തബൂക്കിൽ വാഹനാപകടത്തിൽ നാലുമരണം

തബൂക്ക്​: തബൂക്കിൽ വാഹനാപകടത്തിൽ നാല്​ പേർ മരിക്കുകയും രണ്ട്​ പേർക്ക്​ പരിക്കേൽക്കുകയും ചെയ്​തു. ശർമ^തബൂക്ക്​ റോഡിലാണ്​ സംഭവം. അപകട വിവരം അറിഞ്ഞയുടനെ അഞ്ച്​ ആംബുലൻസ്​ യൂനിറ്റുകൾ സ്​ഥലത്തെത്തിയിരുന്നതായി തബൂക്ക്​ ​റെഡ്​ക്രസൻറ്​ വക്​താവ്​ നബീൽ അൻസി പറഞ്ഞു. ആറ്​ പേരാണ്​ അപകടത്തിൽപ്പെട്ടത്​. നാല്​ പേർ മരിക്കുകയും രണ്ട്​ പേർക്ക്​ പരിക്കേൽക്കുകയും ചെയ്​തു​. പരിക്കേറ്റവരെ കിങ്​ ഖാലിദ്​ ആശുപത്രിയിൽ പ്രവേശിപ്പിച്ചു. രക്ഷാപ്രവർത്തനത്തിന്​ സിവിൽ ഡിഫൻസ്​ എത്തിയിരുന്നതായും റെസ്​ക്രസൻറ്​ വക്​താവ്​ പറഞ്ഞു.