പയ്യന്നൂർ സൗഹൃദവേദി യാത്രയയപ്പ് നൽകി
text_fieldsനാട്ടിലേക്ക് മടങ്ങുന്ന പ്രേമാനന്ദൻ കുറുന്തലിനുള്ള പി.എസ്.വിയുടെ ഉപഹാരം പ്രസിഡൻറ് കെ.വി. അനീഷ്, ട്രഷറർ അനിൽ കുമാർ എന്നിവർ ചേർന്ന് കൈമാറുന്നു
ദമ്മാം: 26 വർഷത്തെ പ്രവാസത്തിന് വിരാമമിട്ട് നാട്ടിലേക്ക് മടങ്ങുന്ന പയ്യന്നൂർ സൗഹൃദവേദി (പി.എസ്.വി) ദമ്മാം ചാപ്റ്ററിെൻറ സ്ഥാപക പ്രസിഡൻറ് പ്രേമാനന്ദൻ കുറുന്തുലിന് യാത്രയയപ്പ് നൽകി. ഒാൺലൈനിൽ നടന്ന യാത്രയയപ്പ് ചടങ്ങിൽ പ്രസിഡൻറ് കെ.വി. അനീഷ് അധ്യക്ഷത വഹിച്ചു.
മുഖ്യ രക്ഷാധികാരി സുരേന്ദ്രൻ പയ്യന്നൂർ, മുൻ ഭാരവാഹികളായ രവീന്ദ്രൻ നമ്പ്രാടത്ത്, സുബൈർ ഉദിനൂർ, പി.വി. സുരേന്ദ്രൻ, കൃഷ്ണൻ പള്ളിക്കര, വിനായക്, കെ. സുധാകരൻ, സി.പി. അജേഷ്, രുഗ്മിണി, പ്രജിത അനിൽ, സി.പി. രാജീവ്, പവനൻ, രഞ്ജിത്ത്, എൻ.കെ. സുരേഷ്, പ്രകാശൻ തുടങ്ങിയവർ സംസാരിച്ചു. പി.വി. വിനായകൻ, എ. ദിനേശൻ, അനീഷ് എന്നിവർ ഗാനങ്ങൾ ആലപിച്ചു.
സൗഹൃദ വേദിയുടെ ഉപഹാരം പ്രസിഡൻറ് കെ.വി. അനീഷ്, ട്രഷറർ അനിൽ കുമാർ എന്നിവർ ചേർന്ന് കൈമാറി. പ്രേമാനന്ദൻ കുറുന്തിൽ മറുപടി പ്രസംഗം നടത്തി. ജനറൽ സെക്രട്ടറി ശ്രീകാന്ത് വാരണാസി സ്വാഗതവും ജനറൽ കൺവീനർ ശങ്കർ ഉണ്ണി നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

