മലപ്പുറത്ത് പേരുകേട്ട കാദറലി സെവൻസ് ഫുട്ബാൾ ടൂർണമെൻറ്​ കടൽ കടന്ന് ജിദ്ദയിലുമെത്തുന്നു

ജി​ദ്ദ: അ​കാ​ല​ത്തി​ൽ പൊ​ലി​ഞ്ഞു പോ​യ ത​ങ്ങ​ളു​ടെ ആ​ത്മ​മി​ത്ര​ങ്ങ​ളും ഫു​ട്ബാ​ൾ താ​ര​ങ്ങ​ളു​മാ​യ കാ​ദ​റി​​ന്റെ​യും മു​ഹ​മ്മ​ദാ​ലി​യു​ടെ​യും പാ​വ​ന സ്മ​ര​ണ​ക്കാ​യി 1961 മു​ത​ൽ മ​ല​പ്പു​റം പെ​രി​ന്ത​ൽ​മ​ണ്ണ​യി​ൽ ഒ​രു​പ​റ്റം യു​വാ​ക്ക​ൾ രൂ​പം കൊ​ടു​ത്ത കാ​ദ​റ​ലി സെ​വ​ൻ​സ് ഫു​ട്ബാ​ൾ ടൂ​ർ​ണ​മെൻറ്​ ഇ​ന്നും ന​ട​ന്നു​വ​രു​ന്നു. 51ാം വാ​ർ​ഷി​കം ആ​ഘോ​ഷി​ക്കു​ന്ന കാ​ദ​റ​ലി സെ​വ​ൻ​സ് ഫു​ട്​​ബാ​ൾ ടൂ​ർ​ണ​മെൻറ്​ ക​ട​ൽ ക​ട​ന്ന് ജി​ദ്ദ​യി​ലേ​ക്കു​മെ​ത്തു​ക​യാ​ണ്. കാ​ദ​റ​ലി സെ​വ​ൻ​സ് ഫു​ട്​​ബാ​ൾ ടൂ​ർ​ണ​മെൻറ്​ ക​മ്മി​റ്റി​യും ജി​ദ്ദ​യി​ലെ പെ​രി​ന്ത​ൽ​മ​ണ്ണ എ​ൻ.​ആ​ർ.​ഐ ഫോ​റ​വും (പെൻറി​ഫ്) സം​യു​ക്ത​മാ​യി ജി​ദ്ദ​യി​ൽ സം​ഘ​ടി​പ്പി​ക്കു​ന്ന ദ്വി​ദി​ന സെ​വ​ൻ​സ് ഫു​ട്ബാ​ൾ ടൂ​ർ​ണ​മെൻറ്​ അ​ടു​ത്ത​മാ​സം 15,16 തീ​യ​തി​ക​ളി​ൽ ഖാ​ലി​ദ് ബി​ൻ വ​ലീ​ദ് ബ്ലാ​സ്റ്റേ​ഴ്‌​സ് ഗ്രൗ​ണ്ടി​ൽ ന​ട​ക്കു​മെ​ന്ന് ​ സം​ഘാ​ട​ക​ർ ജി​ദ്ദ​യി​ൽ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

കാ​ദ​റ​ലി ജി​ദ്ദ ചാ​പ്റ്റ​ർ എ​ന്ന പേ​രി​ൽ സം​ഘ​ടി​പ്പി​ക്കു​ന്ന ടൂ​ർ​ണ​മെൻറി​ൽ ജി​ദ്ദ​യി​ൽ വ​സി​ക്കു​ന്ന​വ​രു​ടെ ടീ​മു​ക​ളും നാ​ട്ടി​ലു​ള്ള നാ​ല് പ്രാ​ദേ​ശി​ക ടീ​മു​ക​ളും ജി​ദ്ദ​ക്ക് പു​റ​മെ അ​ൽ​ബ​ഹ, യാം​ബു എ​ന്നി​വി​ട​ങ്ങ​ളി​ൽ​നി​ന്നും മൊ​ത്തം 12 ടീ​മു​ക​ളാ​ണ് മാ​റ്റു​ര​ക്കു​ക. പ്രാ​ദേ​ശി​ക ടീ​മു​ക​ൾ ക​ളി​ക്കാ​രെ നാ​ട്ടി​ൽ​നി​ന്നും കൊ​ണ്ടു​വ​രു​ന്ന​ത് കൊ​ണ്ട് ക​ളി​ക​ൾ​ക്ക് നി​ല​വാ​ര​വും, വീ​റും വാ​ശി​യും ജ​ന​പ​ങ്കാ​ളി​ത്ത​വു​മു​ണ്ടാ​കു​മെ​ന്നാ​ണ് പ്ര​തീ​ക്ഷ​യെ​ന്ന് സം​ഘാ​ട​ക​ർ അ​ഭി​പ്രാ​യ​പ്പെ​ട്ടു.

