ആ​ഗോ​ള ശ്ര​ദ്ധ​യാ​ക​ർ​ഷി​ച്ച് ത്വാ​ഇ​ഫി​ലെ റോ​സാ​പ്പൂ വ​സ​ന്തോ​ത്സ​വം

യാം​ബു: സൗ​ദി​യി​ലെ പ്ര​ധാ​ന വി​നോ​ദ​സ​ഞ്ചാ​ര​മേ​ഖ​ല​യും കാ​ർ​ഷി​ക മേ​ഖ​ല​യു​മാ​യ മ​ക്ക പ്ര​വി​ശ്യ​യി​ലെ ത്വാ​ഇ​ഫി​ലെ 19- മ​ത് റോ​സാ​പ്പൂ​ക്ക​ളു​ടെ വ​സ​ന്തോ​ത്സ​വ​ത്തി​ന് തു​ട​ക്ക​മാ​യ​പ്പോ​ൾ ആ​ഗോ​ള ശ്ര​ദ്ധ നേ​ടി​യി​രി​ക്കു​ക​യാ​ണ്. ത്വാ​ഇ​ഫ് റോ​സാ​പ്പൂ മേ​ള​യു​ടെ ഉ​ദ്‌​ഘാ​ട​നം ഗ​വ​ർ​ണ​ർ അ​മീ​ർ സ​ഊ​ദ് ബി​ൻ ന​ഹാ​ർ ബി​ൻ സ​ഊ​ദ് ബി​ൻ അ​ബ്ദു​ൽ അ​സീ​സ് ക​ഴി​ഞ്ഞ ആ​ഴ്ച നി​ർ​വ​ഹി​ച്ച​തോ​ടെ സ​ന്ദ​ർ​ശ​ക​രു​ടെ ശ്ര​ദ്ധ ഇ​ങ്ങോ​ട്ടാ​ണ്. ത്വാ​ഇ​ഫ് പ​രി​സ്ഥി​തി, ജ​ല ,കൃ​ഷി മ​ന്ത്രാ​ല​യ​ത്തി​ന്റെ ആ​ഭി​മു​ഖ്യ​ത്തി​ൽ ന​ട​ക്കു​ന്ന മേ​ള പ്ര​ദേ​ശ​ത്തെ ക​ർ​ഷ​ക​രു​ടെ​കൂ​ടി ഉ​ത്സ​വ​മാ​ണ്. മേ​ള​യോ​ട​നു​ബ​ന്ധി​ച്ച് വി​വി​ധ സാം​സ്കാ​രി​ക പ​രി​പാ​ടി​ക​ളും അ​ര​ങ്ങേ​റും.​മേ​യ് 7 മു​ത​ൽ 14 വ​രെ​യാ​ണ് റോ​സാ​പ്പൂ വ​സ​ന്തോ​ത്സ​വ​ത്തി​ന്റെ മു​ഖ്യ​മാ​യ ഉ​ത്സവ​മെ​ന്ന് സാം​സ്‌​കാ​രി​ക മ​ന്ത്രാ​ല​യം അ​റി​യി​ച്ചു. ത്വാ​ഇ​ഫി​ലെ വി​വി​ധ ഭാ​ഗ​ങ്ങ​ളി​ലു​ള്ള 270 ഹെ​ക്ട​റി​ൽ വ്യാ​പി​ച്ചു​കി​ട​ക്കു​ന്ന 910 റോ​സ് ഫാ​മു​ക​ളി​ൽ നി​ന്നാ​യി 550 ദ​ശ​ല​ക്ഷ​ത്തി​ല​ധി​കം പൂ​ക്ക​ളാ​ണ് ഉ​ൽപാ​ദി​പ്പി​ക്കു​ന്ന​ത്. ആ​ഭ്യ​ന്ത​ര വി​പ​ണി​യി​ൽ ഇ​വ​യു​ടെ മൂ​ല്യം 64 ദ​ശ​ല​ക്ഷം റി​യാ​ൽ ആ​യി ക​ണ​ക്കാ​ക്കു​ന്നു.

