സൗ​ദി ദേ​ശീ​യ​ദി​ന​ത്തി​ന് നി​റം പ​ക​രാ​ൻ വി​പ​ണി സ​ജ്ജം

റി​യാ​ദ്​: സൗ​ദി അ​റേ​ബ്യ​യു​ടെ 91ാമ​ത് സൗ​ദി ദേ​ശീ​യ​ദി​നം നി​റ​പ്പ​കി​ട്ടോ​ടെ ആ​ഘോ​ഷി​ക്കാ​ൻ രാ​ജ്യം ഒ​രു​ങ്ങി​യ​തോ​ടെ വി​പ​ണി​യും സ​ജീ​വ​മാ​യി. കോ​വി​ഡ് കേ​സു​ക​ൾ നൂ​റി​ൽ താ​ഴെ എ​ത്തി​നി​ൽ​ക്കു​ന്ന​തി​നാ​ൽ ഭ​യം നീ​ങ്ങി ഒ​രി​ട​വേ​ള​ക്കു​ശേ​ഷ​മു​ള്ള ദേ​ശീ​യ​ദി​നം​കൂ​ടി​യാ​ണി​ത്. ക​ഴി​ഞ്ഞ ര​ണ്ടു ദേ​ശീ​യ​ദി​നം ആ​വേ​ശ​പൂ​ർ​വം ആ​ഘോ​ഷി​ക്കാ​ൻ ക​ഴി​യാ​ത്ത​തി​െൻറ കു​റ​വ് നി​ക​ത്താ​ൻ ഒ​രു​ങ്ങി​യി​രി​ക്കു​ക​യാ​ണ് വി​ദേ​ശി​ക​ളും സ്വ​ദേ​ശി​ക​ളും.

തെ​രു​വും കെ​ട്ടി​ട​ങ്ങ​ളും വീ​ടും ഓ​ഫി​സു​ക​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും അ​ല​ങ്ക​രി​ക്കാ​ൻ ആ​വ​ശ്യ​മാ​യ വ​സ്തു​ക്ക​ൾ വി​ൽ​ക്കു​ന്ന ക​ട​ക​ളി​ലാ​ണ് ഒ​രാ​ഴ്ച​യാ​യി ന​ല്ല തി​ര​ക്ക് അ​നു​ഭ​വ​പ്പെ​ടു​ന്ന​ത്. രാ​ജ്യ​ത്തെ ഏ​റ്റ​വും വ​ലി​യ അ​ല​ങ്കാ​ര​വ​സ്തു​ക്ക​ളു​ടെ​യും ക​ളി​പ്പാ​ട്ട​ങ്ങ​ളു​ടെ​യും മൊ​ത്ത വ്യാ​പാ​ര​കേ​ന്ദ്ര​മാ​യ റി​യാ​ദി​ലെ ദീ​റ മാ​ർ​ക്ക​റ്റ് ഉ​ത്സ​വ പ്ര​തീ​തി​യി​ലാ​ണ്. രാ​ജ്യ​ത്തി​െൻറ വി​വി​ധ പ്ര​വി​ശ്യ​ക​ളി​ലെ ക​ച്ച​വ​ട​ക്കാ​രും ന​ഗ​ര​ത്തി​ന​ക​ത്തെ ചെ​റു​കി​ട വ്യാ​പാ​രി​ക​ളും സാ​ധാ​ര​ണ ജ​ന​ങ്ങ​ളും ദേ​ശീ​യ​ദി​ന ആ​ഘോ​ഷ​ത്തി​നാ​യു​ള്ള അ​ല​ങ്കാ​ര​വ​സ്തു​ക്ക​ൾ വാ​ങ്ങാ​ൻ അ​തി​രാ​വി​ലെ മു​ത​ൽ ദീ​റ തെ​രു​വി​ലെ​ത്തു​ന്നു​ണ്ട്.

രാ​ത്രി ഏ​റെ വൈ​കി​യാ​ണ് ദീ​റ തി​ര​ക്കൊ​ഴി​യു​ന്ന​ത്. കൊ​ടി​ക​ൾ, തൊ​പ്പി​ക​ൾ, കു​ട​ക​ൾ, തോ​ര​ണ​ങ്ങ​ൾ, ഷാ​ളു​ക​ൾ, ബ​ലൂ​ണു​ക​ൾ, വി​വി​ധ​യി​നം പോ​സ്​​റ്റ​റു​ക​ൾ, ഭ​ര​ണാ​ധി​കാ​രി​ക​ളു​ടെ ചി​ത്രം പ​തി​പ്പി​ച്ച ബാ​ന​റു​ക​ൾ, രാ​ജ്യ​ത്തി​നാ​യി ഭ​ര​ണാ​ധി​കാ​രി​ക​ൾ ചെ​യ്യു​ന്ന ന​ന്മ​ക്കും ക​രു​ത​ലി​നും ന​ന്ദി​യും അ​ഭി​ന​ന്ദ​ന​ങ്ങ​ളും അ​റി​യി​ച്ചു​കൊ​ണ്ടു​ള്ള വാ​ക്കു​ക​ളും ക​വി​ത​ക​ളും എ​ഴു​തി​യ കൂ​റ്റ​ൻ ഫ്ല​ക്സു​ക​ൾ തു​ട​ങ്ങി​യ​വ​യാ​ണ് ഏ​റെ വി​റ്റു​പോ​കു​ന്ന​ത്.

