‘ആദർശത്തിലൂന്നിയ െഎക്യമാണ് വേണ്ടത്’

ജിദ്ദ: മാനവിക ഐക്യം ആഹ്വാനം ചെയ്യുന്ന ആദർശ സംഹിതയാണ് ഇസ്​ലാമെന്നും തനിമയാർന്ന ആദർശത്തിലൂന്നിയ ഐക്യമാണ് നമുക്ക് വേണ്ടതെന്നും അസീസിയ ദഅവാ സ​​െൻറർ പ്രബോധന വിഭാഗം മേധാവി ശൈഖ്​ ഹമൂദ്‌ മുഹമ്മദ്‌ അൽ ശംമ്റി പറഞ്ഞു. പൈശാചിക പ്രലോഭനങ്ങളിൽ അകപ്പെട്ട് ഭിന്നിക്കാനെളുപ്പമാണ്. ഐക്യപ്പെടാനും അത് നിലനിർത്താനുമാണ് നമുക്ക് കഴിയേണ്ടത്. അതിന് സഹനത്തി​​​െൻറയും വിട്ടുവീഴ്ചയുടെയും ഏതറ്റം വരെ പോകാനും നാം തയാറാകേണ്ടതുണ്ട്. ജാമിയ ജാലിയാത്തും ജിദ്ദ ഇന്ത്യൻ ഇസ്​ലാഹി സ​​െൻററും സംയുക്തമായി സംഘടിപ്പിച്ച ‘തനിമ ഒരുമ കൂട്ടായ്മ’ കാമ്പയി​​​െൻറ സൗദി പടിഞ്ഞാറൻ മേഖല ഉദ്‌ഘാടന സമ്മേളനത്തിൽ സംസാരിക്കുകയായിരുന്നു അദ്ദേഹം.

ഡോ. ഇസ്മായിൽ മരുതേരി, അബൂബക്കർ അരിമ്പ്ര, കെ.ടി.എ മുനീർ, പി. പി.എ റഹീം, സി.എച്ച് ബഷീർ, അഷ്‌റഫ് ഒതായി, മജീദ് നഹ, അബ്ബാസ് ചെമ്പൻ, ബാദുഷ ബാഖവി എന്നിവർ ആശംസ നേർന്നു. അബൂബക്കർ മേഴത്തൂർ അധ്യക്ഷത വഹിച്ചു. നൂരിഷാ വള്ളിക്കുന്ന് സ്വാഗതവും മുഹമ്മദ് സാലിഹ് നന്ദിയും പറഞ്ഞു. അബ്്ദുൽ നാസർ തിക്കോടി, അബ്്ദുൽ നാസർ കുൻഫുദ, മൻസൂർ സ്വലാഹി, അബ്്ദുൽ സലാം മങ്കട, നിയാസ് പുത്തൂർ യാമ്പു എന്നിവർ സംബന്ധിച്ചു.