ലി​ഫ്റ്റി​ൽ നി​ന്നു വീ​ണു ചി​കി​ത്സ​യി​ലി​രു​ന്ന മലയാളി നാ​ട​ണ​ഞ്ഞു

ജു​ബൈ​ൽ: ജോ​ലി​ക്കി​ടെ ലി​ഫ്റ്റി​ൽ നി​ന്നും വീ​ണു സാ​ര​മാ​യ പ​രി​ക്കേ​റ്റ്​ ചി​കി​ത്സ​യി​ലി​രു​ന്ന ഇ​ടു​ക്കി വാ​ഗ​മ​ൺ സ്വ​ദേ​ശി സ്റ്റീ​ഫ​ൻ നാ​ട​ണ​ഞ്ഞു. അ​ൽ-​അ​ഹ്സ​യി​ലെ ജോ​ലി സ്ഥ​ല​ത്ത് അ​പ​ക​ട​ത്തി​ൽ​പെ​ട്ട് കൈ ​ഒ​ടി​യു​ക​യും ന​ടു​വി​നും കാ​ൽ​മു​ട്ടി​നും പ​രി​ക്കേ​ൽ​ക്കു​ക​യും ചെ​യ്ത സ്റ്റീ​ഫ​ന്​ വേ​ണ്ട​ത്ര ചി​കി​ത്സ ല​ഭി​ച്ചി​രു​ന്നി​ല്ല. ഹെ​ൽ​ത്ത്​ ഇ​ൻ​ഷു​റ​ൻ​സോ ജ​ന​റ​ൽ ഇ​ൻ​ഷു​റ​ൻ​സോ (ഗോ​സി) ഇ​ല്ലാ​ത്ത​തി​നാ​ൽ, ഫ്രീ​ലാ​ൻ​ഡ്സ് വി​സ​യി​ൽ ജോ​ലി ചെ​യ്തി​രു​ന്ന അ​ദ്ദേ​ഹ​ത്തെ സ്പോ​ൺ​സ​റും സ​ഹാ​യി​ക്കാ​ൻ ത​യാ​റാ​യി​ല്ല. നാ​ട്ടി​ൽ നി​ന്നും ഡീ​ൻ കു​ര്യാ​ക്കോ​സ്‌ എം.​പി അ​റി​യി​ച്ച​ത​നു​സ​രി​ച്ച് ഒ.​ഐ.​സി.​സി ഗ്ലോ​ബ​ൽ സെ​ക്ര​ട്ട​റി അ​ഷ്‌​റ​ഫ്‌ മു​വാ​റ്റു​പു​ഴ സ്പോ​ൺ​സ​റു​മാ​യി ബ​ന്ധ​പ്പെ​ടു​ക​യും ആ​ശു​പ​ത്രി​യി​ലെ​ത്തി​ക്കു​ക​യു​മാ​യി​രു​ന്നു. അ​ൽ അ​ഹ്സ​യി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച്​ കൈ​യി​ൽ ഓ​പ​റേ​ഷ​നും ന​ടു​വി​ന്​ ബോ​ൾ​ട്ട്​ ഇ​ട്ടു​ള്ള ചി​കി​ത്സ​യും ന​ട​ത്തി.

10 ദി​വ​സ​ത്തി​നു​ശേ​ഷം ഡി​സ്ചാ​ർ​ജ് ആ​യെ​ങ്കി​ലും താ​മ​സ​സ്ഥ​ല​ത്തെ അ​സൗ​ക​ര്യ​ങ്ങ​ൾ ശ്ര​ദ്ധ​യി​ൽ പെ​ടു​ത്തി​യ​തി​നെ തു​ട​ർ​ന്ന് സ്റ്റീ​ഫ​നെ കു​റ​ച്ചു ദി​വ​സം കൂ​ടി ആ​ശു​പ​ത്രി​യി​ൽ തു​ട​രാ​ൻ അ​നു​വ​ദി​ച്ചു. സാ​മൂ​ഹി​ക പ്ര​വ​ർ​ത്ത​ക​ൻ വി​ക്ര​മി​ന്‍റെ നേ​തൃ​ത്വ​ത്തി​ൽ യാ​ത്ര​രേ​ഖ​ക​ൾ ത​യാ​റാ​ക്കി. യാ​ത്ര​ച്ചെ​ല​വും കോ​വി​ഡ്​ പി.​സി.​ആ​ർ ടെ​സ്റ്റി​നു​ള്ള പ​ണ​വും ജു​ബൈ​ൽ ​ക്രൈ​സി​സ്‌ മാ​നേ​ജ്‌​മെ​ന്‍റ്​​ കൈ​മാ​റി. എ​യ​ർ​പോ​ർ​ട്ടി​ൽ നി​ന്നും തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലേ​ക്കു​ള്ള ആം​ബു​ല​ൻ​സ്‌ സൗ​ക​ര്യ​വും അ​വി​ടെ ചി​കി​ത്സ​ക്ക്‌ വേ​ണ്ട കാ​ര്യ​ങ്ങ​ളും നാ​ട്ടി​ൽ ത​യാ​റാ​ക്കി​യി​രു​ന്നു. ക​ഴി​ഞ്ഞ ദി​വ​സം നാ​ട്ടി​ലെ​ത്തി​യ സ്റ്റീ​ഫ​നെ ബ​ന്ധു​ക്ക​ൾ വി​ദ​ഗ്​​ധ ചി​കി​ത്സ​ക്ക്‌ ആ​ശു​പ​ത്രി​യി​ലേ​ക്ക് മാ​റ്റി. ഇ​ർ​ഷാ​ദ്‌, ഫൈ​സ​ൽ, ബൈ​ജു അ​ഞ്ച​ൽ, ഏ​ലി​യാ​മ്മ, ഡോ. ​ഖാ​ലി​ദ് എ​ന്നി​വ​ർ വി​വി​ധ സ​ന്ദ​ർ​ഭ​ങ്ങ​ളി​ൽ സ്റ്റീ​ഫ​ന്‍റെ ചി​കി​ത്സ​ക്കും മ​റ്റു കാ​ര്യ​ങ്ങ​ൾ​ക്കും സ​ഹാ​യി​ച്ചു.