ഹൃദയം കവർന്ന്​ യാംബു അൽനഖ്‌ലിലെ ഹരിതകാന്തി

യാം​ബു: പ​ട്ട​ണ​ഹൃ​ദ​യ​ത്തി​ൽ​നി​ന്ന് കി​ഴ​ക്കു​ഭാ​ഗ​ത്താ​യി 50 കി​ലോ​മീ​റ്റ​ർ അ​ക​ലെ​യു​ള്ള യാം​ബു അ​ൽ​ന​ഖ്ൽ പ്ര​ദേ​ശ​ങ്ങ​ളി​ലെ ഹ​രി​ത കാ​ന്തി സ​ന്ദ​ർ​ശ​ക​രെ ആ​ക​ർ​ഷി​ക്കു​ക​യാ​ണ്. ശീ​ത​കാ​ല​മെ​ത്തി ഇ​ട​ക്കാ​ല​ത്ത് മ​ഴ ല​ഭി​ച്ച​പ്പോ​ൾ കൂ​ടു​ത​ൽ ഹ​രി​താ​ഭ​മാ​യ ഈ ​പ്ര​ദേ​ശ​ത്തി​െൻറ പ്ര​കൃ​തി ഭം​ഗി ആ​സ്വ​ദി​ക്കാ​ൻ സ്വ​ദേ​ശി​ക​ളും വി​ദേ​ശി​ക​ളും കു​ടും​ബ​സ​മേ​തം ദൈ​നം​ദി​നം എ​ത്തു​ന്നു​ണ്ട്. വാ​രാ​ന്ത്യ അ​വ​ധി ദി​ന​ങ്ങ​ളി​ൽ ബാ​ച്​​ല​റു​ക​ൾ ചെ​റി​യ ട്രി​പ്പു​ക​ളാ​യും എ​ത്തു​ന്നു​ണ്ട്.

കോ​വി​ഡ് കാ​ല​ത്ത് വീ​ടു​ക​ളി​ൽ ഒ​തു​ങ്ങി​ക്കൂ​ടു​ന്ന കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും മ​രു​ഭൂ​മി​യി​ൽ പ​ച്ച​പ്പ്‌ നി​റ​ഞ്ഞു​നി​ൽ​ക്കു​ന്ന ന​യ​നാ​ന​ന്ദ​ക​ര​മാ​യ കാ​ഴ്‌​ച​ക​ളും ത​ണു​പ്പാ​ർ​ന്ന മ​നോ​ഹ​ര​മാ​യ ജ​ലാ​ശ​യ​ങ്ങ​ളും ഏ​റെ ഹൃ​ദ്യ​മാ​യ കാ​ഴ​ചാ​നു​ഭ​വ​മാ​ണ്. ശു​ദ്ധ​ലം സ​മൃ​ദ്ധ​മാ​ണി​വി​ടെ. മ​രു​ഭൂ​മി​യു​ടെ മു​ക​ൾ​പ്പ​ര​പ്പി​ൽ​നി​ന്ന് പ്ര​വ​ഹി​ക്കു​ന്ന ശ​ക്ത​മാ​യ ജ​ല​ധാ​ര​ക​ൾ പ​ല​ഭാ​ഗ​ങ്ങ​ളി​ൽ ഇ​വി​ടെ കാ​ണാം. ഉ​റ​വു​ക​ളു​ടെ നാ​ട് എ​ന്നാ​ണ് ഈ ​ഗ്രാ​മ​പ്ര​ദേ​ശം അ​റി​യ​പ്പെ​ടു​ന്ന​ത്. പ​ണ്ട് ജ​ല​സ്രോ​ത​സ്സു​ക​ൾ ഇ​വി​ടെ സു​ല​ഭ​മാ​യി​രു​ന്നെ​ങ്കി​ലും കാ​ല​ക്ര​മേ​ണ ജ​ല​ദൗ​ർ​ല​ഭ്യം അ​നു​ഭ​വ​പ്പെ​ടു​ക​യാ​യി​രു​ന്നു. അ​ത്​ മൂ​ലം ജ​ന​വാ​സം കു​റ​ഞ്ഞു​പോ​വു​ക​യാ​യി​രു​ന്നെ​ന്നും പ​ഴ​മ​ക്കാ​ർ പ​റ​യു​ന്നു.

ഈ​ന്ത​പ്പ​ന​ത്തോ​ട്ട​ങ്ങ​ളു​ടെ നാ​ഡി​ഞ​ര​മ്പു​ക​ളാ​യി​രു​ന്ന ശ​ക്ത​മാ​യ നീ​രു​റ​വ​ക​ളാ​ണ് 'ഉ​റ​വ്' എ​ന്ന അ​ർ​ഥ​മു​ള്ള 'യാം​ബു' എ​ന്ന പേ​രി​ന് ത​ന്നെ​ കാ​ര​ണം. യാം​ബു അ​ൽ​ന​ഖ്‌​ലി​ലെ പ്ര​സി​ദ്ധ​മാ​യ 25 ഉ​റ​വ​ക​ളു​ടെ പേ​രു​ക​ൾ ച​രി​ത്ര​ഗ്ര​ന്ഥ​ങ്ങ​ളി​ൽ രേ​ഖ​പ്പെ​ടു​ത്തി​യ​താ​യി കാ​ണാം. ഇ​വ​യി​ൽ വ​ള​രെ പ്ര​സി​ദ്ധ​മാ​ണ് ഐ​ൻ അ​ലി (അ​ലി​യു​ടെ ഉ​റ​വ), ഐ​ൻ ഹ​സ​ൻ (ഹ​സ​െൻറ ഉ​റ​വ), ഐ​ൻ ഹു​സൈ​ൻ (ഹു​സൈ​െൻറ ഉ​റ​വ), ഐ​ൻ അ​ൽ​ബ​റ​കാ​ത്ത് (അ​നു​ഗ്ര​ഹ​ങ്ങ​ളു​ടെ ഉ​റ​വ). കൂ​ടാ​തെ ഐ​ൻ അ​ൽ​ജ​ബ​രി​യ, ഐ​ൻ അ​ൽ​അ​ജ്‌​ലാ​ൻ തു​ട​ങ്ങി​യ പേ​രു​ക​ൾ ഇ​ന്നും ഇ​വി​ട​ത്തെ ചി​ല ഭാ​ഗ​ങ്ങ​ളി​ലെ ബോ​ർ​ഡു​ക​ളി​ൽ കാ​ണാം.

