ഹൗ​സി​ങ്​ പെ​ർ​മി​റ്റ്​ അ​പേ​ക്ഷ സ്വീ​ക​രി​ക്കു​ന്ന​തി​നു​ള്ള കാ​ലാ​വ​ധി​ നീ​ട്ടി

മ​ക്ക: ഹ​ജ്ജ്​ തീ​ർ​ഥാ​ട​ക​രെ മ​ക്ക​യി​ൽ താ​മ​സി​പ്പി​ക്കു​ന്ന കെ​ട്ടി​ട​ങ്ങ​ളു​ടെ ഹൗ​സി​ങ്​ പെ​ർ​മി​റ്റ്​ അ​പേ​ക്ഷ​ക​ൾ സ്വീ​ക​രി​ക്കു​ന്ന​തി​നു​ള്ള കാ​ലാ​വ​ധി നീ​ട്ടി. കെ​ട്ടി​ട​യു​ട​മ​ക​ൾ, റി​യ​ൽ എ​സ്​​റ്റേ​റ്റ് വി​ക​സ​ന ക​മ്പ​നി​ക​ൾ, ഹോ​ട്ട​ൽ എ​ന്നി​വ​ക്ക്​ ഈ ​ഹ​ജ്ജ്​ സീ​സ​ണു​ക​ളി​ലേ​ക്ക്​ പെ​ർ​മി​റ്റു​ക​ൾ ന​ൽ​കാ​ൻ അ​വ​സ​ര​മൊ​രു​ക്കു​ന്ന​തി​ന്​ മ​ക്ക ഡെ​പ്യൂ​ട്ടി ഗ​വ​ർ​ണ​ർ അ​മീ​ർ സ​ഊ​ദ്​ ബി​ൻ മി​ശ്​​അ​ലാ​ണ്​ കാ​ലാ​വ​ധി നീ​ട്ടു​ന്ന​തി​ന്​ അ​നു​മ​തി ന​ൽ​കി​യ​ത്. ഇ​തോ​ടെ ശ​വ്വാ​ൽ അ​വ​സാ​നം (മെ​യ്​ തു​ട​ക്കം) വ​രെ അ​പേ​ക്ഷ​ക​ൾ സ്വീ​ക​രി​ക്കും.

ഈ ​വ​ർ​ഷം ആ​ദ്യം മു​ത​ൽ പ്രി​ൽ​ഗ്രിം​സ്​ ഹൗ​സി​ങ്​ ക​മ്മി​റ്റി അ​പേ​ക്ഷ സ്വീ​ക​രി​ക്ക​ൽ തു​ട​ങ്ങി​യി​രു​ന്നു. ശ​അ്​​ബാ​ൻ (മാ​ർ​ച്ച്) അ​വ​സാ​ന​മാ​യി​രു​ന്നു കാ​ലാ​വ​ധി. അ​ടു​ത്തി​ടെ മ​ക്ക​യി​ലെ വി​വി​ധ ഭാ​ഗ​ങ്ങ​ളി​ലാ​യി തീ​ർ​ഥാ​ട​ക​രെ താ​മ​സി​പ്പി​ക്കു​ന്ന 1,662 കെ​ട്ടി​ട​ങ്ങ​ൾ​ക്ക് പി​ൽ​ഗ്രിം​സ് ഹൗ​സി​ങ്​ ക​മ്മി​റ്റി ലൈ​സ​ൻ​സ് ന​ൽ​കി​യി​ട്ടു​ണ്ട്. പെ​ർ​മി​റ്റ്​ ന​ൽ​കി​യ കെ​ട്ടി​ട​ങ്ങ​ൾ ഏ​റ്റ​വും കൂ​ടു​ത​ൽ അ​സീ​സി​യ​യി​ലാ​ണ്.

മു​നി​സി​പ്പാ​ലി​റ്റി അം​ഗീ​ക​രി​ച്ച 29 എ​ൻ​ജി​നീ​യ​റി​ങ്​ ഓ​ഫീ​സു​ക​ൾ വ​ഴി ആ​ഭ്യ​ന്ത​ര മ​ന്ത്രാ​ല​യ​വും മു​നി​സി​പ്പ​ൽ ഗ്രാ​മ​കാ​ര്യ ഭ​വ​ന മ​ന്ത്രാ​ല​യ​വും നി​ശ്ച​യി​ച്ച സു​ര​ക്ഷാ, എ​ൻ​ജി​നീ​യ​റി​ങ്​ നി​ബ​ന്ധ​ന​ക​ൾ പാ​ലി​ച്ചി​ട്ടു​ണ്ടോ​യെ​ന്ന്​ ഉ​റ​പ്പു​വ​രു​ത്തി​യ ശേ​ഷ​മാ​ണ്​ ഇ​ത്ര​യും കെ​ട്ടി​ട​ങ്ങ​ൾ​ക്ക്​ അ​നു​മ​തി ന​ൽ​കി​യ​ത്. 11,14,448 തീ​ർ​ഥാ​ട​ക​രെ ഉ​ൾ​ക്കൊ​ള്ളാ​ൻ ശേ​ഷി​യു​ള്ള 2,58,299 മു​റി​ക​ൾ ഇ​ത്ര​യും കെ​ട്ടി​ട​ങ്ങ​ളി​ലാ​യു​ണ്ട്.