താജ്​ അൽഹിന്ദ്​ ബോളിവുഡ്​ കിച്ചൺ അൽഖോബാറിൽ പ്രവർത്തനമാരംഭിച്ചു

റിയാദ്: ഉത്തരേന്ത്യൻ രുചിവൈവിധ്യങ്ങളുമായി താജ് അൽ ഹിന്ദ് ബോളിവുഡ് കിച്ചൺ അൽ ഖോബാറിൽ പ്രവർത്തനമാരംഭിച്ചു. സൗദി അറേബ്യയിലെ പാചകലോകത്തെ പ്രമുഖരായ സൽക്കാര ഗ്രൂപ്പ് ഓഫ് റെസ്റ്റോറൻറ്​ മാനേജ്മെൻറി​െൻറ കീഴിൽ അൽഖോബാറി​െൻറ ഹൃദയഭാഗത്ത് അമീർ തുർക്കി സ്ട്രീറ്റിലുള്ള ഈ സ്ഥാപനം ഇന്ത്യൻ പാചകരീതിയുടെ പരമ്പരാഗതവും സമകാലികവുമായ രുചികളുടെ സമന്വയമാണ് വാഗ്ദാനം ചെയ്യുന്നത്.

സൗദി അറേബ്യയിലെ പ്രവാസികളുടെ തീൻമേശകളിലേക്ക് വൈവിധ്യവും രുചികരവുമായ വിഭവങ്ങൾ വിളമ്പി നേടിയ പ്രീതിയും പ്രചാരവുമാണ് ഈ പുതിയ സംരംഭത്തി​െൻറ പിന്നിലുള്ള പ്രചോദനമെന്ന് മാനേജ്‌മെൻറ്​ പ്രതിനിധികൾ അറിയിച്ചു. സൽക്കാര വിൻഫുഡ് ഗ്രൂപ്പിന് കീഴിൽ റിയാദിലും കിഴക്കൻ പ്രവിശ്യകളിലുമായി പത്തോളം റസ്​റ്റോറൻറുകൾ പ്രവർത്തിക്കുന്നുണ്ട്. തനി നാടൻ നാടൻ വിഭവങ്ങൾക്ക് പ്രാധാന്യം നൽകുന്ന സൽക്കാര ഗ്രൂപ്പി​െൻറ നിലവിലുള്ള റെസ്​റ്റോറൻറുകളിൽ നിന്ന് വിഭിന്നമായി ഇന്ത്യയുടെ വൈവിധ്യമാർന്ന ഭക്ഷണ സംസ്കാരത്തിലൂടെയുള്ള ഒരു പാചക യാത്രയാണ് താജ് അൽ ഹിന്ദ് വാഗ്ദാനം ചെയ്യുന്നതെന്ന്​ മാനേജ്​മെൻറ്​ വാർത്താസമ്മേളനത്തിൽ അറിയിച്ചു.

പരമ്പരാഗതവും നൂതനവുമായ ഇൻറീരിയർ ഡിസൈ​െൻറ മിശ്രണത്തോടെ രൂപകൽപന ചെയ്ത ഈ റെസ്​റ്റോറൻറിന്​ വിശാലമായ പാർക്കിങ്ങും ലിഫ്റ്റ് സൗകര്യവും ഉണ്ട്. അൽഖോബാർ ലുലു ഹൈപ്പർ മാർക്കറ്റി​െൻറ എതിർ വശത്താണ് റെസ്​റ്റോറൻറ്​ സ്ഥിതി ചെയ്യുന്നത്. താജ് അൽ ഹിന്ദിലെ മെനു രുചിവൈവിധ്യങ്ങൾ നിറഞ്ഞ ഇന്ത്യൻ തെരുവുകളുടെയുള്ള ഒരു രാജകീയ യാത്രയുടെ അനുഭവമാണ് നൽകുക എന്ന് സ്ഥാപകൻ ഫിറോസ്ഖാൻ താജുദ്ധീൻ അഭിപ്രായപ്പെട്ടു. വാർത്താ സമ്മേളനത്തിൽ മാനേജ്മെൻറ്​ പ്രതിനിധികളായ കെ.വി. അബ്​ദുൽ മജീദ്, അബ്​ദുൽ സമദ്, ഓപ്പറേഷൻ മാനേജർ റോബർട്ട് കുമാർ, മാർക്കറ്റിങ്​ മാനേജർ മുഹമ്മദ് ജിംഷാദ് എന്നിവർ പങ്കെടുത്തു.