തറവാട് കൂട്ടായ്മ ‘പെരുന്നാൾ നിലാവ് 2025’ ആഘോഷിച്ചു

ബുറൈദ: ബുറൈദ കേന്ദ്രീകരിച്ച് പ്രവർത്തിക്കുന്ന തറവാട് കൂട്ടായ്മ ‘പെരുന്നാൾ നിലാവ് 2025’ എന്ന പേരിൽ വിപുലമായ ഈദ് ആഘോഷ പരിപാടികൾ സംഘടിപ്പിച്ചു. വലിയ ജനപങ്കാളിത്തത്തോടെ നടന്ന ആഘോഷ പരിപാടികൾ കനിവ് രക്ഷാധികാരി ഹരിലാൽ ഉദ്ഘാടനം ചെയ്തു. പൊതുസമ്മേളനത്തിൽ നജീബ് മടവൂർ അധ്യക്ഷത വഹിച്ചു. അബ്​ദു കിച്ചേരി, നിഷാദ് പാലക്കാട്, സൈദ് സുഹൈൽ എന്നിവർ സംസാരിച്ചു. മെജോ ജോർജ് സ്വാഗതവും ടി.എസ്. അനന്തു നന്ദിയും പറഞ്ഞു. ബുറൈദയിലെ വിവിധ കലാകാരന്മാരുടെ സംഗീത നൃത്ത കലാപരിപാടികളും അരങ്ങേറി. തുടർന്ന് സജീർ പട്ടുറുമാൽ നയിച്ച തണ്ടർ ബോയ്സ് റിയാദി​െൻറ ഗാനമേളയും പ്രഷീദ് അവതരിപ്പിച്ച ഡി.ജെ മ്യൂസിക്കും ആഘോഷത്തിന്​ പൊലിമ പകർന്നു.