പാലക്കാട് സ്വദേശിയുടെ മൃതദേഹം നാട്ടിലെത്തിച്ചു
text_fieldsവിനുകുമാർ
റിയാദ്: ആത്മഹത്യ ചെയ്ത നിലയിൽ റിയാദിൽ കണ്ടെത്തിയ പാലക്കാട് സ്വദേശി വിനുകുമാറിെൻറ (32) മൃതദേഹം കേളി കലാസാംസ്കാരിക വേദി ജീവകാരുണ്യ വിഭാഗം പ്രവർത്തകർ ചേർന്ന് നാട്ടിലെത്തിച്ചു. റിയാദ് ബഗ്ലഫിലെ താമസസ്ഥലത്ത് ജൂലൈ 23നാണ് തൂങ്ങിമരിച്ച നിലയിൽ കണ്ടത്. വിനുകുമാർ നാലു വർഷമായി റിയാദിൽ സൗദി ടെലികോം കമ്പനിയായ എസ്.ടി.സിയിൽ കരാറടിസ്ഥാനത്തിൽ എൻജിനീയറായി ജോലി ചെയ്യുകയായിരുന്നു. പാലക്കാട് ജില്ലയിലെ പുതുനഗരം കാട്ടുതെരുവ് സ്വദേശികളായ മണിയൻ -കല്യാണി ദമ്പതികളുടെ മകനാണ്. അവിവാഹിതനാണ്. നെന്മാറ എം.എൽ.എ കെ. ബാബുവും പുതുനഗരം പ്രവാസി സംഘവും ആവശ്യപ്പെട്ടതനുസരിച്ച് കേളി ജീവകാരുണ്യ വിഭാഗം ഇടപെട്ടാണ് മൃതദേഹം നാട്ടിലെത്തിക്കാനുള്ള നടപടി പൂർത്തിയാക്കിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

