തി​ര​ക്കി​ല​മ​ർ​ന്ന് റി​യാ​ദ് ന​ഗ​രം

റി​യാ​ദ്: ചെ​റി​യ പെ​രു​ന്നാ​ൾ അ​വ​ധി ആ​രം​ഭി​ച്ച​തോ​ടെ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ആ​ളു​ക​ൾ ന​ഗ​ര​ത്തി​ലേ​ക്ക് എ​ത്തി​ത്തു​ട​ങ്ങി. വ​സ്ത്ര​ങ്ങ​ൾ, ക​ളി​ക്കോ​പ്പു​ക​ൾ, സു​ഗ​ന്ധ​വ​സ്തു​ക്ക​ൾ, സ​മ്മാ​ന​ങ്ങ​ൾ, മ​ധു​ര​പ​ല​ഹാ​ര​ങ്ങ​ൾ തു​ട​ങ്ങി പെ​രു​ന്നാ​ൾ ആ​ഘോ​ഷി​ക്കാ​ൻ ആ​വ​ശ്യ​മാ​യ സാ​ധ​ന​ങ്ങ​ൾ വാ​ങ്ങാ​ൻ ന​ല്ല തി​ര​ക്കാ​ണ് റി​യാ​ദി​ലെ മാ​ർ​ക്ക​റ്റു​ക​ളി​ൽ അ​നു​ഭ​വ​പ്പെ​ടു​ന്ന​ത്. ദ​വാ​ദ്മി, സാ​ജ​ൻ, ദു​ർ​മ, ഹു​ത്ത സു​ദൈ​ർ, അ​ൽ ഖ​ർ​ജ്‌, ഹു​റൈം​ല, മ​റാ​ത്ത് തു​ട​ങ്ങി റി​യാ​ദി​നോ​ട് ചേ​ർ​ന്നു​കി​ട​ക്കു​ന്ന ചെ​റു​പ​ട്ട​ണ​ങ്ങ​ളി​ൽ നി​ന്നെ​ല്ലാം വ​ലി​യൊ​രു വി​ഭാ​ഗം സ്വ​ദേ​ശി​ക​ളും വി​ദേ​ശി​ക​ളും പെ​രു​ന്നാ​ൾ സാ​ധ​ന​ങ്ങ​ൾ വാ​ങ്ങാ​ൻ റി​യാ​ദി​ലേ​ക്കാ​ണ് വ​രു​ന്ന​ത്.

രാ​ജ്യ​ത്തെ​ത​ന്നെ ഏ​റ്റ​വും വ​ലി​യ സു​ഗ​ന്ധ​വ​സ്തു​ക്ക​ളു​ടെ​യും ആ​ഡം​ബ​ര വ​സ്ത്ര​ങ്ങ​ളു​ടെ​യും പ​ര​മ്പ​രാ​ഗ​ത ക​മ്പോ​ള​മാ​യ റി​യാ​ദി​ലെ ദീ​ര​യി​ലേ​ക്ക് ര​ണ്ടു ദി​വ​സ​മാ​യി ഉ​പ​ഭോ​ക്താ​ക്ക​ളു​ടെ പ്ര​വാ​ഹ​മാ​ണ്. തി​ര​ക്ക് നി​യ​ന്ത്രി​ക്കാ​ൻ മാ​ർ​ക്ക​റ്റി​ലേ​ക്കു​ള്ള പ​ല വ​ഴി​ക​ളും വാ​ഹ​ന​ങ്ങ​ൾ​ക്ക് പ്ര​വേ​ശ​നം അ​നു​വ​ദി​ക്കാ​തെ കാ​ൽ​ന​ട​ക്കാ​ർ​ക്കു​ മാ​ത്ര​മാ​യി ട്രാ​ഫി​ക് പൊ​ലീ​സ് ഇ​ട​പെ​ട്ട്​ പ​രി​മി​ത​പ്പെ​ടു​ത്തി​യി​ട്ടു​ണ്ട്.

