ദു​രി​ത​ത്തി​ലാ​യ 135 ഇ​ന്ത്യ​ൻ തൊ​ഴി​ലാ​ളി​ക​ൾ നാ​ട​ണ​ഞ്ഞു

റി​യാ​ദ്​: ക​ഴി​ഞ്ഞ നാ​ലു വ​ർ​ഷ​മാ​യി ജോ​ലി​യും ശ​മ്പ​ള​വു​മി​ല്ലാ​തെ ദു​രി​ത​ത്തി​ലാ​യ, റി​യാ​ദി​ലെ വ​ലി​യ ക​ൺ​സ്ട്ര​ക്​​ഷ​ൻ ക​മ്പ​നി​യി​ലെ ഇ​ന്ത്യ​ക്കാ​രാ​യ 135 തൊ​ഴി​ലാ​ളി​ക​ൾ ചാ​രി​റ്റി ഓ​ഫ് പ്ര​വാ​സി മ​ല​യാ​ളി റി​യാ​ദ് ന​ട​ത്തി​യ നി​യ​മ​പോ​രാ​ട്ട​ത്തി​നും സ​ഹാ​യ​ത്തി​നു​മൊ​ടു​വി​ല്‍ ന​ട​ണ​ഞ്ഞു. ക​മ്പ​നി​യു​ടെ പ്ര​വ​ർ​ത്ത​നം നി​ർ​ത്ത​ലാ​ക്കി സ്പോ​ൺ​സ​ർ ജ​ർ​മ​നി​യി​ലേ​ക്കും മാ​നേ​ജ​ർ​മാ​ർ അ​വ​ര​വ​രു​ടെ നാ​ടു​ക​ളി​ലേ​ക്കും പോ​യ​തോ​ടെ തൊ​ഴി​ലാ​ളി​ക​ൾ തീ​ർ​ത്തും നി​സ്സ​ഹാ​യ​രാ​യി. വി​ഷ​യം സാ​മൂ​ഹി​ക പ്ര​വ​ർ​ത്ത​ക​ന്‍ സു​രേ​ഷ് ശ​ങ്ക​റി​െൻറ ശ്ര​ദ്ധ​യി​ൽ​പെ​ട്ടു. തു​ട​ർ​ന്ന്​ ജീ​വ​കാ​രു​ണ്യ സം​ഘ​ട​ന​യാ​യ ചാ​രി​റ്റി ഓ​ഫ് പ്ര​വാ​സി മ​ല​യാ​ളി റി​യാ​ദ് പ്ര​സി​ഡ​ൻ​റ്​ അ​യൂ​ബ് ക​രൂ​പ്പ​ട​ന്ന, മാ​ധ്യ​മ പ്ര​വ​ര്‍ത്ത​ക​ന്‍ ജ​യ​ന്‍ കൊ​ടു​ങ്ങ​ല്ലൂ​രു​മാ​യി ക​മ്പ​നി​യി​ലെ​ത്തി തൊ​ഴി​ലാ​ളി​ക​ളു​മാ​യി സം​സാ​രി​ച്ച് എം​ബ​സി​യു​ടെ ശ്ര​ദ്ധ​യി​ൽ​പെ​ടു​ത്തി. എം​ബ​സി​യു​ടെ സ​ഹാ​യ​ത്തോ​ടെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​ക​യാ​ണ് ഉ​ണ്ടാ​യ​ത്. ക​ഴി​ഞ്ഞ മൂ​ന്ന​ര വ​ർ​ഷ​മാ​യി തൊ​ഴി​ലാ​ളി​ക​ൾ​ക്കു​വേ​ണ്ട ഭ​ക്ഷ​ണം, മ​രു​ന്ന്, വ​സ്ത്ര​ങ്ങ​ൾ എ​ല്ലാം ചാ​രി​റ്റി ഓ​ഫ് പ്ര​വാ​സി മ​ല​യാ​ളി​യു​ടെ അം​ഗ​ങ്ങ​ളും ലു​ലു ഹൈ​പ്പ​ർ മാ​ർ​ക്ക​റ്റി​ലെ സ്​​റ്റാ​ഫു​ക​ളും ചേ​ർ​ന്ന് ന​ൽ​കു​ക​യാ​യി​രു​ന്നു. ന​യ​മ സ​ഹാ​യ​ങ്ങ​ൾ​ക്കാ​യി എം​ബ​സി​യി​ൽ​നി​ന്ന്​ രാ​ജേ​ന്ദ്ര​ൻ, ഗം​ഭീ​ർ, ഹ​രി​പി​ള്ള എ​ന്നി​വ​ർ ശ​ക്ത​മാ​യ പി​ന്തു​ണ​യാ​ണ് ന​ൽ​കി​യ​ത്.

മൂ​ന്ന​ര​വ​ർ​ഷ​ത്തെ നി​യ​മ പോ​രാ​ട്ട​ങ്ങ​ള്‍ക്കൊ​ടു​വി​ൽ ഘ​ട്ടം​ഘ​ട്ട​മാ​യി എ​ല്ലാ തൊ​ഴി​ലാ​ളി​ക​ൾ​ക്കും കു​ടി​ശ്ശി​ക ഉ​ണ്ടാ​യി​രു​ന്ന ശ​മ്പ​ളം മു​ഴു​വ​നും ന​ൽ​കി എ​ല്ലാ​വ​രെ​യും നാ​ട്ടി​ല​യ​ക്കാ​ന്‍ ഈ ​കാ​ല​യ​ള​വി​ല്‍ സാ​ധി​ച്ചു. ഈ ​വി​ഷ​യ​ത്തി​ൽ ചാ​രി​റ്റി ഓ​ഫ് പ്ര​വാ​സി മ​ല​യാ​ളി​യി​ലെ അം​ഗ​ങ്ങ​ളാ​യ റ​ഷീ​ദ് ക​രീം, റി​യാ​സ് റ​ഹ്‌​മാ​ൻ, നി​സ്സാ​ർ കൊ​ല്ലം, മു​ജീ​ബ് ചാ​വ​ക്കാ​ട്, ജ​ലീ​ൽ കൊ​ച്ചി, ശ​രീ​ഫ് വാ​വാ​ട് എ​ന്നി​വ​രും സ​ഹാ​യ​ത്തി​നാ​യി ഉ​ണ്ടാ​യി​രു​ന്നു.