ദയ ചാരിറ്റി സെൻറർ ജിദ്ദ ചാപ്റ്റർ പുനഃസംഘടിപ്പിച്ചു

ജിദ്ദ: തിരൂരങ്ങാടി താലൂക്ക് ആശുപത്രി ആസ്ഥാനമായി പ്രവർത്തിക്കുന്ന ദയ ചാരിറ്റി സെൻററി​െൻറ ജിദ്ദാ ഘടകം പുനഃസംഘടിപ്പിച്ചു.ജീവകാരുണ്യ രംഗത്ത് 18 വർഷങ്ങളായി പ്രവർത്തിക്കുന്ന ദയ ചാരിറ്റി സെൻറർ നിർധനരായ രോഗികൾക്ക് മരുന്നും എക്‌സ്‌റേ, ലാബ് പരിശോധനകൾ ഉൾ​െപ്പടെ ലക്ഷക്കണക്കിന് രൂപയുടെ ചികിത്സ സഹായങ്ങളാണ് നൽകിവരുന്നത്. ജിദ്ദ ഘടകം വാർഷിക സംഗമം കെ.എം.സി.സി സെൻട്രൽ കമ്മിറ്റി വൈസ് പ്രസിഡൻറ്​ വി.പി. മുസ്തഫ ഉദ്ഘാടനം ചെയ്തു. സീതി കൊളക്കാടൻ അധ്യക്ഷത വഹിച്ചു. മുഹമ്മദ് റഫീഖ് കൂളത്ത്, നൂർ മുഹമ്മദ് പാലത്തിങ്ങൽ, ഷംസീർ ചെട്ടിപ്പടി, മുസ്തഫ ചെമ്പൻ, ജലാൽ തേഞ്ഞിപ്പലം, മജീദ് കള്ളിയിൽ, പി.എം. അഷ്‌റഫ് ബാവ, എം.പി.എ. റഊഫ്, കെ.പി. ഹംസ, ഒ. ഇസ്മാഇൗൽ എന്നിവർ സംസാരിച്ചു. മജീദ് പുകയൂർ സ്വാഗതവും സക്കീർ കുന്നുമ്മൽ നന്ദിയും പറഞ്ഞു.

ഭാരവാഹികൾ: സീതി കൊളക്കാടൻ (പ്രസി.), മജീദ് പുകയൂർ (ജന. സെക്ര.), സക്കീർ കുന്നുമ്മൽ (ട്രഷ.), പി.എം.എ. ജലീൽ (കോഒാഡിനേറ്റർ), വി.പി. മുസ്തഫ, താപ്പി അബ്​ദുല്ലക്കുട്ടി ഹാജി, പി.കെ. അലി അക്ബർ (രക്ഷാധികാരികൾ).