ത്വാ​ഇ​ഫി​ലെ റോ​സ് ഫാ​മു​ക​ൾ ഇ​പ്പോ​ൾ ആ​ഗോ​ള സു​ഗ​ന്ധ ഉ​ൽ​പാ​ദ​ന കേ​ന്ദ്ര​മാ​യി അ​റി​യ​പ്പെ​ടാ​ൻ തു​ട​ങ്ങി​യി​ട്ടു​ണ്ട്. റോ​സാ​പ്പൂ വ​സ​ന്ത​ത്തി​ന് ആ​ഗോ​ള​ത​ല​ത്തി​ൽ പേ​രു​കേ​ട്ട ത്വാ​ഇ​ഫി​ൽ വി​ള​വെ​ടു​പ്പു​കാ​ല​ത്ത് ന​ട​ക്കു​ന്ന പു​ഷ്പ​മേ​ള കാ​ണാ​ൻ വി​വി​ധ പ്ര​ദേ​ശ​ങ്ങ​ളി​ൽ നി​ന്ന് സ​ന്ദ​ർ​ശ​ക​രു​ടെ വ​ർ​ധി​ച്ച വ​ര​വു​ണ്ടാ​വും. മാ​ർ​ച്ച്, ഏ​പ്രി​ൽ മാ​സ​ങ്ങ​ളാ​ണ് ത്വാ​ഇ​ഫി​ലെ റോ​സ് സീ​സ​ൺ. പ​ർ​വ​ത​നി​ര​ക​ളാ​യ അ​ൽ ശ​ഫ, അ​ൽ ഹ​ദ, ബ​നു സ​അ​ദ്, അ​ന്നു​ഹ​ദ മേ​ഖ​ല​ക​ളി​ൽ കൃ​ഷി ചെ​യ്യു​ന്ന സു​ഗ​ന്ധ​മു​ള്ള റോ​സ് ഫാ​മു​ക​ളി​ലേ​ക്കാ​ണ് സീ​സ​ണി​ൽ സ​ന്ദ​ർ​ശ​ക​ർ കൂ​ടു​ത​ൽ എ​ത്താ​റു​ള്ള​ത്. ആ​ഗോ​ള​ത​ല​ത്തി​ൽ ത​ന്നെ വി​പ​ണി​യി​ൽ ഏ​റ്റ​വും വി​ല​കൂ​ടി​യ റോ​സാ​പ്പൂ തൈ​ല​വും മ​റ്റു ഉ​ൽപ​ന്ന​ങ്ങ​ളും ത്വാ​ഇ​ഫി​ൽ നി​ന്ന് നി​ർ​മി​ക്കു​ന്നു. ന​ഗ​രി​യി​ലെ 2,500 മീ​റ്റ​ർ ഉ​യ​ര​ത്തി​ലു​ള്ള ഗി​രി​മേ​ഖ​ല​യി​ൽ വാ​ദി മ​ഹ്‌​റം, അ​ൽ ഹ​ദ, അ​ൽ ശ​ഫ തു​ട​ങ്ങി​യ താ​ഴ്വ​ര​ക​ളി​ലാ​ണ് പി​ങ്ക് നി​റ​ത്തി​ലു​ള്ള റോ​സാ​പ്പൂ കൃ​ഷി​ക​ൾ വ്യാ​പ​ക​മാ​യി ന​ട​ക്കു​ന്ന​ത്. മി​ഡി​ൽ ഈ​സ്റ്റി​ലെ റോ​സ് സു​ഗ​ന്ധ വ​സ്തു​ക്ക​ളു​ടെ മു​ഖ്യ നി​ർ​മാ​താ​വാ​യി ത്വാ​യി​ഫ് ക​ണ​ക്കാ​ക്ക​പ്പെ​ടു​ന്നു.

