സൗദിയിൽ ടെക്​നോളജി ഹബ്​ സ്​ഥാപിക്കാൻ ആൽഫബെറ്റും അരാംകോയും ചർച്ചയിൽ

ജിദ്ദ: സൗദി അറേബ്യയിൽ അതിവിസ്​തൃതമായ ഒരു ടെക്​നോളജി ഹബ്​ സ്​ഥാപിക്കാൻ അമേരിക്കയിലെ ആൽഫബെറ്റും സൗദി അരാംകോയും ചർച്ചകളിൽ. ഗൂഗ്​ളി​​െൻറ മാതൃസ്​ഥാപനമാണ്​ കാലിഫോർണിയ ആസ്​ഥാനമായ ആൽഫബെറ്റ്​. ചർച്ചകൾ യാഥാർഥ്യമായാൽ ലോകത്തിലെ ഏറ്റവും വലിയ രണ്ടുസ്​ഥാപനങ്ങളുടെ കൂടിച്ചേരലായിരിക്കും അത്​. 

സംയുക്​ത സംരംഭം വഴി സൗദി അറേബ്യയിൽ വ്യാപകമായി ഡാറ്റ സ​െൻററുകൾ സ്​ഥാപിക്കപ്പെടുമെന്നാണ്​ റിപ്പോർട്ടുകൾ. ആരായിരിക്കും ഇൗ ഡാറ്റാസ​െൻററുകൾ നിയന്ത്രിക്കുക, രണ്ടുസ്​ഥാപനങ്ങളുടെയും ഭാഗം എന്തായിരിക്കും എന്നീ വിഷയങ്ങളിൽ വ്യക്​തത വന്നിട്ടില്ല. ഇരുസ്​ഥാപനങ്ങളുടെയും മുതിർന്ന ഉദ്യോഗസ്​ഥർ ഇതുസംബന്ധിച്ച്​ കഴിഞ്ഞ ഏതാനും മാസങ്ങളായി ഉൗർജിത ചർച്ചകളിലായിരുന്നുവെന്ന്​ ‘വാൾസ്​ട്രീറ്റ്​ ജേണൽ’ റി​േപ്പാർട്ട്​ ചെയ്യുന്നു. ആൽഫബെറ്റ്​ ചീഫ്​ എക്​സിക്യൂട്ടീവ്​ ലാറി പേജും ഭാഗമായ ചർച്ചകൾക്ക്​ സൗദി കിരീടാവകാശി അമീർ മുഹമ്മദ്​ ബിൻ സൽമാ​​െൻറ പ്രോത്സാഹനവും ഉണ്ടായിരുന്നു. സിലിക്കൺ വാലിയുടെ മാതൃകയിൽ സാ​േങ്കതിക കേന്ദ്രങ്ങൾ സൗദിയിലും വര​ണമെന്നാണ്​ അമീർ മുഹമ്മദി​​െൻറ ഇംഗിതം. 

നിലവിൽ ആപ്പിൾ, ആമസോൺ തുടങ്ങിയ ആഗോളഭീമൻ സ്​ഥാപനങ്ങൾ സൗദി അറേബ്യയിൽ പ്രവർത്തനം ആരംഭിക്കാനുള്ള ലൈസൻസിങ്​ ചർച്ചകളിലാണ്​. സൗദിയിൽ മൂന്നുഡാറ്റ സ​െൻററുകൾ സ്​ഥാപിക്കുന്നതിനുള്ള നൂറുകോടി ഡോളറി​​െൻറ ഉടമ്പടിയാണ്​ ആമസോൺ മുന്നോട്ടുവെക്കുന്നത്​. ഇതിലുള്ള ചർച്ചകൾ അവസാനഘട്ടത്തിലാണ്​. ഏതാനും ആഴ്​ചകൾക്കുള്ളിൽ നടക്കാനിരിക്കുന്ന അമീർ മുഹമ്മദ്​ ബിൻ സൽമാ​​െൻറ അമേരിക്കൻ സന്ദർശനത്തിൽ ഇതി​​െൻറ പ്രഖ്യാപനം ഉണ്ടാകുമെന്നാണ്​ പ്രതീക്ഷ. 

ആൽഫബെറ്റി​​െൻറ കരാർ വഴി സൗദിയിൽ ഡാറ്റാസ​െൻറർ സ്​ഥാപിതമാകു​േമ്പാൾ ഗൂഗ്​ളിനും അതു ഗുണം ചെയ്യുമെന്ന്​ ബന്ധപ്പെട്ട വൃത്തങ്ങൾ ചൂണ്ടിക്കാട്ടുന്നു. മേഖലയിലെ എണ്ണവിപണി ഉപഭോക്​താക്കളിൽ നിന്ന്​ കൂടുതൽ വ്യാപാരം അവർക്ക്​ ലഭിക്കും. മധ്യപൂർവേഷ്യയിലെ ഡാറ്റ നിലവിൽ യൂറോപ്പ്​ വഴിയാണ്​ കൈകാര്യം ചെയ്യുന്നത്​. ദൈർഘ്യമേറിയ സമുദ്രാന്തര കേബിളുകൾ വഴിയുള്ള ഇൗ ഡാറ്റ ഗതാഗതം തിരക്കേറിയ സൈറ്റുകളുടെ വേഗതയും കുറക്കുന്നു. ഭൂമിശാസ്ത്രപരമായി ഉപഭോക്​താവിന്​ അടുത്ത്​ സ്​ഥിതി ചെയ്യുന്ന ഡാറ്റ സെർവറുകൾ കൂടുതൽ വേഗം പ്രദാനം ചെയ്യുമെന്ന്​ ബ്രിട്ടീഷ്​ ഇൻസ്​റ്റിറ്റ്യൂട്ടിലെ ഇൻറർനെറ്റ്​ ഗവേണൻസ്​ അസോസി​േയറ്റ്​ ഫെല്ലോ എമിലി ​ടെയ്​ലർ പറയുന്നു. അതുകൊണ്ട്​ തന്നെ സൗദി അറേബ്യയുടെ ഇൻറർനെറ്റ്​ ഭൂപടത്തി​​െൻറ സ്വഭാവം തന്നെ മാറ്റിമറിക്കാൻ ആൽഫബെറ്റ്​^അരാംകോ സംരംഭത്തിന്​ കഴിയുമെന്നാണ്​ കരുതുന്നത്​.