കെട്ടിട വാടകകരാറിന്‍റെ കുറഞ്ഞ കാലപരിധി മൂന്നു മാസമാക്കി

ജി​ദ്ദ: രാ​ജ്യ​ത്ത് കെ​ട്ടി​ട വാ​ട​ക​ക​രാ​റി​ന്‍റെ കു​റ​ഞ്ഞ സ​മ​യ​പ​രി​ധി മൂ​ന്നു മാ​സ​മാ​യി നി​ജ​പ്പെ​ടു​ത്തി. കെ​ട്ടി​ട ഉ​ട​മ​യും വാ​ട​ക​ക്കാ​ര​നും ത​മ്മി​ലു​ണ്ടാ​ക്കു​ന്ന ക​രാ​ര്‍ ഈ​ജാ​ര്‍ സം​വി​ധാ​ന​ത്തി​ല്‍ ര​ജി​സ്റ്റ​ര്‍ ചെ​യ്യു​ന്ന​തി​നു​ള്ള കു​റ​ഞ്ഞ കാ​ല​പ​രി​ധി​യാ​ണി​ത്.

സൗ​ദി മു​നി​സി​പ്പ​ല്‍ ഗ്രാ​മ പാ​ര്‍പ്പി​ട​കാ​ര്യ മ​ന്ത്രാ​ല​യ​മാ​ണ് ക​രാ​ര്‍ കാ​ലാ​വ​ധി സം​ബ​ന്ധി​ച്ച വ്യ​ക്ത​ത വ​രു​ത്തി​യ​ത്. കെ​ട്ടി​ട ഉ​ട​മ​യും വാ​ട​ക​ക്കാ​ര​നും ത​മ്മി​ലു​ണ്ടാ​ക്കു​ന്ന വാ​ട​ക ക​രാ​ര്‍ ര​ജി​സ്റ്റ​ര്‍ ചെ​യ്യു​ന്ന​തി​ന് ഏ​റ്റ​വും കു​റ​ഞ്ഞ​ത് മൂ​ന്നു മാ​സം കാ​ലാ​വ​ധി ഉ​ണ്ടാ​യി​രി​ക്ക​ണ​മെ​ന്ന് ഈ​ജാ​ര്‍ അ​തോ​റി​റ്റി വ്യ​ക്ത​മാ​ക്കി. കെ​ട്ടി​ട​ത്തി​ന്‍റെ വാ​ട​ക​യും അ​ത് അ​ട​ക്കു​ന്ന​തി​നു​ള്ള ഗ​ഡു​ക്ക​ളും സം​ബ​ന്ധി​ച്ച് ഉ​ട​മ​യും വാ​ട​ക​ക്കാ​ര​നും ത​മ്മി​ല്‍ ആ​ദ്യം ധാ​ര​ണ​യി​ലെ​ത്ത​ണം. ശേ​ഷം ഇ​രു​വ​രു​ടെ​യും പ​ര​സ്പ​ര സ​മ്മ​ത​ത്തോ​ടെ​യാ​ണ് ക​രാ​റി​ലേ​ര്‍പ്പെ​ടേ​ണ്ട​ത്. ഇ​തി​നാ​യി ഇ​രു​വ​രും അ​ബ്ഷി​ര്‍ വ​ഴി​യാ​ണ് അ​നു​മ​തി ന​ല്‍കേ​ണ്ട​ത്.

ക​രാ​ര്‍ അ​വ​സാ​നി​പ്പി​ക്കു​ന്ന​തി​നും ഇ​തേ സം​വി​ധാ​നം പ്ര​യോ​ജ​ന​പ്പെ​ടു​ത്ത​ണം. പാ​ര്‍പ്പി​ട ആ​വ​ശ്യ​ങ്ങ​ള്‍ക്കു​ള്ള ഈ​ജാ​ര്‍ ക​രാ​റു​ക​ള്‍ക്ക് നി​കു​തി ബാ​ധ​ക​മ​ല്ലെ​ന്നും മ​ന്ത്രാ​ല​യം വ്യ​ക്ത​മാ​ക്കി. രാ​ജ്യ​ത്ത് ക​ഴി​യു​ന്ന വി​ദേ​ശി​ക​ള്‍ക്ക് ഇ​ഖാ​മ പു​തു​ക്കു​ന്ന​തി​ന് ഈ​ജാ​ര്‍ ക​രാ​ര്‍ നി​ര്‍ബ​ന്ധ​മാ​ണ്.