ന​ഗ​ര​ത്തി​ലെ പ്ര​ധാ​ന സു​ഗ​ന്ധ​ദ്ര​വ്യ മാ​ർ​ക്ക​റ്റും ദീ​റ​യാ​ണ്. ആ​ഘോ​ഷ​ദി​ന​ങ്ങ​ളി​ൽ പ്രി​യ​പ്പെ​ട്ട​വ​ർ​ക്കും കു​ടും​ബാം​ഗ​ങ്ങ​ൾ​ക്കും സ​മ്മാ​ന​ങ്ങ​ൾ കൈ​മാ​റു​ന്ന പ​തി​വു​ള്ള​വ​രാ​ണ് സൗ​ദി​ക​ൾ. ഈ ​രാ​ജ്യ​ത്തി​െൻറ ഒ​രു സം​സ്‍കാ​രം എ​ന്ന നി​ല​യി​ൽ വി​ദേ​ശി​ക​ളി​ൽ ന​ല്ലൊ​രു വി​ഭാ​ഗം ഇ​ത് പി​ന്തു​ട​രു​ന്നു​ണ്ട്. ഓ​ഫി​സു​ക​ളി​ലും മേ​ല​ധി​കാ​രി​ക​ൾ​ക്കു​മെ​ല്ലാം സ്നേ​ഹം പ​ങ്കി​ടാ​ൻ മു​ന്തി​യ ഇ​നം അ​റേ​ബ്യ​ൻ ഊ​ദു​ക​ളാ​ണ് ഇ​തി​നാ​യി തി​ര​ഞ്ഞെ​ടു​ക്കു​ന്ന​ത്. അ​ത​ു​കൊ​ണ്ടു​ത​ന്നെ ആ​ക​ർ​ഷ​ണീ​യ​മാ​യ പാ​ക്കി​ങ്ങും വി​ല​ക്കി​ഴി​വും ന​ൽ​കി പ്ര​ധാ​ന പെ​ർ​ഫ്യൂം ക​മ്പ​നി​ക​ളും വി​പ​ണി​യി​ൽ മു​ൻ നി​ര​യി​ൽ​ത​ന്നെ​യു​ണ്ട്.

ബ​ഹു​ഭൂ​രി​പ​ക്ഷം സ്ഥാ​പ​ന​ങ്ങ​ളും കൂ​ട്ടാ​യ്മ​ക​ളും സ​ഹ​പ്ര​വ​ർ​ത്ത​ക​രെ ഒ​രു​മി​ച്ചു​കൂ​ട്ടി കേ​ക്ക് മു​റി​ക്കു​ക​യും ചോ​ക്ല​റ്റ്, ഈ​ത്ത​പ്പ​ഴം തു​ട​ങ്ങി മ​ധു​ര​ങ്ങ​ൾ കൈ​മാ​റു​ക​യും ചെ​യ്യു​ന്ന​ത് പ​തി​വാ​ണ്. അ​തു​കൊ​ണ്ടു​ത​ന്നെ മ​ധു​ര​പ​ല​ഹാ​ര വി​പ​ണി​യി​ലും തി​ര​ക്ക​നു​ഭ​വ​പ്പെ​ടു​ന്നു​ണ്ട്. ഇ​തി​നു പു​റ​മെ ഹൈ​പ​ർ മാ​ർ​ക്ക​റ്റു​ക​ൾ, കോ​ഫി ഷോ​പ്പു​ക​ൾ, റ​സ്​​റ്റാ​റ​ൻ​റു​ക​ൾ, ആ​ശു​പ​ത്രി​ക​ളി​ലെ പ​രി​ശോ​ധ​ന​ക​ൾ തു​ട​ങ്ങി എ​ല്ലാ മേ​ഖ​ല​യി​ലും മി​ക​ച്ച ഓ​ഫ​റു​ക​ളാ​ണ് ആ​ഘോ​ഷ​ത്തി​െൻറ ഭാ​ഗ​മാ​യി ഉ​പ​ഭോ​ക്താ​ക്ക​ൾ​ക്ക് ന​ൽ​കു​ന്ന​ത്.

പൊ​തു​അ​വ​ധി വാ​രാ​ന്ത്യ അ​വ​ധി​യോ​ടൊ​പ്പം വ​ന്ന​തി​നാ​ൽ മൂ​ന്നു ദി​വ​സം വ​രെ പ​ല​ർ​ക്കും അ​വ​ധി​യു​ണ്ട്. ഇ​ത് ന​ഗ​ര​ത്തി​ലേ​ക്ക് കൂ​ടു​ത​ൽ സ​ന്ദ​ർ​ശ​ക​​ർ എ​ത്താ​നും വി​നോ​ദ വാ​ണി​ജ്യ മേ​ഖ​ല കൂ​ടു​ത​ൽ സ​ജീ​വ​മാ​കാ​നും വ​ഴി​യൊ​രു​ക്കും. കോ​വി​ഡ് പ്ര​തി​സ​ന്ധി​യി​ൽ ച​ക്ര​ശ്വാ​സം വ​ലി​ച്ചി​രു​ന്ന നൂ​റു​ക​ണ​ക്കി​ന് ക​ച്ച​വ​ട​ക്കാ​ർ​ക്കാ​ണ് ദേ​ശീ​യ​ദി​ന വി​പ​ണി ആ​ശ്വാ​സ​മേ​കു​ക.