30 ഇ​ത​ളു​ക​ളു​ള്ള പി​ങ്ക് റോ​സ് ത്വാ​ഇ​ഫി​ന്റെ സ​മ്പ​ദ് വ്യ​വ​സ്ഥ​യു​ടെ അ​വി​ഭാ​ജ്യ​ഘ​ട​ക​മാ​യി മാ​റി​യി​രി​ക്കു​ക​യാ​ണ്. ഇ​വ​യി​ൽ നി​ന്ന് റോ​സ് വാ​ട്ട​ർ, റോ​സ് ഓ​യി​ൽ,റോ​സ് പെ​ർ​ഫ്യൂം എ​ന്നി​വ ഉ​ൽ​പാ​ദി​പ്പി​ക്കു​ന്നു. റോ​സാ​പ്പൂ ഉ​ത്‌​പ​ന്ന​ങ്ങ​ൾ​ക്കാ​യു​ള്ള 20 തി​ലേ​റെ ഫാ​ക്റ്റ​റി​ക​ൾ ഇ​വി​ടെയുണ്ട്. പി​ങ്ക് റോ​സ് പൂ​ക്ക​ളി​ൽ നി​ന്ന് 70 ല​ധി​കം ഉ​ത്പ്പ​ന്ന​ങ്ങ​ൾ നി​ർ​മി​ക്കു​ന്ന​തി​നാ​വ​ശ്യ​മാ​യ വ​സ്തു​ക്ക​ൾ വി​വി​ധ ഫാ​ക്ട​റി​യി​ൽ നി​ന്നും ഉ​ൽപാ​ദി​പ്പി​ക്കു​ന്ന​തും ത്വാ​ഇ​ഫി​ലെ വേ​റി​ട്ട കാ​ഴ്ചയാ​ണ്. ഇ​വി​ടു​ത്തെ അ​പൂ​ർ​വ റോ​സാ​പ്പൂ കൃ​ഷി​ക്കും അ​തി​ന്റെ വൈ​വി​ധ്യ​ങ്ങ​ളാ​യ മേ​ത്ത​രം ഉ​ൽപ​ന്ന​ങ്ങ​ൾ​ക്കും രാ​ജ്യ​ത്തെ കാ​ർ​ഷി​ക മ​ന്ത്രാ​ല​യ​വും മ​റ്റ് വി​വി​ധ സ​ർ​ക്കാ​ർ ഏ​ജ​ൻ​സി​ക​ളും വ​ർ​ധി​ച്ച പി​ന്തു​ണ​യും പ്രോ​ത്സാ​ഹ​ന​വും ന​ൽ​കു​ന്നു​ണ്ട്. 2005 മു​ത​ൽ പൂ​ക്ക​ളു​ടെ വി​ള​വെ​ടു​പ്പ് കാ​ല​ത്തോ​ട​നു​ബ​ന്ധി​ച്ച് റോ​സ് ഫെ​സ്റ്റി​വ​ൽ ന​ട​ന്നു​വ​രു​ന്നു​ണ്ട്. മേ​ള​യോ​ട​നു​ബ​ന്ധി​ച്ച് ലൈ​റ്റ് ഷോ, ​റോ​സാ പൂ ​ഉ​ലൽപന്ന​ങ്ങ​ളു​ടെ പ്ര​ദ​ർ​ശ​ന​വും വി​പ​ണ​ന​വും, ഭ​ക്ഷ്യ​മേ​ള, കു​ട്ടി​ക​ൾ​ക്കാ​യി വൈ​വി​ധ്യ​മാ​ർ​ന്ന പ​രി​പാ​ടി​ക​ൾ എ​ന്നി​വ ഉ​ൾ​പ്പെ​ടെ നി​ര​വ​ധി പ​രി​പാ​ടി​ക​ൾ ഒ​രു​ക്കു​ന്ന​താ​യും സം​ഘാ​ട​ക​ർ അ​റി​യി​ച്ചു. വ​ർ​ണാ​ഭ​മാ​യ പു​ഷ്പ​മേ​ള​യും റോ​സാ പൂ​ക്ക​ളു​ടെ വൈ​വി​ധ്യ​മാ​ർ​ന്ന കാ​ഴ്ച്​ക​ളും കാ​ണാ​ൻ വി​വി​ധ പ്ര​ദേ​ശ​ങ്ങ​ളി​ൽ നി​ന്ന് സ​ഞ്ചാ​രി​ക​ളു​ടെ വ​ർ​ധി​ച്ച വ​ര​വ് ഈ ​വ​ർ​ഷ​വും ഉ​ണ്ടാ​കു​മെ​ന്ന് പ്ര​തീ​ക്ഷി​ക്കു​ന്നു.