ടെ പേ​ര് പ​ര​സ്യ​മാ​ക്ക​ണ​മെ​ന്ന നി​ര്‍ദേ​ശ​ത്തെ പി​ന്തു​ണ​ച്ചി​രു​ന്നു.

ഭേ​ദ​ഗ​തി​ക്ക് സൗ​ദി സ​ര്‍ക്കാ​ര്‍ അം​ഗീ​കാ​രം ന​ല്‍കി​യ​താ​യി പ്രാ​ദേ​ശി​ക മാ​ധ്യ​മ​ങ്ങ​ള്‍ റി​പ്പോ​ര്‍ട്ട് ചെ​യ്തു. കു​റ്റ​വാ​ളി​ക​ള്‍ക്കെ​തി​രെ​യു​ള്ള അ​ന്തി​മ വി​ധി​ന്യാ​യ​ത്തി​െൻറ വി​ശ​ദാം​ശ​ങ്ങ​ള്‍ മാ​ധ്യ​മ​ങ്ങ​ളി​ല്‍ പ്ര​സി​ദ്ധീ​ക​രി​ക്കാ​നും ഭേ​ദ​ഗ​തി വി​ഭാ​വ​നം ചെ​യ്യു​ന്നു. കു​റ്റ​വാ​ളി​യു​ടെ ചെ​ല​വി​ല്‍ ഒ​ന്നോ അ​തി​ല​ധി​ക​മോ പ്രാ​ദേ​ശി​ക പ​ത്ര​ങ്ങ​ളി​ലോ മ​റ്റേ​തെ​ങ്കി​ലും മാ​ധ്യ​മ​ത്തി​ലോ പ്ര​സി​ദ്ധീ​ക​രി​ക്കാ​ന്‍ ഭേ​ദ​ഗ​തി അ​നു​വ​ദി​ക്കു​ന്നു. സൗ​ദി കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ന്‍ സ​ല്‍മാ​െൻറ ശ്ര​മ​ഫ​ല​മാ​യാ​ണ് സൗ​ദി​യി​ൽ ലൈം​ഗി​ക കു​റ്റ​കൃ​ത്യ​ങ്ങ​ള്‍ക്കെ​തി​രാ​യ നി​യ​മം ശ​ക്ത​മാ​ക്കി​യ​ത്. സാ​ധാ​ര​ണ സൗ​ദി​യി​ൽ പ്ര​തി​ക​ളു​ടെ മു​ഖ​മോ പേ​രു​വി​വ​ര​മോ പു​റ​ത്തു വി​ടാ​റി​ല്ല.

പ്ര​തി​ക​ളു​ടെ​യും അ​വ​രു​ടെ കു​ടും​ബ​ത്തി​െൻറ​യും അ​ന്ത​സ്സി​ന് കോ​ട്ടം ത​ട്ടാ​തി​രി​ക്കാ​നാ​ണ് രാ​ജ്യം ഈ ​രീ​തി തു​ട​രു​ന്ന​ത്. എ​ന്നാ​ൽ, ലൈം​ഗി​കാ​തി​ക്ര​മ കേ​സു​ക​ളി​ൽ പ്ര​തി​ക​ൾ​ക്കെ​തി​രെ വി​ട്ടു​വീ​ഴ്ച വേ​ണ്ടെ​ന്നാ​ണ് തീ​രു​മാ​നം.