താന്നിക്കൽ കുഞ്ഞുട്ടിക്ക് കെ.എം.സി.സി സ്വീകരണം നൽകി

ജിദ്ദ: ഹ്രസ്വ സന്ദർശനാർഥം ജിദ്ദയിലെത്തിയ കൊണ്ടോട്ടി മുനിസിപ്പൽ മുസ്​ലിംലീഗ് പ്രസിഡൻറ്​ താന്നിക്കൽ കുഞ്ഞുട്ടിക്ക് ജിദ്ദ കൊണ്ടോട്ടി മുനിസിപ്പൽ കെ.എം.സി.സി കമ്മിറ്റി സ്വീകരണം നൽകി. ചടങ്ങ് കെ.എം.സി.സി സെൻട്രൽ കമ്മിറ്റി സെക്രട്ടറി ലത്തീഫ് മുസ്​ലിയാരങ്ങാടി ഉദ്ഘാടനം ചെയ്തു. ജംഷി ബാവ അധ്യക്ഷത വഹിച്ചു.

കെ.കെ.മുഹമ്മദ്, എം.കെ.നൗഷാദ് വാഴയൂർ, അൻവർ വെട്ടുപാറ, കെ.പി. അബ്​ദുറഹ്​മാൻ വലിയപറമ്പ്, മുജീബ് മുതുവല്ലുർ, റഹ്​മത്ത് അലി തുറക്കൽ, യൂസഫ് കോട്ട, നൗഷാദ് ആലങ്ങാടൻ, ഉസ്മാൻ താന്നിക്കൽ, പി.സി. അബൂബക്കർ, മുഷ്ത്താഖ് മധുവായി, അസ്ക്കർ കുളത്തൂർ, നാസർ പുൽപ്പാടൻ, കെ.പി. ശഫീഖ്, കബീർ തുറക്കൽ എന്നിവർ സംസാരിച്ചു. കമ്മിറ്റിയുടെ ഉപഹാരം ഭാരവാഹികൾ ചേർന്ന് താന്നിക്കൽ കുഞ്ഞുട്ടിക്ക് നൽകി. കെ.കെ. ഫൈറൂസ് സ്വാഗതം പറഞ്ഞു. കെ.പി അബ്​ദുറഹ്മാൻ ഖിറാഅത്ത് നടത്തി.