ഫെ​ബ്രു​വ​രി 15ന് ​രാ​ത്രി 11ന്​ ​ആ​രം​ഭി​ക്കു​ന്ന ടൂ​ർ​ണ​മെൻറി​ൽ നാ​ല് മ​ത്സ​ര​ങ്ങ​ളും പി​റ്റേ​ന്ന് വൈ​കീ​ട്ട് 6.30 മു​ത​ൽ ഫൈ​ന​ൽ അ​ട​ക്കം മ​റ്റു മ​ത്സ​ര​ങ്ങ​ളും ന​ട​ക്കും. ട്രോ​ഫി​ക​ളോ​ടൊ​പ്പം ടൂ​ർ​ണ​മെൻറ് വി​ജ​യി​ക​ൾ​ക്ക് 5,000 റി​യാ​ലും ര​ണ്ടാം സ്ഥാ​ന​ക്കാ​ർ​ക്ക് 3,000 റി​യാ​ലും കാ​ഷ് പ്രൈ​സ് ല​ഭി​ക്കും.

ജി​ദ്ദ​യി​ലെ ഒ​രു ഫു​ട്ബാ​ൾ ടൂ​ർ​ണ​മെൻറി​​ന്റെ സം​ഘാ​ട​ന​ത്തി​ൽ ഇ​താ​ദ്യ​മാ​യി സ്ത്രീ​ക​ൾ പ​ങ്കാ​ളി​ക​ളാ​വു​ന്നു എ​ന്ന പ്ര​ത്യേ​ക​ത കാ​ദ​റ​ലി ജി​ദ്ദ ചാ​പ്റ്റ​ർ സെ​വ​ൻ​സ് ഫു​ട്ബാ​ൾ ടൂ​ർ​ണ​മെൻറി​ന് ഉ​ണ്ടെ​ന്ന് സം​ഘാ​ട​ക​ർ അ​റി​യി​ച്ചു. സൗ​ദി​യി​ൽ സ​ക​ല മേ​ഖ​ല​യി​ലും വ​നി​ത​ക​ളു​ടെ സാ​ന്നി​ധ്യം അ​ധി​ക​രി​ച്ചു​വ​രു​ന്ന സാ​ഹ​ച​ര്യ​ത്തി​ൽ ഫു​ട്ബാ​ൾ ടൂ​ർ​ണ​മെൻറ്​ ഉ​ൾ​പ്പ​ടെ സം​ഘാ​ട​ന​ത്തി​ൽ വ​നി​ത​ക​ൾ​ക്ക് പ്ര​ധാ​ന പ​ങ്കാ​ളി​ത്തം ഉ​ണ്ടാ​വ​ണ​മെ​ന്ന ല​ക്ഷ്യ​ത്തോ​ടെ​യാ​ണ് സം​ഘാ​ട​ക​സ​മി​തി​യി​ൽ വ​നി​ത​ക​ളെ ഉ​ൾ​പ്പെ​ടു​ത്തി​യ​തെ​ന്ന് സം​ഘാ​ട​ക​ർ അ​റി​യി​ച്ചു. ഫു​ട്ബാ​ളി​നെ സ്‌​നേ​ഹി​ക്കു​ന്ന​വ​രും ക​ളി​കാ​ണാ​നും ക​ളി​ക്കാ​നു​മെ​ല്ലാം ഇ​ഷ്ട​പ്പെ​ടു​ന്ന നി​ര​വ​ധി മ​ല​യാ​ളി വ​നി​ത​ക​ൾ ജി​ദ്ദ​യി​ലു​ണ്ട്. അ​വ​ർ​ക്ക് പ്രോ​ത്സാ​ഹ​ന​വും അ​വ​രെ ഫു​ട്ബാ​ൾ മ​ത്സ​ര ഗ്രൗ​ണ്ടി​ലേ​ക്ക് എ​ത്തി​ക്കു​ക​യെ​ന്ന​തും ത​ങ്ങ​ളു​ടെ ഉ​ദ്ദേ​ശ്യ​മാ​ണെ​ന്ന് വാ​ർ​ത്ത​സ​മ്മേ​ള​ന​ത്തി​ൽ വ​നി​ത പ്ര​തി​നി​ധി​ക​ൾ അ​റി​യി​ച്ചു. ഡോ. ​ഇ​ന്ദു, എ​ൻ​ജി. ജു​നൈ​ദ, ഷ​മീം ടീ​ച്ച​ർ, നാ​സ​ർ ശാ​ന്ത​പു​രം, ല​ത്തീ​ഫ് എ​ൻ​ക​ൺ​ഫേ​ർ​ട്ട്, റീ​ഗ​ൾ മു​ജീ​ബ്, മ​ജീ​ദ് എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ സം​ബ​ന്ധി​ച്ചു.