ത​െൻറ സ്ഥാനലബ്​ധി സൗദി സ്ത്രീത്വത്തിന്​ ലഭിച്ച ബഹുമതി –ഡോ. ഹനാൻ

റിയാദ്: സൗദി അറേബ്യയിലെ മുഴുവൻ സ്ത്രീകൾക്കും രാജ്യം നൽകിയ ബഹുമതിയാണ് ത​െൻറ സ്ഥാനലബ്​ധിയെന്ന്​ സൗദി ശൂറാ കൗൺസിൽ ഉപാധ്യക്ഷയായി നിയമിതയായ ഡോ. ഹനാൻ ബിൻത്​ അബ്​ദുൽ റഹീം അൽഅഹ്​മദി. സൗദി പാർലമെൻറായ ശൂറാ കൗൺസിലിൽ നിയമിതയാവുന്ന ആദ്യ വൈസ്​ ചെയർമാനാണ്​ ഡോ. ഹനാൻ. ഇൗ പദവിയിലേക്ക്​ തന്നെ തെരഞ്ഞെടുത്ത സൗദി ഭരണാധികാരി സൽമാൻ രാജാവിനും കിരീടാവകാശി അമീർ മുഹമ്മദ്​ ബിൻ സൽമാനും നന്ദി അറിയിച്ച്​ പുറത്തിറക്കിയ പ്രസ്​താവനയിലാണ്​ സൗദി സ്​ത്രീത്വത്തിന്​ ലഭിച്ച ആദരമാണ്​ ത​​െൻറ പദവിയെന്ന്​ അവർ വ്യക്തമാക്കിയത്​. ഹനാനെ വൈസ്​ ചെയർമാനായി നിയമിച്ചുകൊണ്ട്​ ഞായറാഴ്ചയാണ് സൽമാൻ രാജാവ്​ ഉത്തരവിറക്കിയത്​.

സൗദി ശൂറാ കൗൺസിലിൽ ആദ്യമായി വനിത അംഗങ്ങളെ ഉൾപ്പെടുത്തിയത്​ 2014ലായിരുന്നു. അതൊരു ചരിത്രപരമായ തീരുമാനമായിരുന്നു. 2014 മേയ് മാസത്തിൽ ശൂറ കൗൺസിൽ അംഗങ്ങളായി നിയമിതരായ ആദ്യത്തെ വനിതകളിൽ ഒരാളായാണ്​ ഡോ. ഹനാൻ അവിടെ എത്തിയത്​. കൗൺസിലി​െൻറ സാമ്പത്തിക ഊർജ സമിതി, ആരോഗ്യകാര്യ പരിസ്ഥിതി സമിതി, അഞ്ചാമത്​ പാർലമെൻററി സൗഹൃദ സമിതി എന്നിവകളിൽ അംഗമായിരുന്നു ഡോ. ഹനാൻ. സാമ്പത്തിക ശാസ്ത്രത്തിലും വൈദ്യശാസ്​ത്രത്തിലും ബിരുദം നേടിയ ഡോ. ഹനാൻ ഹെൽത്ത് സർവിസസ് അഡ്മിനിസ്ട്രേഷൻ പ്രഫസറായും ഇൻസ്​റ്റിറ്റ്യൂട്ട് ഓഫ് പബ്ലിക് അഡ്മിനിസ്ട്രേഷനിൽ (ഐ.പി.എ) വനിത ബ്രാഞ്ചി​െൻറ ഡയറക്ടർ ജനറലായും സേവനമനുഷ്ഠിച്ചു. പുതിയ നിയമനം രാജ്യം സ്ത്രീകളുടെ ഉന്നമനത്തിലും പുരോഗതിയിലും കാണിക്കുന്ന വലിയ താൽപര്യവും പരിഗണനയും വ്യക്തമാക്കുന്നതാണെന്നും ഡോ. ഹനാൻ പറഞ്ഞു.

രാജ്യത്തി​െൻറ കാതലായ തീരുമാനങ്ങളിൽ സ്ത്രീകൾക്കും പങ്കുണ്ടെന്ന്​ തെളിയിക്കുന്നതാണ് ഈ നിയമനം. രാജ്യത്തി​െൻറ രാഷ്​ട്രീയ, സാമ്പത്തിക, സാമൂഹിക ജീവിതത്തിലും തീരുമാനമെടുക്കുന്നതിലും സർക്കാർ ഏജൻസികളുടെ പ്രകടനം നിരീക്ഷിക്കുന്നതിലും പാർലമെൻറ് ബന്ധങ്ങൾ ശക്തിപ്പെടുത്തുന്നതിൽ രാജ്യത്തി​െൻറ നിലപാടുകളെ

അന്താരാഷ്​ട്രതലത്തിൽ പിന്തുണക്കുന്ന കാര്യത്തിലും ശൂറാ കൗൺസിൽ വ്യക്തമായ പങ്കുവഹിക്കുന്നുണ്ട്​.