കു​ട്ടി​ക​ളു​ടെ ക​ളി​ക്കോ​പ്പു​ക​ളും പെ​രു​ന്നാ​ൾ ഒ​രു​ക്ക​ങ്ങ​ളെ വ​ർ​ണാ​ഭ​മാ​ക്കു​ന്ന അ​ല​ങ്കാ​ര​വ​സ്തു​ക്ക​ളും ല​ഭി​ക്കു​ന്ന അ​ൽ സു​വൈ​ലം തെ​രു​വി​ലാ​ണ് ഏ​റ്റ​വും കൂ​ടു​ത​ൽ ജ​ന​ത്തി​ര​ക്ക്​ അ​നു​ഭ​വ​പ്പെ​ടു​ന്ന​ത്. അ​വി​ടേ​ക്കും കാ​ൽ​ന​ട​യാ​യി മാ​ത്ര​മേ പ്ര​വേ​ശി​ക്കാ​നാ​കൂ. പ​ച്ച​ക്ക​റി, പ​ഴ​വ​ർ​ഗ​ങ്ങ​ൾ, ഭ​ക്ഷ​ണ​വ​സ്തു​ക്ക​ൾ, ചോ​ക്ല​റ്റു​ക​ൾ തു​ട​ങ്ങി​യ സാ​ധ​ന​ങ്ങ​ൾ ല​ഭി​ക്കു​ന്ന അ​തീ​ഖ, അ​സീ​സി​യ മാ​ർ​ക്ക​റ്റു​ക​ളി​ലേ​ക്കും മാം​സ​മാ​ർ​ക്ക​റ്റി​ലേ​ക്കും ഉ​പ​ഭോ​ക്താ​ക്ക​ളു​ടെ ഒ​ഴു​ക്കു​ണ്ട്.

സ​ർ​ക്കാ​ർ-​സ്വ​കാ​ര്യ സ്ഥാ​പ​ന​ങ്ങ​ൾ​ക്ക് ബു​ധ​നാ​ഴ്ച​യോ​ടെ അ​വ​ധി ആ​രം​ഭി​ച്ചു. ഇ​തോ​ടെ തി​ര​ക്ക് ഇ​ര​ട്ടി​യാ​യി. ന​ഗ​ര​ത്തി​ലെ പ്ര​ധാ​ന ഹൈ​വേ​ക​ളി​ലെ​ല്ലാം രാ​ത്രി ഒ​മ്പ​തി​നു​ശേ​ഷം ഉ​റു​മ്പ​രി​ക്കും വേ​ഗ​ത്തി​ലാ​ണ് വാ​ഹ​ന​ങ്ങ​ൾ നീ​ങ്ങു​ന്ന​ത്. മ​ല​യാ​ളി​ക​ൾ ഉ​ൾ​പ്പെ​ടെ വി​ദേ​ശി​ക​ൾ തി​ങ്ങി​പ്പാ​ർ​ക്കു​ന്ന ബ​ത്ഹ ര​ണ്ടു ദി​വ​സ​മാ​യി അ​ഭൂ​ത​പൂ​ർ​വ​മാ​യ തി​ര​ക്കി​നാ​ണ് സാ​ക്ഷ്യം​വ​ഹി​ക്കു​ന്ന​ത്.

ബ​ത്‌​ഹ ന​ഗ​രം ഉ​റ​ങ്ങാ​തെ​യാ​ണ് സ​ന്ദ​ർ​ശ​ക​രെ​യും ഉ​പ​ഭോ​ക്താ​ക്ക​ളെ​യും സ്വീ​ക​രി​ക്കു​ന്ന​ത്. ഇ​നി​യു​ള്ള ദി​വ​സ​ങ്ങ​ളി​ൽ പു​ല​രു​വോ​ളം ബ​ത്ഹ​യി​ൽ ആ​ൾ​ത്തി​ര​ക്കു​ണ്ടാ​കും. റി​യാ​ദ് ന​ഗ​ര​ത്തി​ലെ പ്ര​ധാ​ന മാ​ളു​ക​ളി​ലെ​ല്ലാം തി​ര​ക്ക് വ​ർ​ധി​ച്ചി​ട്ടു​ണ്ട്. മാ​ളു​ക​ളി​ലെ ചെ​റു​കി​ട വ​ൻ​കി​ട ഔ​ട്ട്​​ലെ​റ്റു​ക​ളെ​ല്ലാം ഉ​പ​ഭോ​ക്താ​ക്ക​ളെ സ്വീ​ക​രി​ക്കാ​ൻ മി​ക​ച്ച ഒ​രു​ക്കം ന​ട​ത്തി​യി​ട്ടു​ണ്ട്. വ്യ​ത്യ​സ്ത​മാ​യ ഉ​ൽ​പ​ന്ന​ങ്ങ​ൾ എ​ത്തി​ച്ചും ആ​ക​ർ​ഷ​ക​മാ​യ വി​ല​ക്കു​റ​വ് പ്ര​ഖ്യാ​പി​ച്ചും സീ​സ​ൺ ഉ​പ​യോ​ഗ​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് വ്യാ​പാ​രി​ക​ൾ.