ഇന്ത്യൻ അംബാസഡർ മക്കയിലെ കിസ്​വ നിർമാണ കേന്ദ്രം സന്ദർശിച്ചു

ജിദ്ദ: കഅ്​ബയെ പുതപ്പിക്കുന്ന കിസ്​വ നിർമിക്കുന്ന മക്കയിലെ കേന്ദ്രം ഇന്ത്യൻ അംബാഡർ സന്ദർശിച്ചു. കിങ്​ അബ്​ദുൽ അസീസ്​ കിസ്​വ കോംപ്ലക്​സിലാണ്​ അംബാസഡർ ഡോ. ഒൗസാഫ്​ സഇൗദും ഇന്ത്യൻ പ്രതിനിധി സംഘവും സന്ദർശനം നടത്തിയത്​. കോംപ്ലക്​സിലെത്തിയ അംബാസഡറെ അണ്ടർ സെക്രട്ടറി ജനറൽ അബ്​ദുൽ ഹമീദ് ബിൻ സഈദ് അൽ-മാലികി സ്വീകരിച്ചു.

കിസ്​വ നിർമാണത്തി​െൻറ വിവിധ ഘട്ടങ്ങളും അതിനായുള്ള സംവിധാനങ്ങളും അംബാസഡറും സംഘവും കണ്ടു. കിസ്​വ നിർമിക്കുന്നതിലും ആവശ്യമായ അസംസ്​കൃത വസ്​തുക്കൾ ഒരുക്കുന്നതിലും കാണിക്കുന്ന ശ്രദ്ധയും അർപ്പണബോധവും പ്രശംസനീയമാണെന്ന്​ ഇന്ത്യൻ അംബാസഡർ പറഞ്ഞു. ഇരു ഹറമുകളുടെയും മിനിയേച്ചറുകൾ പ്രദർശിപ്പിച്ചിരിക്കുന്ന കേന്ദ്രവും അംബാസഡറും സംഘവും സന്ദർശിച്ചു.