മെ​ഡി​റ്റ​റേ​നി​യ​ൻ ക​ട​ലി​ലെ ആ​ദ്യ ‘അ​റോ​യ ക്രൂ​​സ്’ യാ​ത്ര​ക്ക്​ തു​ട​ക്കം

റി​യാ​ദ്​: സൗ​ദി പൊ​തു​നി​ക്ഷേ​പ ഫ​ണ്ടി​​ന്റെ പൂ​ർ​ണ ഉ​ട​മ​സ്ഥ​ത​യി​ലു​ള്ള ക്രൂ​സ് സൗ​ദി​യു​ടെ ആ​ഡം​ബ​ര നൗ​ക​യാ​യ ‘അ​റോ​യ ക്രൂ​​സി’​ന്റെ മെ​ഡി​റ്റ​റേ​നി​യ​ൻ യാ​ത്ര​ക്ക്​ തു​ട​ക്കം. ‘അ​റേ​ബ്യ​ൻ വേ​വ്സ്’ എ​ന്ന ആ​ധി​കാ​രി​ക അ​റേ​ബ്യ​ൻ സ്വ​ഭാ​വ​ത്തി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട്​ ടൂ​റി​സം അ​നു​ഭ​വം സം​യോ​ജി​പ്പി​ച്ചു​ള്ള​താ​ണ്​ യാ​ത്ര. അ​റോ​യ ക്രൂ​​സ് ലൈ​നി​ന്റെ മു​ൻ​നി​ര ക​പ്പ​ലാ​ണി​ത്.

മെ​ഡി​റ്റ​റേ​നി​യ​ൻ സീ​സ​ണി​ലെ സ്വ​ന്തം തു​റ​മു​ഖ​മാ​യ ഇ​സ്തം​ബൂ​ളി​ലെ ഗ​ലാ​റ്റ പോ​ർ​ട്ടി​ൽ​നി​ന്ന് ആ​രം​ഭി​ച്ച്​ ഏ​ഴ് രാ​ത്രി നീ​ണ്ടു​നി​ൽ​ക്കു​ന്ന​ യാ​ത്ര​യി​ൽ ഗ്രീ​സി​ലെ ആതൻ​സ്, സൗ​ദ ബേ, ​മൈ​ക്കോ​ണോ​സ് എ​ന്നി​വ​യു​ൾ​പ്പെ​ടെ നി​ര​വ​ധി പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളും തു​ട​ർ​ന്ന് തു​ർ​ക്കി​യി​ലെ ബോ​ഡ്ര​വും സ​ന്ദ​ർ​ശി​ക്കും. അ​ടു​ത്ത ശ​നി​യാ​ഴ്ച ക​പ്പ​ൽ ഇ​സ്തം​ബൂ​ളി​ലേ​ക്ക് മ​ട​ങ്ങും.

ഏ​റ്റ​വും ഉ​യ​ർ​ന്ന അ​ന്താ​രാ​ഷ്​​ട്ര നി​ല​വാ​ര​ത്തി​ൽ രൂ​പ​ക​ൽ​പ​ന ചെ​യ്‌​തി​രി​ക്കു​ന്ന നി​ര​വ​ധി സൗ​ക​ര്യ​ങ്ങ​ളും സേ​വ​ന​ങ്ങ​ളും ക​പ്പ​ലി​ൽ ഉ​ണ്ട്. പ്ര​ധാ​ന നീ​ന്ത​ൽ മേ​ഖ​ല, ദൈ​നം​ദി​ന വി​നോ​ദം വാ​ഗ്ദാ​നം ചെ​യ്യു​ന്ന തി​യ​റ്റ​ർ, സ്പാ, ​ബ്യൂ​ട്ടി ക്ലി​നി​ക്, ജിം ​എ​ന്നി​വ​യു​ൾ​പ്പെ​ടെ സ​മ​ഗ്ര​മാ​യ ചി​കി​ത്സ​യും വെ​ൽ​നെ​സ് സേ​വ​ന​ങ്ങ​ളും വാ​ഗ്ദാ​നം ചെ​യ്യു​ന്ന സ്പാ ​എ​ന്നി​വ ഇ​തി​ൽ ഉ​ൾ​പ്പെ​ടു​ന്നു. സാ​ഹ​സി​ക മേ​ഖ​ല, സ്‌​പോ​ർ​ട്‌​സ് കോം​പ്ല​ക്‌​സ്, വാ​ട്ട​ർ ഗെ​യി​മു​ക​ൾ തു​ട​ങ്ങി മു​ഴു​വ​ൻ കു​ടും​ബ​ത്തി​നും അ​നു​യോ​ജ്യ​മാ​യ വി​വി​ധ പ്ര​വ​ർ​ത്ത​ന​ങ്ങ​ൾ ഇ​വി​ടെ​യു​ണ്ട്. കു​ട്ടി​ക​ൾ​ക്കാ​യു​ള്ള ഏ​രി​യ​യും സൗ​ദി, അ​ന്താ​രാ​ഷ്​​ട്ര ഭ​ക്ഷ​ണ​വി​ഭ​വ​ങ്ങ​ൾ ആ​സ്വ​ദി​ക്കാ​ൻ 12 റ​സ്റ്റാ​റ​ന്റു​ക​ളും 17 ക​ഫേ​ക​ളു​മു​ണ്ട്.

ഈ ​വ​ർ​ഷം സെ​പ്റ്റം​ബ​ർ പ​കു​തി വ​രെ അ​റോ​യ ക്രൂ​സ് മെ​ഡി​റ്റ​റേ​നി​യ​ൻ യാ​ത്ര​ക​ൾ തു​ട​രും. തു​ർ​ക്കി, ഗ്രീ​സ്, ഈ​ജി​പ്ത് എ​ന്നി​വി​ട​ങ്ങ​ളി​ലെ നി​ര​വ​ധി പ്ര​മു​ഖ ല​ക്ഷ്യ​സ്ഥാ​ന​ങ്ങ​ൾ​ക്ക് പു​റ​മേ മ​ർ​മ​രി​സ്, റോ​ഡ്‌​സ്, അ​ല​ക്സാ​ണ്ട്രി​യ എ​ന്നി​വ​യു​ൾ​പ്പെ​ടെ ആ​റു മു​ത​ൽ ഏ​ഴു രാ​ത്രി​ക​ൾ വ​രെ ദൈ​ർ​ഘ്യ​മു​ള്ള വി​വി​ധ യാ​ത്രാ​പ​ദ്ധ​തി​ക​ൾ ഇ​തി​ൽ ഉ​ൾ​പ്പെ​ടും.