തനിമ മെഗാ ക്വിസ്: അർച്ചന ഷിബുവിന്​ ഒന്നാം സ്​ഥാനം

റിയാദ്: 'പ്രവാചക​െൻറ വഴിയും വെളിച്ചവും' സന്ദേശ പ്രചാരണത്തി​െൻറ ഭാഗമായി തനിമ കലാസാംസ്​കാരിക വേദി സംഘടിപ്പിച്ച മെഗാ ക്വിസിൽ അർച്ചന ഷിബു (അൽഖോബാർ) ഒന്നാം സ്ഥാനവും കീർത്തി രാഹുൽ (റിയാദ്) രണ്ടാം സ്ഥാനവും നേടി. ആർ.വി. സുരേഷ് കുമാർ (ദമ്മാം) മൂന്നാം സ്ഥാനത്തിന് അർഹനായി.

സന്ദേശ പ്രചാരണ സമാപന സമ്മേളനത്തിൽ തനിമ കേന്ദ്ര പ്രസിഡൻറ്​ കെ.എം. ബഷീറാണ് വിജയികളെ പ്രഖ്യാപിച്ചത്. ഒന്നും രണ്ടും മൂന്നും സ്ഥാനക്കാർക്ക് യഥാക്രമം 30000, 20000, 10000 രൂപ സമ്മാനമായി ലഭിച്ചു. കെ.എൽ. ഗൗബ രചിച്ച 'മരുഭൂമിയിലെ പ്രവാചകൻ' എന്ന പുസ്തകത്തെ ആസ്പദമാക്കി ഓൺലൈനിൽ ഓഡിയോ - വീഡിയോ വിഷ്വലുകൾ ഉൾപ്പെടുത്തിയാണ് മത്സരം സംഘടിപ്പിച്ചത്.

മെഗാ ക്വിസിന്​ മുന്നോടിയായി 10 ദിവസം നീണ്ടുനിന്ന പൈലറ്റ് മത്സരങ്ങളും സംഘടിപ്പിച്ചിരുന്നു. തനിമ കേന്ദ്ര സമിതി അംഗങ്ങളായ ഉമർ ഫാറൂഖ്, മുജീബ് റഹ്‌മാൻ, അസ്ഹർ പുള്ളിയിൽ എന്നിവർ സമ്മാനങ്ങൾ വിതരണം ചെയ്തു.