വി​സ്‌​മ​യ​മാ​യി അ​ൽ ലൈ​ത്തി​ലെ ‘ചൂ​ട​രു​വി’

ജി​ദ്ദ: തി​ള​ച്ച വെ​ള്ളം ഉ​റ​വ​പൊ​ട്ടി വ​രു​ക, അ​തൊ​രു അ​രു​വി​യാ​യി ഒ​ഴു​കു​ക. പ്ര​കൃ​തി​യു​ടെ ഈ ​അ​ത്ഭു​ത പ്ര​തി​ഭാ​സം മ​ക്ക മേ​ഖ​ല​യി​ലെ അ​ൽ ലൈ​ത്ത് എ​ന്ന സ്ഥ​ല​ത്താ​ണ്. ജി​ദ്ദ​യി​ൽ​നി​ന്ന്​ ജി​സാ​നി​ലേ​ക്കു​ള്ള റോ​ഡി​ൽ 250 കി​ലോ​മീ​റ്റ​ർ അ​ക​ലെ​യാ​ണ്​ ഈ ​അ​പൂ​ർ​വ കാ​ഴ്ച. മ​രു​ഭൂ​മി​യി​ൽ​നി​ന്നും പ്ര​വ​ഹി​ക്കു​ന്ന ചു​ട്ടു​പൊ​ള്ളു​ന്ന നീ​രു​റ​വി​ന് 80 ഡി​ഗ്രി സെ​ൽ​ഷ്യ​സ് വ​രെ ചൂ​ടാ​ണ്. ശ​രീ​ര​ത്തി​ന് ആ​വി പി​ടി​ക്കാ​നും ചു​ടു​വെ​ള്ള​ത്തി​ലൊ​ന്ന് നീ​രാ​ടാ​നും സ്വ​ദേ​ശി​ക​ളും വി​ദേ​ശി​ക​ളു​മാ​യ ധാ​രാ​ളം ആ​ളു​ക​ൾ ഇ​വി​ടെ ദി​വ​സ​വും എ​ത്തു​ന്നു​ണ്ട്.

ഇ​ക്ക​ഴി​ഞ്ഞ പെ​രു​ന്നാ​ൾ അ​വ​ധി ദി​ന​ങ്ങ​ളി​ൽ സ​ന്ദ​ർ​ശ​ക​രു​ടെ ന​ല്ല തി​ര​ക്കാ​ണ്​ അ​നു​ഭ​വ​പ്പെ​ട്ട​ത്. അ​ൽ ലൈ​ത്തി​ൽ​നി​ന്നും 48 കി​ലോ​മീ​റ്റ​ർ കി​ഴ​ക്കു​ള്ള ഗാ​മി​ക സെ​ന്റ​റി​ലെ ‘അ​ൽ മാ ​അ​ൽ ഹാ​ർ’ എ​ന്ന ഗ്രാ​മ​ത്തി​ലാ​ണ്​ ഈ ​ചു​ടു നീ​രു​റ​വ. ഇ​പ്പോ​ൾ ഇ​തൊ​രു വി​നോ​ദ സ​ഞ്ചാ​ര കേ​ന്ദ്രം കൂ​ടി​യാ​യി മാ​റി​യി​ട്ടു​ണ്ട്. സ​മു​ദ്ര നി​ര​പ്പി​ൽ​നി​ന്ന് 165 മീ​റ്റ​ർ ഉ​യ​ര​മു​ള്ള പ്ര​ദേ​ശ​ത്ത് 19 ഉ​റ​വു​ക​ളു​ണ്ടെ​ന്നാ​ണ് ക​ണ​ക്ക്. കാ​ൽ​സ്യം, സോ​ഡി​യം ബ​യോ കാ​ർ​ബൊ​ണെ​റ്റ്, ഫോ​സ്‌​ഫ​റ​സ്‌ തു​ട​ങ്ങി​യ പ​ദാ​ർ​ഥ​ങ്ങ​ളു​ടെ അ​ള​വ് ഇ​വി​ടു​ത്തെ ജ​ല​ത്തി​ൽ കൂ​ടു​ത​ലാ​ണെ​ന്ന് ശാ​സ്ത്രീ​യ പ​രി​ശോ​ധ​ന​യി​ൽ തെ​ളി​ഞ്ഞി​ട്ടു​ള്ള​താ​യി അ​റ​ബ് പ​ത്ര​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു.