ഇ​പ്പോ​ഴു​ള്ള ജ​ല​ല​ഭ്യ​ത​യി​ൽ അ​തി​ര​റ്റ് സ​ന്തോ​ഷി​ക്കു​ന്ന സ്വ​ദേ​ശി​ക​ളാ​യ ക​ർ​ഷ​ക​ർ ഇ​വി​ട​ത്തെ കൃ​ഷി​ത്തോ​ട്ട​ങ്ങ​ളി​ലെ പ​തി​വ് കാ​ഴ്ച​യാ​യി​രി​ക്കു​ക​യാ​ണ്. വി​വി​ധ പ​ച്ച​ക്ക​റി​ക​ളു​ടെ​യും പ​ഴ​ങ്ങ​ളു​ടെ​യും തൈ​ക​ളും മ​റ്റും ന​ന​ച്ചു​കൊ​ണ്ടി​രി​ക്കു​ന്ന ക​ർ​ഷ​ക​രു​ടെ സാ​ന്നി​ധ്യം ഇ​പ്പോ​ൾ ഇ​വി​ടു​ണ്ട്. വി​വി​ധ പ​ഴ​ങ്ങ​ളും ഈ​ന്ത​പ്പ​ന, ചെ​റു​നാ​ര​ങ്ങ, മൈ​ലാ​ഞ്ചി എ​ന്നി​വ വ​ള​രെ വ്യാ​പ​ക​മാ​യി കൃ​ഷി ചെ​യ്യു​ന്നു. അ​ത്തി​പ്പ​ഴം, ഉ​റു​മാ​ൻ പ​ഴം, വാ​ഴ, ബ​ദാം, ​െബ​റി എ​ന്നി​വ​യും കൃ​ഷി ചെ​യ്യു​ന്നു​ണ്ട്. മ​ർ​ക​സു​ൽ ജാ​ബ്രി​യ എ​ന്ന പേ​രി​ൽ അ​റി​യ​പ്പെ​ടു​ന്ന പ്ര​ദേ​ശ​ത്താ​ണ് ഏ​റ്റ​വും അ​ധി​കം കൃ​ഷി ന​ട​ക്കു​ന്ന​ത്.

നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ജ​ന​വാ​സ​കേ​ന്ദ്ര​മാ​യി​രു​ന്ന യാം​ബു അ​ൽ​ന​ഖ്ൽ ച​രി​ത്ര​ത്തി​ൽ ഇ​ടം​പി​ടി​ച്ച ഒ​രു പ്ര​ദേ​ശ​മാ​ണ്‌. ശു​ദ്ധ​മാ​യ ജ​ല​ല​ഭ്യ​ത വേ​ണ്ടു​വോ​ളം ക​നി​ഞ്ഞു ന​ൽ​കി​യ ഈ ​ഗ്രാ​മ​ത്തി​ലേ​ക്കാ​യി​രു​ന്നു ഹി​ജാ​സി​െൻറ വി​ദൂ​ര ദേ​ശ​ങ്ങ​ളി​ൽ​നി​ന്ന് വെ​ള്ളം ശേ​ഖ​രി​ക്കാ​ൻ ആ​ളു​ക​ൾ വ​ന്നി​രു​ന്ന​ത്. തു​ക​ൽ സ​ഞ്ചി​ക​ളും ഒ​ട്ട​ക​ങ്ങ​ളു​മാ​യി ഈ ​പ്ര​ദേ​ശ​ത്തേ​ക്ക് കു​ടി​വെ​ള്ള​ത്തി​നാ​യി വ​ന്ന യാ​ത്രാ​സം​ഘ​ങ്ങ​ളെ കു​റി​ച്ച് അ​റ​ബി ച​രി​ത്ര​ഗ്ര​ന്ഥ​ങ്ങ​ൾ രേ​ഖ​പ്പെ​ടു​ത്തി​യി​ട്ടു​ണ്ട്. ച​രി​ത്ര​മു​ദ്ര​ക​ളു​ടെ ശേ​ഷി​പ്പു​ക​ൾ ധാ​രാ​ള​മാ​യി ഈ ​പ്ര​ദേ​ശ​ങ്ങ​ളി​ൽ അ​ങ്ങി​ങ്ങ്​ കാ​ണാ​ൻ ക​ഴി​യു​ന്ന​തും സ​ന്ദ​ർ​ശ​ക​രെ കൂ​ടു​ത​ലാ​യി ആ​ക​ർ​ഷി​ക്കു​ന്നു.