‘തനിമ’ ഹജ്ജ്​ വളണ്ടിയർമാരെ ആദരിച്ചു

ജിദ്ദ: ഇൗ വർഷം ഹജ്ജ് സേവനത്തിൽ പ​െങ്കടുത്ത തനി​മ വളണ്ടിയർമാരെ ആദരിച്ചു. സുലൈമാനിയ ശബാബിയ ഹാളിൽ നടന്ന പരിപാടി സനാഇയ കാൾ ആൻറ്​ ഗൈഡൻസ്​ എക്​സിക്യൂട്ടീവ്​ മേധാവി ശൈഖ്​ അബ്​ദുല്ല സഹ്​റാനി ഉദ്​ഘാടനം ചെയ്​തു. സാമൂഹിക സേവനം മഹത്തരമാണെന്നും അതിലേറ്റവും ഉത്തമമാണ്​ ഹജ്ജ്​ സേവനമെന്നും ശൈഖ്​ അബ്​ദുല്ല സഹ്​റാനി പറഞ്ഞു. വളണ്ടിയർ സേവന രംഗത്ത്​ പ്രവർത്തിച്ചവർക്ക്​ അദ്ദേഹം നന്ദി രേഖപ്പെടുത്തി. തനിമ വെസ്​റ്റേൺ മേഖല പ്രസിഡൻറ്​ എൻ.കെ അബ്​ദുറഹീം അധ്യക്ഷത വഹിച്ചു. ​ൈ​ശഖ്​ ഫൈസൽ, ഡോ. നുഅ്​മാൻ ബന്ദർ, ഉണ്ണീൻ മൗലവി (സനാഇയ കാൾ ആൻറ്​ ഗൈഡൻസ്​​ മലയാളം വിഭാഗം) സി.കെ മുഹമ്മദ്​ നജീബ്​​ എന്നിവർ സംസാരിച്ചു. ഹജ്ജ്​ വളണ്ടിയർമാർക്ക്​ സർട്ടിഫിക്കറ്റുകൾ ഗ്രൂപ്പ്​ ക്യാപ്​റ്റൻമാരായ സി.എച്ച്​.ബഷീർ, എ. നജ്​മുദ്ദീൻ, മുനീർ, ഹസീബ്​ എന്നിവർ​ ശൈഖ്​ അബ്​ദുല്ല സഹ്​റാനി, ശൈഖ്​ ബാബ്​കർ, ശാത്വീസഹ്​റാനി, ഡോ. നുഅ്​മാൻ ബന്ദർ എന്നിവരിൽ നിന്ന്​ ഏറ്റുവാങ്ങി. ഹജ്ജ്​ സേവനങ്ങളുടെ പ്രസ​േൻറഷനും നടന്നു. അബൂത്വാഹിർ ഖിറാഅത്ത്​ നടത്തി. സഫറുല്ല മുല്ലോളി സ്വാഗതവും അബ്​ദുൽ ശുക്കൂർ അലി നന്ദിയും പറഞ്ഞു.