പ​ഴ​യ കാ​ല അ​ഗ്നി​പ​ർ​വ​ത പ്ര​ദേ​ശ​ങ്ങ​ളാ​യി​ട്ടാ​ണ് ഈ ​മേ​ഖ​ല​ക​ൾ അ​റി​യ​പ്പെ​ടു​ന്ന​ത്. അ​ത് കൊ​ണ്ടാ​വാം ഈ ​അ​സ്വാ​ഭാ​വി​ക​മാ​യ പ്ര​തി​ഭാ​സ​മെ​ന്നാ​ണ് വി​ല​യി​രു​ത്ത​ൽ. സൗ​ദി​യു​ടെ 10 പ്ര​ദേ​ശ​ങ്ങ​ളി​ൽ ഇ​ത്ത​ര​ത്തി​ലു​ള്ള ചൂ​ടു​വെ​ള്ള പ്ര​തി​ഭാ​സം ഉ​ണ്ട​ത്രെ. അ​ൽ ലൈ​ത്തി​ലെ ചൂ​ട​രു​വി​യു​ടെ ഇ​രു​വ​ശ​വും ക​ല്ലു​ക​ൾ കൊ​ണ്ട്​ ഭി​ത്തി ഒ​രു​ക്കി ഭം​ഗി​യാ​ക്കി​യി​ട്ടു​ണ്ട്. 400 ച​തു​ര​ശ്ര മീ​റ്റ​ർ വി​സ്‌​തീ​ർ​ണ​ത്തി​ൽ ത​ടി​കൊ​ണ്ട്​ നി​ർ​മി​ച്ച ഇ​രി​പ്പി​ട​ങ്ങ​ൾ, കു​ളി​ക്കു​ന്ന​തി​നു​ള്ള ഏ​ഴു മു​റി​ക​ൾ, അ​രു​വി​യോ​ട്​ ചേ​ർ​ന്ന്​ നീ​ന്ത​ൽ​ക്കു​ളം, കു​ട്ടി​ക​ളു​ടെ ഉ​ല്ലാ​സ കേ​ന്ദ്രം എ​ന്നി​വ​യും ഒ​രു​ക്കി​യി​ട്ടു​ണ്ട്.

ചൂ​ടു​വെ​ള്ള​മൊ​ഴു​കു​ന്ന ഉ​റ​വ​യി​ൽ​നി​ന്നു​ള്ള കു​ളി​യും ആ​വി​പി​ടു​ത്ത​വു​മൊ​ക്കെ പ​ല ച​ർ​മ​രോ​ഗ​ങ്ങ​ൾ​ക്കു​മു​ള്ള ചി​കി​ത്സ​യാ​യി ക​ണ​ക്കാ​ക്കി​യാ​ണ്​ പ​ല​രും ഇ​വി​ടെ​യെ​ത്തു​ന്ന​ത്. വാ​ത​രോ​ഗ​ത്തി​നും മ​റ്റും ഇ​വി​ടു​ത്തെ സ്നാ​നം ഏ​റെ ഗു​ണം​ചെ​യ്യു​മെ​ന്ന് ചി​ല അ​നു​ഭ​വ​സ്ഥ​ർ സാ​ക്ഷ്യ​പ്പെ​ടു​ത്തു​ന്നു. സ​ന്ദ​ർ​ശ​ക​ർ​ക്ക് ആ​വി പി​ടി​ക്കാ​നും ‘സ്​​റ്റീം ബാ​ത്ത്’ ന​ട​ത്താ​നും പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കി​യ​തും പ്ര​കൃ​തി ര​മ​ണീ​യ​മാ​യ കാ​ഴ്ച​ക​ളും ഇ​ങ്ങോ​ട്ട് സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന ഘ​ട​ക​ങ്ങ​ളാ​ണെ​ന്ന് പെ​രു​ന്നാ​ൾ അ​വ​ധി​യി​ൽ യാം​ബു​വി​ൽ​നി​ന്ന് സു​ഹൃ​ത്തു​ക്ക​ളോ​ടൊ​പ്പം പ്ര​ദേ​ശം സ​ന്ദ​ർ​ശി​ച്ച ന​സീ​ഫ് മാ​റ​ഞ്ചേ​രി ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.